ព័ត៌មានពីខេត្តមណ្ឌលគិរី-ស្រុកអូររាំង
ចេញផ្សាយថ្ងៃសុក្រ១៤រោច ខែជេស្ឋ ឆ្នាំជូត ទោស័កព.ស២៥៦៤ ត្រូវនឹងថ្ងៃទី១៩ ខែមិថុនា ឆ្នាំ២០២០!
នៅព្រឹកថ្ងៃសុក្រ១៤រោច ខែជេស្ឋ ឆ្នាំជូត ទោស័កព.ស២៥៦៤ ត្រូវនឹងថ្ងៃទី១៩ ខែមិថុនាឆ្នាំ២០២០ វេលាម៉ោង៨និង៣០នាទី លោកសៀក មុន្នី អភិបាលនៃគណៈអភិបាលស្រុកអូររាំង បានដឹកនាំមន្ត្រីក្រោមឱវាទ កងកម្លាំងប្រដាប់អាវុធ និងប្រជាពលរដ្ឋ ចូលរួមសំអាតបរិស្ថាននៅតាមដងផ្លូវជាតិនិងតំបន់ទេសចរណ៍មួយចំនួនក្នុងស្រុកដែលភ្ញៀវចូលមកកំសាន្តចូលមាននៅចំនុចដើមស្រល់ក្នុងស្រុកអូររាំងស្ថិតក្នុងភូមិពូហ្យាម ភូមិពូទ្រូ និងភូមិពូរ៉ាងឃុំសែនមនោរម្យ ស្រុកអូររាំង ខេត្តមណ្ឌលគិរី។
លោកសៀក មុន្នី អភិបាលនៃគណៈអភិបាលស្រុកអូររាំងបានប្រាប់អង្គភាពសារព័ត៌មាន និងគេហទំព័រ”ខ្មែរអច្ឆរិយ:”យើងដឹងថា ជាក្ដីកង្វល់ដល់សុខភាពប្រជាជនយើង ហើយដើម្បីឆ្លើយតបការថែរ្សាសុខមភាព ថែរក្សាសោភ័ណភាពបរិស្ថានស្អាតជាការចូលរួមប្រលងប្រណាំងទីក្រុងស្អាតនោះលោកបានណែនាំដល់មន្ត្រីក្រោមឱវាទ កងកម្លាំង និងប្រជាពលរដ្ឋត្រូវតែរួមសាមគ្គីគ្នាសម្អាតសំរាមនិងថែរក្សាបរិស្ថានឲ្យបានល្អប្រសើរពិសេសក្នុងរដូវវស្សានេះវាជាប្រភពមួយងាយឆ្លងមេរោគរាត្បាតដល់បងប្អូនប្រជាពលរដ្ឋយើងក្នុងមូលដ្ឋាននិងភ្ញៀវទេសចរណ៍ជាតិ អន្តរជាតិឆ្លងកាត់ទីនេះ។
ជាចុងក្រោយលោកសូមគោរពជូនពរសុខភាពល្អជ័យជំនះគ្រប់ភារកិច្ច ក្នុងការធ្វើដំណើរទៅមកក្នុងរដូវបុណ្យព្រះរាជពិធីចម្រើនព្រះជនសម្ដេចម៉ែសូមមានសេចក្ដីសុខកុំឲ្យមានគ្រោះថ្នាក់អ្វីកើតមានដល់ប្រជាពលរដ្ឋទូទាំងប្រទេស។
@- ធ្វើសេចក្ដីរាយការណ៍ដោយ
អង្គភាពសារព័ត៌មាន និងគេហទំព័រ ” ខ្មែរអច្ឆរិយ:”
(http://www.khpress.net )
@- ការិយាល័យនិពន្ធនាយក
០១២:៥០៥៣៤៤/០៩៣:៤៤៥៥៥៨
