ខេត្តបាត់ដំបង ៖ ស្របពេលដែលពលករខ្មែរនៅប្រទេសថៃកំពុងនាំគ្នាវិលត្រឡប់ចូលមកក្នុងប្រទេសកម្ពុជាក្នុងភូមិសាស្ត្រនៃខេត្តបាត់ដំបងជារៀងរាល់ថ្ងៃនោះអាជ្ញាធរនៅតាមបណ្ដោយព្រំដែននៃខេត្តបាត់ដំបងក៏បាននិងកំពុងធ្វើការទប់ស្កាត់ជំងឺកូវីដ19 ពិសេសការហូរចូលមេរោគបំលែងថ្មីអូរមីក្រុងនិងបានធ្វើការរឹតបន្តឹងដល់ការហូរចូលរបស់គាត់មកពីប្រទេសថៃក្នុងការយកសំណាកធ្វើតេស្តរហ័សរកមេរោគកូវីដជាដើម។
ជាក់ស្ដែងនៅថ្ងៃទី ១៣ ខែមករាឆ្នាំ ២០២២នេះពលករចំនួន ១៦០នាក់ក្នុងនោះមានស្រី្តចំនួន៥២ នាក់និងក្មេង ១៣នាក់បានវិលត្រឡប់មកស្រុកកំណើតវិញដែលភាគីថៃបានបញ្ជូនមកតាមច្រកតំបន់អូរអន្លក់ស្ថិតក្នុងភូមិអូរអន្លក់ ឃុំតាសែន ស្រុកកំរៀងខេត្តបាត់ដំបង។
នាយការិយាល័យផ្សព្វផ្សាយអប់រំនៃស្នងការដ្ឋាននគរបាលខេត្តបាត់ដំបងលោកវីរៈសេនីយ៍ឯកសួន ស៊ីរ៉ាបានបញ្ជាក់ថាដើម្បីអនុវត្តតាមបទបញ្ជារបស់លោកឧត្តមសេនីយ៍ទោសាទ គឹមសានស្នងការនគរបាលខេត្តបាត់ដំបងលើកិច្ចការសន្តិសុខតាមខ្សែបន្ទាត់ព្រំដែនកម្ពុជាថៃជាពិសេសការពង្រឹងការត្រួតពិនិត្យពលរដ្ឋឆ្លងដែននិងនិងស្រាវជ្រាវរកមុខសញ្ញាមេខ្យល់នាំពលករចេញចូលដោយមិនស្របច្បាប់ក្នុងភូមិសាស្ត្រនៃខេត្តបាត់ដំបងនោះលោកវរសេនីយ៍ឯកម៉ុង ស៊ីមេបញ្ជាការវរៈ ៨១៩កម្លាំងប៉ុស្តិ៍អូរអន្លក់សហការជាមួយកម្លាំងកងយោធពលខេមរៈភូមិន្ទនិងក្រុមគ្រូពេទ្យបានទៅទទួលពលករវិលក្រឡប់មកស្រុកវិញដែលភាគីថៃបានបញ្ជូនមកតាមច្រកតំបន់អូរអន្លក់ស្ថិតក្នុងភូមិអូរអន្លក់ ឃុំតាសែន ស្រុកកំរៀងខេត្តបាត់ដំបង។
លោកបានបន្តទៀតថា បន្ទាប់ពីបានធ្វើការអប់រំណែនាំបន្ថែមអំពីវិធានការ ការពារការឆ្លងជំងឺ ១៩ រួចមកក្រុមគ្រូពេទ្យជំនាញរបស់មន្ទីរសុខាភិបាលនៃរដ្ឋបាលខេត្តបាត់ដំបងបានយកសំណាកធ្វើតេស្តរហ័សទៅលើពលករទាំង ១៦ នាក់ជាលទ្ធផលគឺអវិជ្ជមានកូវីដ១៩ទាំងអស់តែក្នុងនោះមានពលករចំនួន ៤៧នាក់ស្រី ១៦នាក់និងក្មេង ១៤ នាក់ត្រូវបានបញ្ជូនទៅធ្វើចត្តាឡីស័កនៅបណ្ឌលគីឡូ 9 ស្រុកសំពៅលូនដោយមិនបានចាក់វ៉ាក់សាំងកូវីត១៩បានពេញលេញដោយឡែកពលករដែលមានកាតចាក់វ៉ាក់សាំងចំនួន ១១៣នាក់ស្រី ៣៦នាក់ក្មេង ១៥ នាក់ដែលមានការចាក់វ៉ាក់សាំងបានពេញលេញក្នុងនោះក៏បានចាក់វ៉ាក់សាំងឲ្យក្មេងចាប់ពីអាយុ ៥ឆ្នាំដល់ ១៨ឆ្នាំបានចំនួន ១០ នាក់ស្រី ៣ នាក់ត្រូវបានក្រុមគ្រូពេទ្យអនុញ្ញាតឲ្យវិលត្រឡប់ទៅស្រុកកំណើតរៀងរៀងខ្លួនវិញ។