ក្រុងប៉ោយប៉ែត ៖ ដើម្បីផ្តល់ភាពកក់ក្តៅជូនប្រជាពលរដ្ឋនិងមានការយកចិត្តទុកដាក់ពីសំណាក់លោកឧត្តមសេនីយ៍ទោសិទ្ធិ ឡោះស្នងការនគរបាលខេត្តបន្ទាយមានជ័យ លោកវីរសេនីយ៍ឯកសៅ សារឿនអធិការនគរបាលក្រុងប៉ោយប៉ែតបានដឹកនាំកម្លាំងជំនាញចុះឃាត់ខ្លួនជនសង្ស័យបានចំនួន ២នាក់ភ្លាមភ្លាមករណីប្លន់ម៉ូតូ ប្រជាពលរដ្ឋ។
សូមបញ្ជាក់ថា កាលពីថ្ងៃសៅរ៍ ២៩ ខែមករា ឆ្នាំ២០២២ វេលាម៉ោង២០.និង២០នាទីយប់មានករណីប្លន់ម៉ូតូ កើតឡើងត្រង់ចំណុចផ្លូវខាងកើតវត្តប្រជាធម្មត្រ័យ ស្ថិតនៅក្នុងភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។
ជនរងគ្រោះឈ្មោះហង្ស កក្តដាភេទប្រុសអាយុ៤១ឆ្នាំរស់នៅភូមិក្បាលស្ពាន ១សង្កាត់ប៉ោយ ប៉ែតក្រុងប៉ោយប៉ែត ខេត្តបន្ទាយមានជ័យមុខរបររត់ម៉ូតូឌុប ម៉ូតូម៉ាកសង់ពណ៌ខ្មៅ ស៊េរីឆ្នាំ ២០១៦ផ្លាកលេខបន្ទាយមានជ័យ (1P.5436)សង្ស័យមានគ្នាចំនួន០២(ក្តាប់អត្តសញ្ញាណមិនបាន)អំពីរឿងហេតុ.មុនកើតហេតុជនល្មើសទាំងពីរនាក់បានឲ្យដឹកខ្លួនចេញពីផ្លូវដើមពុទ្រាមកដីថ្មីលុះជនរងគ្រោះដឹកដល់កន្លែងកើតហេតុក៏ធ្វើសកម្មភាពបានយកខ្សែមករឹតកជនរងគ្រោះរីឯម្នាក់ទៀតធ្វើសកម្មភាពដាល់ទៅលើជាន់រងគ្រោះបណ្ដាលឲ្យជាំភ្នែកម្ខាងហើយភ្លាមៗនោះជនរងគ្រោះក៏ប្រតាយប្រតប់គ្នាទាញបានអាវក្រៅជនល្មើសបានមួយក្នុងពេលនោះ តែជនល្មើសក៏ឡើងបើកម៉ូតូរបស់ជនរងគ្រោះចេញពីកន្លែងកើតហេតុបាត់ទៅ ។ រីឯជនរងគ្រោះខំរត់តាមស្រែកថាចោរៗដើម្បីអោយគេជួយហើយអ្នកជិតខាងនាំគ្នាតាមដែរតែតាមមិនទាន់ បន្ទាប់មកជាន់រងគ្រោះបានប្ដឹងរាយការណ៍ដល់សមត្ថកិច្ចរៀបរាប់ប្រាប់រឿងហេតុតែម្ដង ។ ក្រោយកើតហេតុជនរងគ្រោះទៅព្យាបាលរបួសនៅមន្ទីរពេទ្យបង្អែកប៉ោយប៉ែត។
បន្ទាប់ពីបានទទួលបណ្ដឹងពីជាន់រងគ្រោះហើយកម្លាំងជំនាញបានសហការជាមួយកម្លាំងប៉ុស្តិ៍នគរបាលផ្សារកណ្ដាលនិងកម្លាំងប៉ុស្តិ៍នគរបាលប៉ោយប៉ែតធ្វើការស្រាវជ្រាវស៊ើបអង្កេតស្វែងរកជនសង្ស័យរហូតដល់ម៉ោង ២២ និង 00 នាទីយប់ឃាត់បានជនសង្ស័យទាំងពីរនាក់និងបានដកហូតម៉ូតូរបស់ជនរងគ្រោះបានមកវិញនូវចំណុចខារ៉ាអូរខេអគារថ្មី ស្ថិតក្នុងភូមិអូរជ្រៅសង្កាត់ប៉ោយប៉ែត ក្រុងប៉ោយប៉ែតខេត្តបន្ទាយមានជ័យ។
ជនសង្ស័យមានចំនួនគ្នា ០២នាក់មានទី ១. ឈ្មោះសុខ សុវណ្ណហៅមិត្តភេទប្រុសអាយុ ១៨ ឆ្នាំជនជាតិខ្មែរមុខរបរកម្មករ ទី ២. ឈ្មោះចិន ឡុងភេទប្រុសអាយុ ២២ឆ្នាំជនជាតិខ្មែរមុខរបរកម្មករ គេទាំងពីរនាក់ស្នាក់នៅភូមិនិមិត្ត ០៣ សង្កាត់និមិត្តក្រុងប៉ោយប៉ែត ខេត្តបន្ទាយមានជ័យ ។ និងបានឆ្លើយសារភាពថាពិតជាបានរឹតកដើម្បីយកម៉ូតូរបស់ជនរងគ្រោះពិតមែនដោយបានរៀបចំគម្រោងទុកជាមុនពិតប្រាកដមែន កម្លាំងជំនាញស្នើសុំឃាត់ខ្លួនជនសង្ស័យទាំង ០២ នាក់ខាងលើដើម្បីកសាងសំណុំរឿងនិងបញ្ជូនទៅតុលាការតាមនីតិវិធីច្បាប់ ៕
