ព័ត៌មានពីខេត្តមណ្ឌលគិរី-ស្រុកអូររាំង
ចេញផ្សាយថ្ងៃសៅរ៍១៤កើត ខែអាសាឍ ឆ្នាំជូត ទោស័កព.ស២៥៦៤ ត្រូវនឹងថ្ងៃទី០៤ ខែកក្កដាឆ្នាំ២០២០!
នៅព្រឹកថ្ងៃសៅរ៍១៤កើត ខែអាសាឍ ឆ្នាំជូត ទោស័កព.ស២៥៦៤ ត្រូវនឹងថ្ងៃទី០៤ ខែកក្កដាឆ្នាំ២០២០ វេលាម៉ោង៨និង៣០នាទី លោកសៀក មុន្នី អភិបាលនៃគណៈអភិបាលស្រុកអូររាំង បានដឹកនាំមន្ត្រីក្រោមឱវាទ កងកម្លាំងនិងប្រជាពលរដ្ឋ ចូលរួមសម្អាតបរិស្ថាននៅតាមដងផ្លូវជាតិនិងតំបន់ទេសចរណ៍ក្នុងស្រុកមួយខែពីរទៅបីដងដែលភ្ញៀវចូលមកកំសាន្តចូលមាននៅចំនុចដើមស្រល់ក្នុងស្រុកអូររាំងស្ថិតក្នុងភូមិពូហ្យាម ភូមិពូទ្រូ និងភូមិពូរ៉ាងឃុំសែនមនោរម្យ ស្រុកអូររាំង ខេត្តមណ្ឌលគិរី។
លោកសៀក មុន្នី បានប្រាប់អង្គភាពសារព័ត៌មាន និងគេហទំព័រ”ខ្មែរអច្ឆរិយ:”យើងឲ្យដឹងថា ជាការព្រួយបារម្ភនិងយកចិត្តទុក្ខដាក់ដល់បញ្ហាសុខភាពដល់ប្រជាជនយើង ហើយដើម្បីឆ្លើយតបការថែរ្សាសុខមាលភាព ថែរក្សាសោភ័ណភាពបរិស្ថានស្អាតជាការចូលរួមប្រលងប្រណាំងទីក្រុងស្អាតនោះលោកបានណែនាំដល់មន្ត្រីក្រោមឱវាទ កងកម្លាំង និងប្រជាពលរដ្ឋត្រូវតែរួមសាមគ្គីគ្នាសម្អាតសំរាមនិងថែរក្សាបរិស្ថានឲ្យបានល្អប្រសើរពិសេសក្នុងរដូវវស្សានេះវាជាប្រភពមួយងាយឆ្លងមេរោគរាត្បាតដល់បងប្អូនប្រជាពលរដ្ឋយើងក្នុងមូលដ្ឋាននិងភ្ញៀវទេសចរណ៍ជាតិ អន្តរជាតិឆ្លងកាត់ទីនេះមកកម្សាន្ត។
ហើយដើម្បីឆ្លើយតបនិងការយកចិត្តទុក្ខដាក់របស់អាជ្ញាស្រុកលោកសូមមេត្តាដល់បងប្អូនប្រជាពលរដ្ឋក្នុងមូលដ្ឋាននិងបងប្អូនភ្ញៀវទេសចរណ៍ជាតិ អន្តរជាតិមេត្តាជួយចូលរួមចំណែកក្នុងកិច្ចការបរិស្ថាននេះផងដោយនាំគ្នាពិសារអាហារហើយជួយប្រមូលកាកសំណល់ដាក់ចូលទៅក្នុងធុងសំរាមនិងក្នុងរណ្ដៅដែលមន្ត្រីរបស់សាលាស្រុកយើងបានរៀបចំជូនតាមគោលដៅផង។
ជាចុងក្រោយនេះក្នុងនាមលោកជាអភិបាលស្រុកសូមគោរពជូនពរសុខភាពល្អបវរប្រសើរជ័យជំនះគ្រប់ភារកិច្ច ក្នុងការធ្វើដំណើរទៅមកក្នុងរដូវកំសាន្នប្រកបដោយទេសភាពធម្មជាតិស្រស់ខៀវខ្ចីក្នុងរដូវវស្សាយើងនេះសូមមានសេចក្ដីសុខកុំឲ្យមានគ្រោះថ្នាក់អ្វីកើតមានដល់ប្រជាពលរដ្ឋយើងទូទាំងប្រទេស។
@- ធ្វើសេចក្ដីរាយការណ៍ដោយ
អង្គភាពសារព័ត៌មាន និងគេហទំព័រ ” ខ្មែរអច្ឆរិយ:”
(http://www.khpress.net )
@- ការិយាល័យនិពន្ធនាយក
០១២:៥០៥៣៤៤/០៩៣:៤៤៥៥៥៨