ព័ត៌មានពីខេត្តមណ្ឌលគិរី-ស្រុកអូររាំង
ចេញផ្សាយថ្ងៃសៅរ៍១៣រោច ខែអាសាឍ ឆ្នាំជូត ទោស័កព.ស២៥៦៤ ត្រូវនឹងថ្ងៃទី១៨ ខែកក្កដា ឆ្នាំ២០២០!
នៅថ្ងៃសុក្រ១២រោច ខែអាសាឍ ឆ្នាំជូត ទោស័កព.ស២៥៦៤ ត្រូវនឹងថ្ងៃទី១២ខែកក្កដា វេលាម៉ោង០៨និង៣០នាទី លោក សៀក មុន្នី អនុប្រធានគណ:បក្សស្រុកនិងជាប្រធានយុវជនគណ:បក្សស្រុកព្រមទាំងសហការី បាននាំយកថវិកា និងគ្រឿងបរិភោគមួយចំនួនចែកជូនដល់ស្ត្រីមេម៉ាយចំនួន០២គ្រួសារគរ ថ្លង់មានជីវភាពខ្វះខាតរស់នៅតំបន់ដាច់ស្រយាលស្ថិតក្នុងភូមិពូហ្យាម ឃុំសែនមនោរម្យ ស្រុកអូររាំង។
លោកសៀក មុន្នី ប្រធានយុវជនគណ:បក្សស្រុកបានប្រាប់អង្គភាពសារព័ត៌មានយើងថា ជាការពិតណាស់លោកតែងតែណែនាំដល់មន្ត្រីក្រោមឱវាទឲ្យយកចិត្តទុក្ខដាក់ស្រាវជ្រាវ សាវតាប្រជាពលរដ្ឋក្នុងមូលដ្ឋានដែលរងគ្រោះនិងងាយរងគ្រោះគ្រប់ប្រភេទដែលមានការខ្វះខាតពិតប្រាកដលោកបន្តទៀតថាក្នុងនាមលោកជាអាជ្ញាធម៌មិនចង់ឃើញបងប្អូនពលរដ្ឋក្នុងមូលដ្ឋានរបស់ខ្លួនរស់នៅខ្វះខាត លំបាកដោយមិនបានយកចិត្តទុកដាក់ទេនោះទេ ជាក់ស្ដែងក្នុងពេលនេះដោយឃើញស្ត្រីមេម៉ាយ០២គ្រួសាគរ ថ្លង់ថែមទាំងមានកូនក្នុងបន្ទុកសុទ្ទតែកូនស្រីផង ក្រុមការងារបានឧបត្ថម្ភក្នុងពេលនេះរួមមានៈ
– ថវិការ ២០០,០០០ រៀល
– អង្ក ០១បេ ស្មើរ៥០គីឡូក្រាម ក្នុងមួយគ្រួសារ
លោកសៀក មុន្នីបានសន្យាថា យកពួកគាត់មករស់នៅទីប្រជុំជនឈប់ឲ្យរស់នៅតំបន់ដាច់ស្រយាល និងរកដីជូនពួកគាត់ដោយស្វែងរកសប្បុរសជនជួយសាងសង់ផ្ទះឲ្យបានសមរម្យ
ក្នុងពេលឆាប់ៗខាងមុខនេះសូមបញ្ជាក់ថាទីណាប្រជាពលរដ្ឋមានទុក្ខលំបាកលោកចុះជួយគ្រប់កាល:ទេស:ឲ្យតែមានសេចក្ដីរាយការណ៍មក។
@ ធ្វើសេចក្ដីរាយការណ៍ដោយ
អង្គភាពសារព័ត៌មាន និងគេហទំព័រ ” ខ្មែរអច្ឆរិយ:”
(http://www.khpress.net )
@- ការិយាល័យនិពន្ធនាយក
១២:៥០៥៣៤៤/០៩៣:៤៤៥៥៥៨