ខេត្តបន្ទាយមានជ័យ ៖ កងរាជអាវុធហត្ថក្រុងសិរីសោភ័ណ្ឌ ដឹកនាំដោយលោកវរសេនីយ៍ត្រីយ៉ាន់ សុវណ្ណមេបញ្ជាការមូលដ្ឋានកងរាជអាវុធហត្ថក្រុងសិរីសោភ័ណចាប់ឃាត់ខ្លួនជនសង្ស័យជាក្មេងស្ទាវ ០៣នាក់កាលពីវេលាម៉ោង 00:១០នាទីឈានចូលថ្ងៃទី ១២ ខែមីនាឆ្នាំ ២០២២ នៅចំណុចសួនមានជ័យស្ថិតក្នុងភូមិ ៣ សង្កាត់ព្រះពន្លាក្រុងសិរីសោភ័ណខ:ណ:ពេលដែលកំពុងចុះល្បាតការពារនិងរក្សាសន្តិសុខសណ្តាប់ធ្នាប់ជូនប្រជាពលរដ្ឋក៏ស្រាប់តែប្រទះឃើញក្មេងស្ទាវមួយក្រុមមានគ្នាចំនួន ០៣ នាក់ប្រដាប់ដោយអាវុធដាវកែច្នៃ១ដើម ក៏បានធ្វើការឃាត់ខ្លួនហើយបញ្ជូនទៅមូលដ្ឋានកងរាជអាវុធហត្ថក្រុងដើម្បីសួរនាំ។
វីរសេនីយ៍ត្រីចាន់សុវណ្ណបានឲ្យដឹងទៀតថាជនសង្ស័យទាំង ០៣ នាក់នោះរួមមាន ÷១.ឈ្មោះសុភាព រក្សាភេទប្រុសអាយុ ២៣ ឆ្នាំបច្ចុប្បន្នស្នាក់នៅភូមិគាប សង្កាត់ទឹកថ្លា ក្រុងសេរីសោភ័ណ្ឌ។
២.ឈ្មោះតែមចាន់ ភិគុណហៅពៅភេទប្រុសអាយុ ១៧ ឆ្នាំសូភី សង្កាត់កំពង់ស្វាយ ក្រុងសិរីសោភ័ណ
៣.ឈ្មោះវី សាវង់ ហៅវ៉ាវភេទប្រុសអាយុ១៧ឆ្នាំបច្ចុប្បន្នរស់នៅសែសិនសង្កាត់អូរអំបិលក្រុងសេរីសោភ័ណ្ឌ។ជាន់សង្ស័យទាំង ០៣ នាក់ក្រោយពីកម្លាំងជំនាញសួរនាំរួចមកបានឆ្លើយសារភាពថាពួកខ្លួនបាននាំគ្នាជិះម៉ូតូទៅចំនួន 2 គ្រឿងមកហូបអីនៅសួនមានជ័យហើយនាំគ្នាអង្គុយលេងនៅក្នុងបរិវេណសួននោះតែម្ដងចំពោះដាវកែច្នៃមួយដើមនៅពួកខ្លួនដាក់មកដើម្បីការពារខ្លួនតែប៉ុណ្ណោះ។
ដោយយោងលើចម្លើយសារភាពរបស់ជនសង្ស័យនិងមានភស្តុតាងអាវុធដាវកែច្នៃព្រមទាំងការធ្វើតេស្តរកសារធាតុញៀនឃើញមានវិជ្ជមានទាំងបីនាក់ផងនោះទើបកម្លាំងជំនាញអាវុធហត្ថក្រុងកសាងសំណុំរឿងបញ្ជូនមកទីបញ្ជាការដ្ឋានកងរាជអាវុធហត្ថខេត្តចាត់ការបន្តរ។
លោកវរសេនីយ៍ឯកម៉ែន ភិរម្យមេបញ្ជាការរងកងរាជអាវុធហត្ថខេត្តបន្ទាយមានជ័យទទួលការងារស្រាវជ្រាវនិងបង្ក្រាបបទល្មើសបាន ឲ្យដឹងថាជនសង្ស័យទាំង ០៣ នាក់ខាងលើនេះត្រូវបានកម្លាំងការិយាល័យព្រហ្មទណ្ឌបញ្ជាការដ្ឋានកងរាជអាវុធហត្ថខេត្ត បញ្ជូនខ្លួនទៅសាលាដំបូងខេត្តនៅរសៀលថ្ងៃទី ១៣ ខែមីនាឆ្នាំ២០២២ដើម្បីចាត់ការបន្តតាមនីតិវិធី។