(ខេត្តបន្ទាយមានជ័យ) ៖ កាលពីថ្ងៃទី ១៤ខែមីនាឆ្នាំ ២០២២ក្រុមគ្រួសារជនរងគ្រោះបានប្រាប់អ្នកសារព័ត៌មានយើងឱ្យដឹងថាសមាជិកគ្រួសាររបស់ពួកគាត់ម្នាក់បានស្លាប់និងម្នាក់ទៀតរបួសយ៉ាងធ្ងន់ធ្ងរក្នុងហេតុការណ៍គ្រោះថ្នាក់ចរាចរណ៍មួយបានកើតឡើងកាលពីវេលាម៉ោង ៧.៣០ នាទីដេកយប់ថ្ងៃទី ៣១ខែមករាឆ្នាំ ២០២២រវាងរថយន្តបុកម៉ូតូនៅមិនទាន់បានទទួលយុត្តិធម៌និងមិនទាន់បានទទួលសំណងណាមួយឡើយពីភាគីខាងរថយន្តបង្គឡើយ។
ក្រុមគ្រួសារជនរងគ្រោះបន្តឱ្យដឹងទៀតថាភាគីខាងរថយន្តត្រូវបានគេស្គាល់ថាមានឈ្មោះវៀន លីគុយសេងភេទប្រុសជាមន្ត្រីអគ្គានុរក្សពន្ធនាធនាគារខេត្តបន្ទាយមានជ័យ។
ហេតុការណ៍គ្រោះថ្នាក់ចរាចរណ៌នេះកើតឡើងនៅចំណុចខាងជើងវត្តសេរីមង្គលប្រហែល ៥០ ម៉ែត្រស្ថិតក្នុងភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ្ឌខេត្តបន្ទាយមានជ័យរវាងរថយន្តមួយគ្រឿងម៉ាក លុច្សស៊ីស rx៣៣០ ពណ៌សពាក់ស្លាកលេខភ្នំពេញ2AQ32.50 បើកបរដោយល្បឿនយ៉ាងលឿនបញ្ច្រាស់ទិសគ្នា ដោយរថយន្តបានជិះចូលបំពានទៅលើផ្លូវខាងភាគីម៉ូតូរកវ៉ែង( ២០ សង់ទីម៉ែត្រ)ហើយបានបុកម៉ូតូមួយគ្រឿងយ៉ាងពេញទំហឹងម៉ាកហុងដាឌ្រីមC125 ពណ៌ខ្មៅស៊េរីឆ្នាំ ២០១២ស្លាកលេខភ្នំពេញ 1BG1154 នេះបើយោងតាមការអះអាងរបស់ក្រុមគ្រួសារជនរងគ្រោះ។
ក្នុងហេតុការណ៍នេះបណ្ដាលឲ្យបុរសម្នាក់ជាភាគីខាងម៉ូតូឈ្មោះអំ សាមឿន អាយុ ៣៦ ឆ្នាំមានមុខរបរជាគ្រូបង្រៀន មានទីលំនៅភូមិឈ្នួរ ឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យស្លាប់ភ្លាមៗនៅនឹងកន្លែងកើតហេតុ។
រីឯជនរងគ្រោះម្នាក់ទៀតឈ្មោះឈន សូណែតសត្យាស្រីអាយុ ២៤ឆ្នាំមុខរបរ(ជាគ្រូបង្រៀន)មានទីលំនៅភូមិអូរមង្គលបូរី ខេត្តបន្ទាយមានជ័យរងរបួសយ៉ាងធ្ងន់ធ្ងរដោយបាក់ឆ្អឹងត្រគាកហើយក្រុមគ្រួសារជនរងគ្រោះបន្តថាបុរសដែលបានស្លាប់និងស្ត្រីដែលរងរបួសធ្ងន់ធ្ងរនេះគឺជាគូដណ្ដឹងនឹងគ្នាដោយសល់តែរយៈពេលតែ ១០ ថ្ងៃទៀតតែប៉ុណ្ណោះដល់ថ្ងៃចូលរោងការហើយបែរជាមកជួបរឿងអកុសលបែបនេះទៅវិញ។
