ព័ត៌មានពីខេត្តមណ្ឌលគិរី-ស្រុកពេជ្រាដា
ចេញផ្សាយថ្ងៃសុក្រ១៣កើត ខែចេត្រ ឆ្នាំជូត ទោស័កព.ស២៥៦៤ ត្រូវនឹងថ្ងៃទី២៦ ខែមីនា ឆ្នាំ២០២១!
ក្រោមការដឹកនាំផ្ទាល់របស់លោក សាន់ ដារិទ្ធិ ប្រធានសម្ពន្ធយុវជនស្រលាញ់សន្តិភាពខេត្ត និងក្រោមការណែនាំចង្អុលបង្ហាញគាំទ្រពីសំណាក់ ឯកឧត្តម ស្វាយ សំអ៊ាង អភិបាល នៃគណ:អភិបាលខេត្តខេត្តមណ្ឌលគិរី និងដោយមានការយកចិត្តទុកដាក់ពីសំណាក់ថ្នាក់ដឹកនាំខេត្ត ស្រុក នៅថ្ងៃព្រហស្បត្ត៍ិ១២កើត ខែចេត្រ ឆ្នាំជូត ទោស័កព.ស២៥៦៤ ត្រូវនឹងថ្ងៃទី២៥ ខែមីនា ឆ្នាំ២០២១ សម្ពន្ធយុវជនស្រឡាញ់សន្តិភាពឃុំក្រង់តេះ ស្រុកពេជ្រាដា ដឹកនាំដោយលោកស្រី ម៉ន ចាន់ធី ប្រធានកិត្តិយស និងលោក ថុល ប៊ុនធន ប្រធានប្រតិបត្តិ សយសសឃុំ បាននាំយកថវិកាចំនួន ២៣០.០០០រៀលយកទៅជូនដល់ស្ត្រីឈ្មោះ ណ្ហូង ប្លាច អាយុ៣៣ ឆ្នាំជនជាតិព្នងដែលមានផ្ទៃពោះ០៨ខែ ដែលមានកាយសប្បទាខ្វិនដៃខ្វិនជើង ដើម្បីយកទៅពិនិត្យនិងព្យាបាលនៅមន្ទីរពេទ្យបង្អែកខេត្តក្នុងនោះដែរលោក ផាត សុភិន ប្រធានមណ្ឌលសុខភាពក្រង់តេះក៏បានយករថយន្តពេទ្យជួយដឹកបញ្ជូនទៅព្យាបាលផងដែរ។
លោកស្រីណ្ហូង ប្លាច ព្រមទាំងគ្រួសារសូមថ្លែងអំណរគុណចំពោះអាជ្ញាធរខេត្ត ស្រុក ដែលមានទឹកចិត្តសណ្ដោសប្រណីជួយសង្គ្រោះដល់ប្រជាពលរដ្ឋទីទល់ក្រលំបាកទូទាំងខេត្តពិសេសគ្រួសារនាងខ្ញុំនាពេលនេះ នាងខ្ញុំព្រមទាំងគ្រួសារសូមគោរពជូនពរដល់ថ្នាក់ដឹកនាំខេត្ត ស្រុក បានជួបប្រទះនូវសេចក្ដីសុខចំរើនគ្រប់ទិវារាត្រី បានសំរេចគ្រប់ភារកិច្ចដែលថ្នាក់លើប្រគល់ជូន សូមបានជួបប្រទះនូវពុទ្ធពរបួនប្រការ គឺអាយុ វណ្ណ: សុខ: ពល: និងបដិពាន:គប្បីឃ្លាងឃ្លាតឡើយ ពិសេសសូមបវាសជៀសឆ្ងាយពីជម្ងឺឆ្លងរាត្បាតដ៏កាចសាហាវ(កូវីដ១៩) ក្នុងពេលឆាប់ៗនេះ។
@ ធ្វើសេចក្ដីរាយការណ៍ដោយ
អង្គភាពសារព័ត៌មាន និងគេហទំព័រ ” ខ្មែរអច្ឆរិយ:”
(http://www.khpress.net )
@- ការិយាល័យនិពន្ធនាយក
០១២:៥០៥៣៤៤/០៩៣:៤៤៥៥៥៨