ព័ត៌មានពីខេត្តមណ្ឌលគិរី-ស្រុកអូររាំង
ចេញផ្សាយថ្ងៃសៅរ៍០៦រោច ខែអាសាឍ ឆ្នាំជូត ទោស័កព.ស២៥៦៤ ត្រូវនឹងថ្ងៃទី១១ ខែកក្កដាឆ្នាំ២០២០!
នៅព្រឹកថ្ងៃសៅរ៍០៦រោច ខែអាសាឍ ឆ្នាំជូត ទោស័កព.ស២៥៦៤ ត្រូវនឹងថ្ងៃទី១១ខែកក្កដាឆ្នាំ២០២០ វេលាម៉ោង០៨និង៣០នាទី លោកសៀក មុន្នី អភិបាលនៃគណៈអភិបាលស្រុកអូររាំង បានថ្លែងប្រាប់អង្គភាពសារព័ត៌មានយើងដឹងថា ជានិច្ចជាកាលក្នុងនាមលោកជាអភិបាលនៃគណ:អភិបាលស្រុុកបន្តជម្រុញក្នុងការដឹកនាំមន្ត្រីក្រោមឱវាទ កងកម្លាំង និងប្រជាពលរដ្ឋ ចូលរួមសម្អាតបរិស្ថាននៅតាមដងផ្លូវជាតិ និងតំបន់ទេសចរណ៍មួយចំនួនដែលភ្ញៀវចូលមកកំសាន្តដោយមានការអប់រំផ្សព្វផ្សាយបិទស្លាកសញ្ញាចូលរួមថែរក្សាអនាម័យ និងសម្អាតបរិស្ថានទាំងអស់គ្នា។
លោកសៀក មុន្នី បានបន្តទៀតថា ដោយមានការការព្រួយបារម្ភ និងយកចិត្តទុក្ខដាក់ដល់បញ្ហាសុខមាលភាពដល់ប្រជាជនយើងក្នុងរដូវវស្សានេះដែលជារដូវមួយងាយឆ្លងជម្ងឺគ្រប់ប្រភេទហើយដើម្បីឆ្លើយតបការថែរក្សាសុខភាព និងសោភ័ណភាពបរិស្ថានស្អាតជាការចូលរួមប្រលងប្រណាំងទីក្រុងស្អាតនោះលោកបានណែនាំដល់មន្ត្រីក្រោមឱវាទ កងកម្លាំង និងប្រជាពលរដ្ឋ ត្រូវតែរួមសាមគ្គីគ្នាឲ្យខានតែបានជួយសម្អាតសំរាមនិងថែរក្សាបរិស្ថានឲ្យបានល្អប្រសើរជូនបងប្អូនប្រជាពលរដ្ឋយើងក្នុងមូលដ្ឋាននិងភ្ញៀវទេសចរណ៍ជាតិ អន្តរជាតិមកកម្សាន្តក្នុងមូលដ្ឋានទឹកដីរបស់លោក។
ជាចុងក្រោយនេះដើម្បីឆ្លើយតបនិងការយកចិត្តទុក្ខដាក់របស់អាជ្ញាធម៌ស្រុកលោកសូមសំនូមពរដល់បងប្អូនប្រជាពលរដ្ឋក្នុងមូលដ្ឋាន និងបងប្អូនភ្ញៀវទេសចរណ៍ជាតិ អន្តរជាតិមេត្តាជួយចូលរួមចំណែកក្នុងកិច្ចការបរិស្ថាននេះផងដោយនាំគ្នាពិសារអាហារហើយមេត្តាជួយប្រមូលកាកសំណល់ដាក់ចូលទៅក្នុងធុងសំរាម និងក្នុងរណ្ដៅដែលមន្ត្រីរបស់សាលាស្រុកយើងបានរៀបចំជូនតាមគោលដៅផង លោកសង្ឃឹមជឿជាក់យ៉ាងមុតមាំថាបងប្អូននិងចូលរួមកិច្ចការនេះគ្រប់ៗគ្នាពិតជាមិនខានឡើយ។
បញ្ចប់នេះក្នុងនាមលោកជាអភិបាលស្រុកសូមគោរពជូនពរសុខភាពល្អបវរប្រសើរជ័យជំនះគ្រប់ភារកិច្ច ក្នុងការធ្វើដំណើរទៅនិងមកកំសាន្តក្នុងទឹកដីស្រុកអូររាំង ខេត្តមណ្ឌលគិរី ប្រកបដោយទេសភាពធម្មជាតិស្រស់ខៀវខ្ចីក្នុងរដូវវស្សាយើងនេះសូមមានសេចក្ដីសុខកុំឲ្យមានគ្រោះថ្នាក់អ្វីកើតមានដល់បងប្អូនប្រជាពលរដ្ឋយើង។
@- ធ្វើសេចក្ដីរាយការណ៍ដោយ
អង្គភាពសារព័ត៌មាន និងគេហទំព័រ ” ខ្មែរអច្ឆរិយ:”
(http://www.khpress.net )
@- ការិយាល័យនិពន្ធនាយក
០១២:៥០៥៣៤៤/០៩៣:៤៤៥៥៥៨