ក្រុងប៉ោយប៉ែត នៅថ្ងៃព្រហស្បតិ៍រោចខែផល្គុនឆ្នាំឆ្លូវត្រីស័កពុទ្ធសករាជ ២៥៦៥ ត្រូវនឹងថ្ងៃទី ២៤ខែមីនាឆ្នាំ ២០២២ លោកង៉ោ ម៉េងជ្រួនអភិបាលរងខេត្តបន្ទាយមានជ័យ លោកគាត ហ៊ុលអភិបាលក្រុងប៉ោយប៉ែត ព្រមទាំងក្រុមការងារបានចុះពិនិត្យទីតាំងដើម្បីត្រៀម បើកការដ្ឋានស្ថាបនា គម្រោងសួនប៉ោយប៉ែតតេជោ ឈ្នះឈ្នះ ប្រវែង ២៥០ ម៉ែត្រ រ៉បតាមបណ្ដោយផ្លូវជាតិលេខ ០៥ ចាប់ពីចំណុចមុខផ្លូវសហព័ន្ធរហូតដល់ច្រកចូលបុរីខេអិន។
គម្រោងស្ថាបនាសួនតេជោ ឈ្នះឈ្នះ នេះត្រូវបានលេច ជារូបរាងឡើងបន្ទាប់ពីមានការសម្របសម្រួលរវាងអាជ្ញាធរនិងប្រជាពលរដ្ឋដែលបាន តាំងលំនៅលើចំណីផ្លូវសាធារណៈ ក្នុងពេលកន្លងមកដោយពួកគាត់យល់ព្រមរុសរើនិងដោយស្ម័គ្រចិត្តចេញពីទីតាំងនេះដើម្បីឲ្យអាជ្ញាធរធ្វើការអភិវឌ្ឍនិ៍ តំបន់នេះទៅជាប្រយោជន៍សាធារណៈរួម ហើយក៏ទទួលបានការសណ្តោសប្រណី ពីសម្ដេចអគ្គមហាសេនាបតីតេជោហ៊ុន សែននាយករដ្ឋមន្ត្រី នៃព្រះរាជាណាចក្រកម្ពុជានិងសម្ដេចកិត្តិព្រឹទ្ធបណ្ឌិតប៊ុន រ៉ានីហ៊ុន សែន នៅដីកាន់កាប់ដោយស្របច្បាប់ក្នុងមួយគ្រួសារ១ឡូតិ៍ ក្បាលដីនៅភូមិបឹងជង្រុកតេជោឈ្នះឈ្នះតាមរយៈឯកឧត្តមប៉ាន់ ខែមប៊ុនថន នាយករងខុទ្ទកាល័យសម្ដេចតេជោផងដែរ។
គំរោងសួនប៉ោយប៉ែតតេជោឈ្នះនឹងបានលើកមុខមាត់ទីក្រុងប៉ោយប៉ែតឲ្យកាន់តែមានសោភ័ណភាពប្រសើរថែមមួយកម្រិតទៀតនាពេលដ៏ខ្លីខាងមុខនេះ។បងប្អូនពលរដ្ឋនៅក្រុងប៉ោយប៉ែតក៏ដូចជានៅតាមបណ្ដាលឃុំស្រុកមួយចំនួនបានសម្ដែងនៅការរីករាយសប្បាយចិត្តអបអរគម្រោងសួនតេជោឈ្នះឈ្នះ ពួកគាត់បានលើកឡើងថា នឹងទទួលបានទីកន្លែងកម្សាន្ត ហាត់ប្រាណដើម្បីសុខភាពទាំងអស់គ្នាផងដែរ។
