ខេត្តបន្ទាយមានជ័យ ៖ មានករណីគ្រោះថ្នាក់ចរាចរណ៍មួយដ៏រន្ធត់បានកើតឡើងរវាងរថយន្តស៊េរីទំនើប lexus rx330 បុកជាមួយម៉ូតូបណ្ដាលឲ្យបុរសពីរនាក់បានស្លាប់បាត់បង់ជីវិតភ្លាមភ្លាមនៅកន្លែងកើតហេតុ គ្រោះថ្នាក់ដ៏រន្ធត់នេះបានកើតឡើងនៅវេលាម៉ោង ១ និង ៣០ នាទីទៀបភ្លឺត្រូវនឹងថ្ងៃទី ១៤ខែមិនាឆ្នាំ ២០២២ស្ថិតតាមបណ្ដោយផ្លូវជាតិលេខ 5 ទល់មុខក្រុមហ៊ុនម៉ូតូហុងដា ក្នុងសង្កាត់ប៉ាលិល័យ១ ក្រុងប៉ោយប៉ែតខេត្តបន្ទាយមានជ័យ។
បើតាមប្រភពពីប្រជាពលរដ្ឋដែលរស់នៅជិតនឹងតំបន់កើតហេតុបានប្រាប់ឲ្យដឹងថា ករណីមុនកើតហេតុមានរថយន្តស៊េរីទំនើបម៉ាក lexus rx330 ពណ៌សពាក់ស្លាកលេខភ្នំពេញ( 2AU19 11)បានបោះពួយពីទិសដៅពីកើតមកលិចស្រពគ្នាក្នុងល្បឿនលឿនមកដល់ចំណុចកើតហេតុបណ្ដាលឲ្យបុកម៉ូតូមួយគ្រឿងម៉ាកហុងដាស៊េរីឆ្នាំ ២០១២ពណ៌ខ្មៅគ្មានស្លាកលេខមួយគ្រឿងបើកបរដោយបុរសម្នាក់និងអ្នករួមដំណើរម្នាក់មិនស្គាល់អត្តសញ្ញាណបុកពីក្រោយចំពេញមួយទំហឹងបង្កអោយមានអ្នកស្លាប់ពីរនាក់នៅនឹងកន្លែងកើតហេតុភ្លាមភ្លាមហើយរថយន្តបង្កជ្រុលទៅបុករថយន្តស៊េរីទំនើបមួយគ្រឿងទៀតម៉ាក(ford)ពណ៌ខ្មៅគ្មានស្លាកលេខបណ្ដាលឱ្យរងការខូចខាតផ្នែកខាងក្រោយយ៉ាងដំណំ។ចំណែកម្ចាស់រថយន្តបង្ករងរបួសធ្ងន់បានបញ្ជូនទៅមន្ទីពេទ្យដើម្បីសង្គ្រោះបន្ទាន់ផងដែ។
បច្ចុប្បន្ន រថយន្តបង្កត្រូវបានសមត្ថកិច្ចជំនាញចរាចរណ៍នៃអធិការដ្ឋានក្រុងប៉ោយប៉ែតបានធ្វើការវាស់វែងរួចរាល់ហើយបានបញ្ជូនទៅរក្សាទុក្ខនៅអធិការដ្ឋានក្រុង ដើម្បីដោះស្រាយតាមនិតិវិធី ចំណែកបុរសជាជនរងគ្រោះដល់បាត់បងជីវិតទាំងពីរនាក់រង់ចាំសាច់ញាតិមកទទួលយកទៅធ្វើបុណ្យតាមប្រពៃណី ៕