ព័ត៌មានពីខេត្តមណ្ឌលគិរី-ស្រុកអូររាំង
ចេញផ្សាយថ្ងៃព្រហស្បតិ៍១០កើត ខែអាសាឍ ឆ្នាំជូត ទោស័កព.ស២៥៦៤ ត្រូវនឹងថ្ងៃទី៣០ ខែកក្កដា ឆ្នាំ២០២០!!!
យោងតាមសេចក្ដីជូនដំណឹងលេខ០៩៧/២០សជណចុះថ្ងៃអង្គារ០១កើត ខែស្រាពណ៍ ឆ្នាំជូតទោស័កព.ស២៥៦៤ ត្រូវនឹងថ្ងៃទី២១ ខែកក្កដាឆ្នាុំ២០២០ របស់រដ្ឋបាលខេតតមណ្ឌលគិរី ស្ដីពីការវាស់វែងចុះបញ្ជីដីរដ្ឋ ដីប្រជាពលរដ្ឋ និងដីសហគមន៍ជនជាតិដើមភាគតិច។
នៅថ្ងៃថ្ងៃព្រហស្បតិ៍១០កើត ខែអាសាឍ ឆ្នាំជូត ទោស័កព.ស២៥៦៤ ត្រូវនឹងថ្ងៃទី៣០ ខែកក្កដា ឆ្នាំ២០២០ រដ្ឋបាលស្រុកអូររាំង ខេត្តមណ្ឌលគិរី សូមជម្រាបជូនដំណឹងដល់ប្រជាពលលរដ្ឋគ្រប់រូបដែលកំពុងមានវិវាទដីធ្លីមិនទាន់ចុះបញ្ជី(ពុំមានប្លង់រឹង)និងមិនទាន់ដោះស្រាយចប់សព្វគ្រប់សូមដាក់ពាក្យបណ្ដឹងមករដ្ឋបាលស្រុក(ក្នុងករណីពុំទាន់បានដាក់ពាក្យបណ្ដឹង)ឭមកតាមបណ្ដឹងរបស់ខ្លួន(ក្នុងករណីធ្លាប់បានដាក់ពាក្យបណ្ដឹងរួចហើយ)នៅការិយាល័យនីតិកម្មនៃរដ្ឋបាលស្រុកអូររាំង ដើម្បីឲ្យរដ្ឋបាលស្រុកនិងក្រុមការងារថ្នាក់ជាតិធ្វើការសម្របសម្រួលនិងដោះស្រាយបញ្ចប់ជូន។
វិវាទដីធ្លីនៅក្នុងន័យនេះនិងត្រូវរាប់បញ្ចូលផងដែរចំពោះប្រជាពលរដ្ឋដែលបាននឹងកំពុងកាន់កាប់ដីរដ្ឋ ហើយបានអាស្រ័យផលជាក់ស្ដែងដោយធ្វើការដាំដុះដំណាំពិតប្រាកដជាច្រើនឆ្នាំ ករណីនេះគឺកំណត់ឲ្យមានភាពច្បាស់លាស់នូវសិទ្ធិកាន់កាប់និងអាស្រ័យផលជាក់ស្ដែងរបស់ប្រជាពលរដ្ឋដើម្បីបង្កលក្ខណ:ងាយស្រួលដល់ក្រុមការងារថ្នាក់ជាតិក្នុងការវាស់វែងចុះបញ្ជីដីធ្លីជាប្រព័ន្ធទៅលើដីរបស់រដ្ឋ ដីប្រជាពលរដ្ឋ និងដីសហគមន៍ជនជាតិដើមភាគតិចក្នុងមូលដ្ឋានស្រុកអូររាំង។
ដូច្នេះសូមមកដាក់ពាក្យបណ្ដឹងឭមកបណ្ដឹងនៅការិយាល័នីតិកម្ម និងដោះស្រាយវិវាទដីធ្លីនៃរដ្ឋបាលស្រុកអូររាំង នូវរាល់ម៉ោងធ្វើការចាប់ពីថ្ងៃទី៣០ ខែកក្កដា ឆ្នាំ២០២០ រហូតដល់ថ្ងៃទី១៤ ខែសីហាឆ្នាំ២០២០ ដែលបានកំណត់បើពុំដូច្នោះទេរដ្ឋបាលស្រុកនឹងមិនទទួលខុសត្រូវលើការខាតប្រយោជន៍ណាមួយដោយយថាហេតុដែលអាចកើតចេញពីការមិនធ្វើបណ្ដឹងឮការមិនផ្ដល់ព័ត៌មានឮការផ្ដល់ព័ត៌មានភូតកុហក់របស់ប្រជាពលរដ្ឋពាក់ព័ន្ធបន្ទាប់ពីមន្ត្រីជំនាញបានវាស់វែងកំណត់ព្រំដីនិងចុះបញ្ជីរួចរាល់ហើយនោះ។
អាស្រ័យដូចបានជម្រាបជូនខាងលើរដ្ឋបាលស្រុកអូររាំងសង្ឃឹមយ៉ាងមុតមាំថា និងមានការចូលរួមសហាការល្អដោយសុចរិកពីសំណាក់បងប្អូនប្រជាពលរដ្ឋពាក់ព័ន្ធដើម្បីធានានូវតម្លាភាពសុក្រិតិភាពនិងយុត្តធម៌ ហើយចំពោះព័ត៌មានបន្ថែមសូមទំនាក់ទំនងមក:
* លោក យុង តារ៉ា អភិបាលរងស្រុកលេខទូរស័ព្វ :០៨៨:៤៦៨ ១១៨២
* លោក សុខ សុវណ្ណារ៉ា ប្រធានការិយាល័យនីតិកម្មនិងដោះស្រាយវិវាទលេខទូរស័ព្វ :០៨៨:៩០១ ៩៩៤៥
សូមបញ្ជាក់ថា ការទាក់ទងតាមទូរស័ព្វដៃគ្រាន់តែជាការផ្ដល់ឮសួរព័ត៌មានតែប៉ុណ្ណោះមិនចាត់ទុកថាជាការទទួលបណ្ដឹងផ្លូវការនោះទេ ជាចុងក្រោយនេះក្នុងនាមរដ្ឋបាលស្រុកអូររាំង ខេត្តមណ្ឌលគិរី សូមគោរពថ្លែងអំណរគុណដល់បងប្អូនប្រជាពលរដ្ឋយើងបានជួបប្រទះនូវពុទ្ធពរ៤ប្រការគឺអាយុ វណ្ណ: សុខ: ពល: និងពដិពាន:គប្បីឃ្លៀងឃ្លាតឡើយ។
@- ធ្វើសេចក្ដីរាយការណ៍ដោយ
អង្គភាពសារព័ត៌មាន និងគេហទំព័រ ” ខ្មែអច្ឆរិយ:”
(http://www.khpress.net)
@- ការិយាល័យនិពន្ធនាយក
០១២:៥០៥៣៤៤/០៩៣:៤៤៥៥៥៨
