ក្រុងប៉ោយប៉ែត ៖ ថ្ងៃសុក្រ ០៨ រោចខែផល្គុនឆ្នាំឆ្លូវត្រីស័កពុទ្ធសករាជ ២៥៦៥ ត្រូវនឹងថ្ងៃទី ២៥ ខែមីនាឆ្នាំ ២០២២នេះមានហេតុការអគ្គីភ័យមួយបានឆាប់ឆេះ ផ្ទះប្រជាពលរដ្ឋ 11 គ្រួសារនៅភូមិនិមិត្ត ០៤ សង្កាត់និមិត្ត ក្រុងប៉ោយប៉ែតខេត្តបន្ទាយមានជ័យ។
ភ្លាមភ្លាមនោះក៏មានវត្តមានលោកគាត ហ៊ុលអភិបាលក្រុងប៉ោយប៉ែតដែទើបត្រឡប់ពីរបំពេញភារកិច្ច ធ្វើដំណើរកាត់តាមទីនោះ ក៏ប្រទះឃើញនូវហេតុការណ៍អគ្គីភ័យកំពុងតែឆាបឆេះ លោកអភិបាលក្រុងក៏បានដឹកនាំកម្លាំងជួយអន្តរាគមន៍ ហៅឡានពន្លត់អគ្គីភ័យនៃអធិការរដ្ឋាននគរបាលក្រុងប៉ោយប៉ែតដែរតែមិនអាចជួយសង្គ្រោះបានទេអគ្គីភ័យបានលេបត្របាក់ផ្ទះអស់ទាំងស្រុង។
បន្ទាប់ពីហេតុការណ៍បានកើតឡើងលោកអភិបាលក្រុងប៉ោយប៉ែត បានដោះស្រាយបញ្ហាបន្ទាន់ ចាត់ក្រុមការងារទៅដឹកនាំយកស្បៀងសង្គ្រោះបឋមរួមមានសម្ភារៈនិងថវិកាទៅផ្ដល់ជូនគ្រួសារដែលត្រូវភ្លើងឆេះផ្ទះ ដែលមានម្ចាស់ឈ្មោះបុិក ផានអាយុ៧៥ឆ្នាំរួមមាន÷
អង្ករ ១០០ គីឡូក្រាម
២.ទឹកត្រីទឹកស៊ីអ៊ីវ ០៦យួរ
៣.ឃីត០២កញ្ចប់
៤. ត្រីខ ០៣ យួរ
៥.ម៉ាស០៥ប្រអប់
៦.ថវិកា 60ម៉ឺនរៀល
ដើម្បីជួយដោះស្រាយជីវភាព ជាបឋមនិងបណ្ដោះអាសន្នក្នុងគ្រាជួបការលំបាកដល់ពួកគាត់។