ខេត្តបន្ទាយមានជ័យ ៖ នៅថ្ងៃទី ១៧ ខែមីនាឆ្នាំ ២០២២ វេលាម៉ោង ០០ រំលងអធ្រាត្រ ដោយមានការយកចិត្តទុកដាក់ពីឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងលោកវរសេនីយ៍ឯក សួង សៅ មេបញ្ជាការព្រំដែនគោក ៨១៥ចាត់កម្លាំងប៉ុស្តិ៍ចំបក់ចំនួន ០៤ នាក់ដឹកនាំដោយលោកវរសេនីយ៍ទោ មាស ម៉េងហ៊ួង មេបញ្ជាការរងទទួលទិស និងលោកវរសេនីយ៍ត្រី ប៊ុន គុន នាយប៉ុស្តិ៍សហការជាមួយកម្លាំងកងរាជអាវុធហត្ថប្រចាំស្រុកម៉ាឡៃ បានទប់ស្កាត់ប្រជាពលរដ្ឋបំរុងលួចឆ្លងដែនខុសច្បាប់ចំនួន ១៤ នាក់ស្រី ០៥នាក់កុមារ១នាក់នៅចំណុចផ្លូវលំក្នុងភូមិចំបក់ ឃុំបេងចម្ងាយពីផ្លូវជាតិលេខ ៥៩ប្រហែល ១០០ ម៉ែត្រនិងរថយន្ត១គ្រឿងម៉ាក nissan ពណ៌ទឹកប្រាក់ពាក់ស្លាកលេខ2B.4443។
សូមបញ្ជាក់ថា ក្នុងចំណោមប្រជាពលរដ្ឋទាំង១៤នាក់មានម្នាក់ឈ្មោះលឿម បូរីភេទប្រុសអាយុ ៤០ ឆ្នាំមានទីលំនៅភូមិចំបក់ ឃុំបឹងបេង ស្រុកម៉ាឡៃ ខេត្តបន្ទាយមានជ័យ (ជាតៃកុងរថយន្ត)បន្ទាប់ពីធ្វើការណែនាំប្ដីពីការឆ្លងរីករាលដាលនៃជំងឺកូវីដ១៩ រួចកម្លាំងកងរាជអាវុធហត្ថបានបញ្ជូនពួកគាត់ចំនួន ១៣ នាក់ទៅមណ្ឌលចត្តាឡីស័ក ចំណែកតៃកុងរថយន្តបានបញ្ជូនទៅកាន់ការដ្ឋានកងរាជអាវុធហត្ថខេត្តបន្ទាយមានជ័យដើម្បីចាត់វិធានការតាមនីតិវិធី។
សូមរំលឹកផងដែរថា បើទោះបីកម្លាំងចម្រុះប្រឹងទប់ស្កាត់ដូចដាក់ព្រួលរនាំងលបនឹងធ្វើការចុះល្បាតដូចភ្លៀងរលឹមនិងមានការឃាត់ខ្លួនបានទាំងជនបរទេសនិងជនជាតិខ្មែរជាច្រើនករណីយ៉ាងណាក្តី ប៉ុន្តែសកម្មភាពលួចបញ្ច្រៀតលបលួចចូលឆ្លងដែនពីសំណាក់មេខ្យល់នៅតែបន្តហាក់ដូចមិនញញើតនិងកម្លាំងសមត្ថកិច្ចដែលប្រចាំការនិងការពារតាមព្រំដែនសោះឡើយមកដល់ពេលនេះ សួថាមេខ្យល់ខ្លាំងឬសមត្ថកិច្ចខ្លាំង??។
