ព័ត៌មានពីខេត្តមណ្ឌលគិរី-ស្រុកអូររាំង
ចេញផ្សាយថ្ងៃអាទិត្យ ១០រោច ខែបុស្ស ឆ្នាំកុរ ឯកស័កព.ស២៥៦៣ ត្រូវនឹងថ្ងៃទី១៩ ខែមករា ឆ្នាំ២០២០
នៅថ្ងៃសៅរ៍៩រោច ខែបុស្ស ឆ្នាំកុរ ឯកស័កព.ស២៥៦៣ ត្រូវនឹងថ្ងៃទី១៨ ខែមករា ឆ្នាំ២០២០ នៅស្រុកអូររាំងទាំងមូលដោយមានការចង្អុលបង្ហាញពីលោកសៀក មុន្នី អភិបាលស្រុកក្រដឹកនាំដោយលោក ម្លាំង ឆន អភិបាលរងស្រុកបានដឹកនាំក្រុមស.យ.ស.ស កងម្លាំងទាំងបីមន្ត្រីជំនាញជុំវិញស្រុក ព្រមទាំងសិស្សចំនួន១០០នាក់រៀបចំសម្អាតបរិស្ថានតាមដងផ្លូវជាតិលេខ៧៦@ចាប់ពីចំណុចព្រៃតំណមភូមិពូហ្យាមរហូតដល់ស្នាក់ការគណបក្សប្រជាជនកម្ពុជាស្រុកអូររាំង និងបានសម្អាតព្រៃតាមដងបង្គោលអគ្គិសនីដើម្បីត្រៀមដាក់អំពូលភ្លើងសូឡាផងដែរ។
លោកសៀក មុន្នី បានថ្លែងប្រាប់ថា ជារៀងរាល់ឆ្នាំដើម្បីឲ្យស្រុកទាំងមូលមានសោភ័ណភាព ផាសុខភាព បិរស្ថានល្អក្នុងការរស់នៅរបស់ប្រជាពលរដ្ឋក៏ដូចជាការបង្ហាញដល់ភ្ញៀវទេសចរណ៍ជាតិ អន្តរជាតិដែលមកទស្សនាលេងកំសាន្តក្នុងខេត្តដោយគ្មានការប៉ះពាល់ដល់អារម្មណ៍ពួកគាត់ផងដែរដូច្នេះនៅក្នុងស្រុកបានប្រារព្វពិធីនេះមិនដែលខកខានឡើយ។
លោកបានបន្ថែមទៀតថា ដើម្បីប្រឡងប្រណាំងនូវទីក្រុងស្អាតលោកបានធ្វើការអប់រំដល់កងកម្លាំងមន្ត្រីក្រោមឱវាទ និងប្រជាពលរដ្ឋត្រូវតែរួមសាមគ្គីគ្នាសម្អាតសំរាមនិងថែរក្សាបរិស្ថានឲ្យបានល្អប្រសើរពិសេសក្នុងរដូវចូលឆ្នាំចិនខាងមុខនេះមេត្តារួមគ្នា
កំុចោលសំរាមដែលធ្វើឲ្យប៉ះពាល់ដល់បរិស្ថានសង្គមយើង។
ជាចុងក្រោយលោកសូមគោរពជូនពរសុខភាពល្អជ័យជំនះគ្រប់ភារកិច្ច ធ្វើដំណើរទៅមកក្នុងរដូវបុណ្យចូលឆ្នាំចិននេះមានសេចក្ដីសុខកុំឲ្យមានគ្រោះថ្នាក់អ្វីកើតមានដល់ប្រជាពលរដ្ឋទូទាំងប្រទេស។
@- ធ្វើសេចក្ដីរាយការណ៍ដោយ
អង្គភាពសារព័ត៌មាន និងគេហទំព័រ ” ខ្មែរអច្ឆរិយ:”
(http://www.khpress.net )
@- ការិយាល័យនិពន្ធនាយក
០១២:៥០៥៣៤៤/០៩៣:៤៤៥៥៥៨