ក្រុមគ្រួសារជនរងគ្រោះបន្ថែមទៀតថាក្រោយថ្ងៃកើតហេតុតៃកុងរថយន្តមិនបានចូលខ្លួនមកដោះស្រាយដោយផ្ទាល់នោះទេ ដោយឲ្យម្ដាយដែលត្រូវបានគេស្គាល់ថាឈ្មោះប៉ុក ណាឌីជាអតីតអភិបាលរងខេត្តបន្ទាយមានជ័យនឹងបច្ចុប្បន្នត្រូវបាន ផ្ទេរទៅអភិបាលរងខេត្តពោធិ៍សាត់ បានចូលខ្លួនជាតំណាងដើម្បីដោះស្រាយជំនួសតែដំណោះស្រាយដំបូងទី ០១ និងទី ០២ នៅទីតាំងការិយាល័យចរាចរណ៍ផ្លូវគោកនៃស្នងការរដ្ឋាននគរបាលខេត្តបន្ទាយមានជ័យគឺតំណាងភាគីខាងរថយន្តបង្ក មិនបានផ្ដល់ចម្លើយឬឆ្លើយតបណាមួយជូនក្រុមគ្រួសារជនរងគ្រោះឡើយ។
ដោយលើកទី ៣ តំណាងភាគីរបស់លោកវៀន លីគុយសេង បានសម្រេចចិត្តបង់ប្រាក់ជូនជនរងគ្រោះបានត្រឹមតែ ៦ លានរៀលតែប៉ុណ្ណោះដោយអ្នកស្លាប់ទទួលសំណងចំនួន ២ លានរៀលអ្នករងរបួសចំនួន ៤លានរៀលតែត្រូវបានក្រុមគ្រួសារជនរងគ្រោះបដិសេធទើបលោកស្រីប៉ុក ណាឌីដំឡើងតម្លៃឲ្យ ២ លានរៀលបន្ថែមទៀតសរុបទាំងអស់ចំនួន ៨ លានរៀលតែក្រុមគ្រួសារជាន់រងគ្រោះ នៅតែមិនព្រមទទួលដដែលដោយពួកគាត់ទាមទារសំណងសម្រាប់អ្នកស្លាប់ចំនួន ២ម៉ឺនដុល្លាររីឯអ្នករងរបួសធ្ងន់៣ម៉ឺនដុល្លារ។
ក្រុមគ្រួសារជនរងគ្រោះបានលើកឡើងថាលោកស្រីប៉ុក ណាឌីអភិបាលរងខេត្តពោធិ៍សាត់ត្រូវជាម្ដាយលោកវៀន លីហគុយសេង និងជាតំណាងជំនួសកូនរបស់គាត់ផងនោះប្រហែលកំពុងតែអាងអំណាចជាអភិបាលរងខេត្តហើយមើលទៅទើបយកលុយបន្តិចបន្តួចមកជះលើក្បាលក្រុមគ្រួសាររបស់ពួកគាត់ដែលជារាស្ត្រទាន់ខ្សោយដើម្បីបញ្ចប់រឿងគឺមិនអាចទៅរួចនោះទេ។
ដូច្នេះក្រុមគ្រួសារជនរងគ្រោះក៏សូមអំពាវនាវដល់ស្ថាប័នច្បាប់ក្នុងខេត្តបន្ទាយមានជ័យមេត្តាជួយរកយុត្តិធម៌ដល់ពួកគាត់ផងព្រោះពួកគាត់មិនអាចទទួលយកបាននោះទេ។
នូវដំណោះស្រាយក្នុងតម្លៃដូចខាងលើព្រោះសមាជិករបស់គាត់ម្នាក់បានស្លាប់និង ម្នាក់ទៀតរងរបួសយ៉ាងធ្ងន់ធ្ងរអាចនិងត្រូវពិការអស់មួយជីវិតតើតម្លៃ ៨ លានរៀលដែលភាគីខាងរថយន្តផ្ដល់ជូនពួកគាត់នេះសាកសមនិងយុត្តិធម៌ដែរឬទេ??។ចំណែកអ្នកបើករថយន្តបង្កក៏មិនឃើញបានទទួលទោសទណ្ឌអ្វីតាមច្បាប់បានចែងក្នុងករណីបង្កឲមានគ្រោះថ្នាក់ចរាចរណ៍តាមច្បាប់ចរណ៌រាចរណ៌ផ្លូវគោកបានចែងដែរ។
ជុំវិញបញ្ហាដូចខាងលើនៅថ្ងៃទី ១៧ខែមីនាឆ្នាំ ២០២២ នេះអង្គភាពសារព័ត៌មានយើងនៅមិនទាន់ទទួលការបំភ្លឺណាមួយពីលោកវៀនលីគុយសេងនិងលោកស្រីប៉ុក ណាឌីជាតំណាងភាគីខាងរថយន្តនៅឡើយទេដោយសារគ្មានលេខទូរស័ព្ទទំនាក់ទំនងដូច្នេះអង្គភាពយើងរីករាយទទួលការបំភ្លឺគ្រប់ពេលវេលាដោយយោងតាមច្បាប់ស្ដីពីរបបសារព័ត៌មាន។
