ខេត្តរតន:គិរី ! ស្រុកអូរជុំ ៖ ក្មេងស្រីអាយុ៩ឆ្នាំជនជាតិគ្រឹងរងការរំលោភផ្លូវភេទ ហេតុការណ៍នេះបានកើតឡើងនៅថ្ងៃទី៣០ ខែសីហា ឆ្នាំ២០១៨ វេលាម៉ោង៦និង៣០នាទីព្រឹក រំលោភនៅចំណុចចំការដំឡូងមីខាងត្បូងភូមិធួយ ស្ថិតនៅភូមិធួយ ឃុំចាអ៊ុង ស្រុកអូរជុំ។
ក្នុងករណីរំលោភខាងលើនេះ ត្រូវបានសមត្ថកិច្ចប៉ូលិសស្រុកអូរជុំរ បានប្រាប់សារព័ត៌មាន ខ្មែរអច្ឆរិយ: យើងដឹងថា ក្មេងស្រីរងគ្រោះមានឈ្មោះគ្លន ទាវ អាយុ៩ឆ្នាំ ជនជាតិគ្រឹង ជាសិស្សថ្នាក់បឋមសិក្សា សមត្ថកិច្ចបានបន្តទៀតថាក្រោយពីកើតហេតុត្រូវបានអាណាព្យាបាលក្មេងស្រីរងគ្រោះរាយការណ៍និងប្តឹងដល់ប៉ូលិសស្រុក ។
ក្រោយមកទៀត សមត្ថកិច្ចបានសួរនាំក្មេងស្រីរងគ្រោះបានប្រាប់សមត្ថកិច្ចថា នៅមុនពេលកើតហេតុនោះឪពុកម្តាយបានទុកនាងនិងប្អូនស្រីម្នាក់ទៀតអាយុ២ឆ្នាំកន្លះ អោយនៅចាំខ្ទម ក្នុងចំការតែពីរនាក់បងប្អូន ដោយម្តាយនិងឪពុកជិៈម៉ូតូមកផ្សារបានលុងដើម្បីទិញគ្រឿងបរិភោគ ពេលឪពុកម្តាយចេញផុតក្មេងស្រីរងគ្រោះនឹងប្អូនស្រី នាងចាំឪពុកម្តាយយូរពេក បានចេញពីខ្ទមចំការដើម្បីត្រឡប់ទៅផ្ទះវិញបានប្រហែល៥០០ម៉ែត្រ ក្នុងចំការដំឡូងមីមួយជាតំបន់ដាច់ស្រយាលគ្មានផ្ទះអ្នកភូមិនោះទេ ស្រាប់តែលេចមុខជនល្មើសម្នាក់ជិះម៉ូតូម៉ាកសង់ការ៉េពណ៌ស្លាទុំស្លៀកខោកាប៊ូយ អាវយឺតពណ៌ខ្មៅ និងកអាវមានមួក មាឌរាងខ្ពស់ សំបុលខ្មៅ ថែមទាំងដុះពុកមាត់ស្រម៉ូម ។
ក្មេងស្រីរងគ្រោះបានបញ្ជាក់ប្រាប់សមត្ថកិច្ចទៀតថា បានដើរពីរនាក់បងប្អូនក្នុងដៃនាងមានកាន់ក្រម៉ាមួយ បុរសនោះបានឈប់ម៉ូតូ ហើយចាប់ក្មេងស្រីរងគ្រោះយកក្រម៉ារបស់ក្មេងស្រីចងដៃជាប់ហើយអូសចូលព្រៃដំឡូងមី រំលោភនាងរហូតបានសម្រេច ក្រោយពីរំលោភរួចបុរសជនល្មើសនោះបានជិះម៉ូតូគេចខ្លួនបន្តទៅមុខបាត់។
សមត្ថកិច្ចបានបញ្ជាក់ថាក្មេងស្រីរងគ្រោះគ្មានការរងវ៉ៃដំពីបុរសនោះទេគ្រាន់តែរំលោភបានសម្រេចតែប៉ុណ្ណោះ បច្ចុប្បន្នសមត្ថកិច្ចកំពុងដុតដៃដុតជើងតាមចាប់ជនសង្ស័យខាងលើយកមកផ្តន្ទទាទោសតាមច្បាប់។
ចុងក្រោយនេះ ប្រជាពលរដ្ឋសង្ឃឹមជឿជាក់ថាសមត្ថកិច្ចនិងចាត់វិធានការណ៍យ៉ាងក្ដៅគគុកតាមស្រាវជ្រាវវែកមុខជនល្មើសឱយបានដើម្បីផ្ដន្ទាទោសតាមផ្លូវច្បាប់ជូនប្អូនស្រីជនរងគ្រោះនិងក្រុមគ្រួសារនាពេលឆាប់ៗខាងមុខនេះ ។
ដោយខ្មែរអច្ឆរិយ:!!!