ខេត្តបាត់ដំបង ៖ ដោយអនុវត្តតាមបទបញ្ជារបស់លោកឧត្តមសេនីយ៍ទោសាត គឹមសានស្នងការនៃស្នងការដ្ឋាននគរបាលខេត្តបាត់ដំបង បានចង្អុលបង្ហាញឲលោកវរសេនីយ៍ឯកលឹម ពុទ្ធីឡាស្នងការរងផែនការងារនគរបាលព្រហ្មទណ្ឌនិងដោយបានការសម្របសម្រួលលើនីតិវិធីពីឯកឧត្តមកែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបងផងនោះកាលពីថ្ងៃទី ១៦ ខែមិថុនាឆ្នាំ២០២២២ លោកវរសេនីយ៍ឯកឈឿង គឺមសុង នាយការិយាល័យនគរបាលព្រហ្មទណ្ឌកំរិតស្រាល បានដឹកនាំកម្លាំងការិយាល័យជំនាញរួមជាមួយកម្លាំងក្រុមអន្តរាគមន៍បង្ការបង្ក្រាបចុះប្រតិបត្តិការបង្ក្រាបករណីល្បែងស៊ីសងភ្នាល់ទឹកភ្លៀងទីតាំងទី ១ ស្ថិតនៅក្នុងភូមិព្រៃកូនសេកសង្កាត់អូចារ ក្រុងបាត់ដំបងខេត្តបាត់ដំបងនាំខ្លួនមនុស្សចំនួន ០៧ នាក់។
ទីតាំងទី ២ ស្ថិតនៅក្នុងភូមិរំចេក ០៤ សង្កាត់រតនៈ ក្រុងបាត់ដំបងខេត្តបាត់ដំបង នាំខ្លួនមនុស្សចំនួន០៩នាក់ដោយនាំមកកាន់ស្នងការដ្ឋាននគរបាលខេត្តបាត់ដំបងធ្វើការសាកសួរស្រាវជ្រាវ។
វត្ថុតាងដកហូតបានរួមមានវិទ្យុទាក់ទងចំនួន ៦គ្រឿង ទូរស័ព្ទដៃចំនួន ២៥ គ្រឿង រថយន្តចំនួន ០៤គ្រឿង ម៉ូតូចំនួន ០៨ គ្រឿង ម៉ូតូកង់បីឥណ្ឌាចំនួន ០១ គ្រឿង កង់ចំនួន ០១គ្រឿង ក្រោយពីទទួលដំណឹងថា មានសកម្មភាពលាក់លួចបើកទីតាំងឲលេងល្បែងផ្នាល់ទឹកភ្លៀង លោកឧត្តមសេនីយ៍ទោសាត គឹមសានស្នងការរដ្ឋាននគរបាលខេត្តបាត់ដំបង បានដាក់បញ្ជាដល់ផែនជំនាញរួមទាំងអធិការនគរបាលក្រុងបាត់ដំបងធ្វើការសាវជ្រាវ ភ្លាមដែលក្នុងនោះនាក់លេង បានប្រមូលផ្ដុំគ្នានៅចំណុច ២មុននោះគឺគាត់បានបំលែងរូបភាពទៅកាន់ទីតាំងផ្សេងៗដែលស្ថិតនៅឆ្ងាយពីគ្នា ពីទីតាំងប្រជុំជាន់ហើយបានបែងចែករូបភាពតូចៗដើម្បីបំភាន់ភ្នែកសមិត្ថកិច្ច។
នៅទីបំផុតក្នុងថ្ងៃទី ១៦ខែមីណាឆ្នាំ ២០២២ ជាថ្ងៃដែលផ្ទៃមេឃមានសភាពអួអាប់ខ្លាំងក្នុងក្រុងបាត់ដំបងអ្នកលេងទឹកភ្លៀងក៏ដើរបង្ហាញតម្រុយនៅមូលដ្ឋានខាងលើ ហើយសមត្ថកិច្ចតាមចាប់បានចំនួនពីគោលដៅខាងលើ។
ជាមួយនឹងការសាកសួររបស់សមត្ថកិច្ចបានឲ្យដឹងថាអ្នកលេងគេបានប្ដូរយុទ្ធវិធីហើយ ពោលគឺគ្មានមេគ្មានកូនអ្វីទេឲ្យតែណាត់គ្នាត្រូវគេ ចាប់ផ្ដើមភ្នាល់តែម្តងពិសេសនៅពេលដែលស្ថានភាពមេឃចង់ភ្លៀង ជាក់ស្ដែងនៅក្នុងករណីខាងលើនេះអ្នកលេងគេបានណាត់គ្នាយកសំយ៉ាបបង្គន់អនាម័យសាធារណៈមួយនៅចំណតរថយន្តផ្សារបឹងឈូក ធ្វើជាទីតាំងភ្នាល់នៅពេលណាដំណក់ទឹកភ្លៀងស្រក់ចុះពីសំយ៉ាបនោះដល់ផ្ទៃដីគេយកជាបានការក្នុងការភ្នាល់។
អ្នកលេងល្បែងភ្នាល់ទឹកភ្លៀង ១៦ នាក់ព្រមទាំងវត្ថុតាងបច្ចុប្បន្នការិយាល័យជំនាញបានកសាងសំណុំរឿងដើម្បីបញ្ជូនទៅសាលាដំបូងខេត្តបាត់ដំបង ដើម្បីចាត់ការបន្តតាមនីតិវិធីនៃច្បាប់។