ព័ត៌មានពីខេត្តមណ្ឌលគិរី-ស្រុកអូររាំង
ចេញផ្សាយថ្ងៃព្រហស្បត៍ ៧រោច ខែបុស្ស ឆ្នាំកុរ ឯកស័កព.ស២៥៦៣ ត្រូវនឹងថ្ងៃទី១៦ ខែមករា ឆ្នាំ២០២០
នៅព្រឹកថ្ងៃពុធ ៦រោច ខែបុស្ស ឆ្នាំកុរ ឯកស័កព.ស២៥៦៣ ត្រូវនឹងថ្ងៃទី១៥ ខែមករា ឆ្នាំ២០២០ ផ្លូវលំក្រាលគ្រួសក្រហមប្រវែង៣ ៥០០ម៉ែត្រចេញពីមុខវត្តសែនមនោរម្យឆ្ពោះទៅភូមិពូរាំងត្រូវបានបើកការដ្ឋានជួសជុលដាក់ជូនប្រជាពលរដ្ឋប្រើប្រាស់ ក្រោមអធិបតីភាពលោក សៀក មុន្នី អភិបាលស្រុក និងលោកស្រី ឆៃ ណាវី សមាជិកក្រុមប្រឹក្សាស្រុក ព្រមទាំងមន្ត្រីរាជការក្នុងមូលដ្ឋានជាច្រើននាក់បានអញ្ជើញចូលរួមក្នុងពិធីនេះផងដែរ។
ថ្លែងក្នុងកម្មវិធីនេះលោក សៀក មុន្នី អភិបាលស្រុកបានប្រាប់ថា ផ្លូវប្រវែង៣៥០០ម៉ែត្រដែលត្រូវបានជួសជុលនាពេលនេះដោយសារតែផ្លូវចាស់មានការខូចខាតស្ទើរទាំងនារដូវវស្សាកន្លងមកមានភ្លៀងធ្លាក់ហូរកាត់ច្រុះដាច់បណ្ដាលឲ្យមានការលំបាកក្នុងការធ្វើដំណើរទៅមករបស់ប្រជាពលរដ្ឋ ដូច្នេះដោយមើលឃើញពីសុខទុក្ខលំបាកដល់ពលរដ្ឋរបស់ខ្លួនក្នុងមូលដ្ឋានលោកបានចំណាយថវិការមូលនីធិរបស់ស្រុក និងថវិកាមួយចំនួនបានមកពីសប្បុរសជនបន្ថែមដើម្បីជួលជុលឲ្យបានរួចរាល់នាពេលខាងមុខនេះដើម្បីដាក់ជូនប្រជាពលរដ្ឋបានប្រើប្រាស់បានល្អងាយស្រួលក្នុងការធ្វើដំណើរក៏ដូចជាការដឹកជញ្ជូនផលដំណាំផ្សេងៗ។
លោក សៀក មុន្នី បានបន្ថែមឲ្យអង្គភាពសារព័ត៌មាននិងគហទំព័រខ្មែរ”អច្ឆរិយ:”យើងដឹងថាលោកនិងក្រុមការងារបន្តកសាងផ្លូវថ្មីនិងជួសជុលបន្ថែមទៀតចំពោះផ្លូវចាស់ៗមានការខូចខាតក្នុងមូលដ្ឋានដោយមានការចូលរួមសហការយ៉ាងជិតស្និទ្ធជាមួយមន្ត្រីជុំវិញស្រុក អាជ្ញាធម៌ឃុំ សង្កាត់និងប្រជាពលរដ្ឋដើម្បីមានការងាយស្រួលប្រាស្រ័យទាក់ទងគ្នាទៅវិញទៅមករវាងឃុំសង្កាត់មួយទៅឃុំសង្កាត់មួយទៀតមានសីវាបំរើពលរដ្ឋយើងបានល្អប្រសើរនិងទាន់ពេលវេលា។
ជាចុងក្រោយនេះលោកបានលើកទឹកចិត្តដល់មន្ត្រីក្រោមឱវាទទាំងអស់ដែលបានខិតខំអស់កម្លាំងកាយចិត្តបំរើប្រជាពលរដ្ឋនិងបានជំរុញបន្ថែមទៀតមានសាមគ្គីផ្ទៃក្នុងការងារដោយផ្សាភ្ជាប់ជាមួយពលរដ្ឋជាម្ចាស់សន្លឹកឆ្នោតដែលកន្លងមកធ្វើឲ្យពួកគាត់មានជំនឿជឿជាក់ក្នុងការដឹកនាំបន្តទៀតសូមជូនពរសុខៈភាពល្អជ័យជំនះគ្រប់ភារកិច្ចដែលថ្នាក់លើប្រគល់ជូន។
@- ធ្វើសេចក្ដីរាយការណ៍ដោយ
អង្គភាពសារព័ត៌មាន និងគេហទំព័រ ” ខ្មែរអច្ឆរិយ:”
(http://www.khpress.net )
@- ការិយាល័យនិពន្ធនាយក
០១២:៥០៥៣៤៤/០៩៣:៤៤៥៥៥៨