ខេត្តមណ្ឌលគិរី ៖ នៅ ព្រឹកថ្ងៃសុក្រ ១៣កើត ខែស្រាពណ៍ឆ្នាំច សំរិទ្ធព.ស ២៥៦២ ត្រូវនឹងទី២៤ ខែសីហា ឆ្នាំ ២០១៨ នេះ ឯកឧត្តម ស្វាយ សំអ៊ាង អភិបាលនៃគណៈអភិបាលខេត្ត បានអញ្ជើញអធិបតីភាព ក្នុងកិច្ចប្រជុំត្រួតពិនិត្យលទ្ធផលការងារប្រចាំខែសីហា ឆ្នាំ២០១៨ និង ទិសដៅអនុវត្តការងារបន្ត ខែកញ្ញាឆ្នាំ២០១៨។
កិច្ចប្រជុំនេះមានការចូលរួមពី លោក លោកស្រី ប្រធានមន្ទីរ អង្គភាពជំនាញនានាជុំវិញខេត្ត មេបញ្ជាការកងកំលាំងប្រដាប់អាវុធទាំងបីប្រភេទ ដែលបានប្រព្រឹត្តទៅនៅសាលប្រជុំសាលាខេត្តមណ្ឌលគិរី ។
នៅក្នុងកិច្ចប្រជុំត្រួតពិនិត្យលទ្ធផលការងារប្រចាំខែនេះឯកឧត្ដមបានលើកឡើងថា នៅគ្រប់មន្ទីរជំនាញនានាជុំវិញខេត្ត កងកំលាំងប្រដាប់អាវុធទាំងបីប្រភេទគឺបានខិតខំអនុវត្តន៍ការងារបានល្អប្រសើរគួរឱយកត់សំគាល់ ។
ដើម្បី បន្តបានប្រសើរជាងនេះទៅទៀតនោះ ឯកឧត្ដមបានដាក់វិធានការយ៉ាងក្ដៅស្នើឲ្យ គ្រប់មន្ទីរ កងកំលាំងពាក់ព័ន្ធទាំងអស់ចាត់វិធានការបង្ក្រាបបទល្មើសធនធានធម្មជាតិ ពិសេសបទល្មើសព្រៃឈើឲ្យ ខានតែ បានក្នុងអាណត្តិទី៦នេះ ជូនប្រមុនរាជរដ្ឋាភិបាល ដែលទើបជាប់ឆ្នោតនាពេលថ្មីៗកន្លងមកនេះ ដោយប្រជាពលរដ្ឋមានជំនឿជឿជាក់គាំទ្រ ក្រោមការដឹកនាំដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន ៕
ខ្មែរអច្ឆរិយ: