ព័ត៌មានពីខេត្តមណ្ឌលគិរី-ស្រុកអូររាំង
ចេញផ្សាយថ្ងៃសៅរ៍ ១១រោច ខែចេត្រ ឆ្នាំកុរ ឯកស័កព.ស២៥៦៤ ត្រូវនឹងថ្ងៃទី១៨ ខែមេសា ឆ្នាំ២០២០!
នៅព្រឹកថ្ងៃសៅរ៍ ១១រោច ខែចេត្រ ឆ្នាំកុរ ឯកស័កព.ស២៥៦៤ ត្រូវនឹងថ្ងៃទី១៨ ខែមេសា ឆ្នាំ២០២០ ឯកឧត្ដម ស្វាយ សំអ៊ាង អភិបាលនៃគណ:អភិបាលខេត្តមណ្ឌលគិរី បន្ទាប់ពីការងារដ៏មមាញឹកក្នុងការបង្កាទប់ស្កាត់ការរីករាលដាលជម្ងឺកូវីដ១៩ នៅក្នុងខេត្តមណ្ឌលគិរី ឯកឧត្ដមបានឆ្លៀតឱកាសចុះត្រួតពិនិត្យការដ្ឋានសាងសង់ផ្លូវចំនូន០២ខ្សែ នៅក្នុងស្រុកអូររាំង ដែលឯកឧត្ដមបានសម្ធោធបើកការដ្ឋានសាងសង់នាពេលថ្នីៗកន្លងមកនេះ។ នៅក្នងការចុះត្រួតពិនិត្យការដ្ឋាននេះដោយមានការអញ្ជើញចូលរួមនិងអមដំណើរដោយលោក សៀក មុន្នី អភិបាលស្រុកអូររាំង ព្រមទាំងមន្ត្រីជំនាញនាៗផងដែរ។
លោកសៀក មុន្នី អភិបាលស្រុកបានឲ្យដឹងថា ផ្លូវ០២ខ្សែខាងលើនេះគឺ:
១/ មានប្រវែង៧៣០០ម៉ែត្រចេញពីផ្លូវជាតិលេខ៧៦ឆ្ពោះទៅភូមិអណ្ដូងក្រឡឹងដែលជាថវិការបស់សាលាខេត្ត។
២/ មានប្រវែង៣៨០០ម៉ែត្រចេញពីភូមិពូហ្យាមឆ្ពោះទៅភូមិរការ ដែលជាថវិកាមូលនីធិរបស់សាលាឃុំ និងជាការសំនូមពររបស់ប្រជាពលរដ្ឋដែលបានលើកឡើងនៅក្នុងវេទិកាសាធារណៈថ្នាក់ជាតិ ដោយស្នើដល់អាជ្ញាធរខេត្ត រួមទាំងថ្នាក់ជាតិកន្លងមក។
ឯកឧត្ដមអភិបាលខេត្តបានលើកឡើងថា ដោយមើលឃើញពីសុខទុក្ខលំបាករបស់ប្រជាពលរដ្ឋយើង ហើយដើម្បើឆ្លើយតបតាមតម្រូវការរបស់ប្រជាពលរដ្ឋ ឯកឧត្ដម បានឯកភាពរាល់សំនូមពររ បស់ប្រជាពលរដ្ឋ ដែលបានលើកឡើងក្នុងវេទិកាសាធារណៈថ្នាក់ជាតិ ក្នុងការសំនូមពរផ្លូវខាងលើនេះជូនដល់ប្រជាពលរដ្ឋបានធ្វើដំណេើរដែលកន្លងមកមានការលំបាកក្នុងការធ្វើដំណើរទៅមក ជាពិសេសនារដូវវស្សាតែម្ដង ហើយបច្ចុប្បន្ននេះការសាងសង់បានរួចរាល់០១ខ្សែបាន៤០ភាគរយ និង០១ខ្សែទៀតបាន៩០ភាគរយ។
ក្រោយពីបានបញ្ចប់កិច្ចការ ឯកឧត្តម បាននាំក្រុមការងារពិសារបាយសាមគ្គីនៅក្រោមដើមឈើដែលមានម្លប់ត្រជាក់កាច់មែកឈើមកទ្រាប់អង្គុយសាមញ្ញមិនប្រកាន់ បានធ្វើឲ្យក្រុមការងារនិងប្រជាពលរដ្ឋគោរពស្រលាញ់៕
@- ធ្វើសេចក្ដីរាយការណ៍ដោយ
អង្គភាពសារព័ត៌មាន និងគេហទំព័រ ” ខ្មែរអច្ឆរិយ:”
(http://www.khpress.net)
@- ការិយាល័យនិពន្ធនាយក
០១២:៥០៥៣៤៤/០៩៣:៤៤៥៥៥៨