មណ្ឌលគិរី ៖ ព្រឹកថ្ងៃអង្ការ៍ ២រោច ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៨ ខែសីហា ឆ្នាំ២០១៨ នៅអគារក្រុមប្រឹក្សាខេត្តបានបើកវគ្គបណ្តុះបណ្ដាលសេចក្ដីណែនាំ លេខ៧៨៨មស សណន ស្តីពីគោលការណ៍ និង នីតិវិធី នៃការតែងតាំង និងការបញ្ចប់មុខដំណែងគ្រប់គ្រងរបស់មន្ត្រីរាជការស៊ីវិល នៃមន្ទីរអង្គភាព និងការិយាល័យជំនាញនានា នៃក្រសួង ដែលបាន បំពេញការងារនៅថ្នាក់ក្រោមជាតិ និងសេចក្តីណែនាំលេខ៧៨៩ មស សណន ស្តីពីគោលការណ៍បែបបទ និងនីតិវិធី នៃការគ្រប់គ្រងបុគ្គលិក រដ្ឋបាលថ្នាក់ក្រោមជាតិ ក្រោមអធិបតីភាព ឯកឧត្តម ថោ សេដ្ឋាណា អនុរដ្ឋលេខាធិការក្រសួងមុខងារសាធារណ: ឯកឧត្ដម ស្វាយ សំអ៊ាង អភិបាលនៃគណ:អភិបាលខេត្ត។
ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត ព្រមទាំងលោក លោកស្រី ប្រធាន អនុប្រធានមន្ទីរអង្គភាពជុំវិញខេត្ត អាជ្ញាធរក្រុង/ស្រុក ទាំង៥ ក្នុងខេត្ត និងមន្ត្រីជំនាញនានា ពិធីនេះ បានប្រព្រឹត្តទៅក្រោមបរិយាកាសរីករាយស្និតស្នាលបំផុត ៕