ព័ត៌មានពីខេត្តមណ្ឌលគិរី-ស្រុកអូររាំង
ចេញផ្សាយថ្ងៃអង្គារ ៥រោច ខែបុស្ស ឆ្នាំកុរ ឯកស័ក
ព.ស២៥៦៣ ត្រូវនឹងថ្ងៃទី១៤ខែមករា ឆ្នាំ២០២០
ផ្លូវប្រវែង២៥គីឡូម៉ែត្រលាតសន្ធឹងពីឃុំដាក់ដាំទៅដល់ភូមិទួលស្វាយ ដែលកន្លងមករងនូវការខូចខាតស្ទើរទាំងស្រុងនោះប្រជាពលរដ្ឋយើងមានការលំបាកក្នុងការធ្វើដំណើរទៅមក នៅពេលថ្មីៗនេះបន្ទាប់ពីលោក សៀក មុន្នី ត្រូវបានផ្ទេរតំណែងមកជាអភិបាលស្រុកអូររាំង ដោយមានការចង្អុលបង្ហាញពីឯកឧត្ដម ស្វាយ សំអ៊ាងអភិបាល នៃគណអភិបាលខេត្តលោកតែងតែមានប្រសាសថា ទីណាប្រជាពលរដ្ឋខ្លួនមានទុក្ខលំបាកត្រូវតែមានក្រុមការងារចុះជួយដោះស្រាយនិងឧប្បត្ថម្ភឲ្យខាងតែបានជូនពួកគាត់។
ជាក់ស្ដែងលោក សៀក មុន្នី បានឲ្យអង្គភាពសារព័ត៌មាននិងគហទំព័រខ្មែរ”អច្ឆរិយ:”យើងដឹងថាផ្លូវដែលមានការខូចខាតប្រវែងខាងលើពេលនេះត្រូវបានអាជ្ញាធម៌ស្រុកអូររាំង រួមជាមួយអាជ្ញាធម៌ក្នុងមូលដ្ឋានរបស់លោកបានធ្វើការជុសជុលកសាងដើម្បីដាក់ជូនប្រជាពលរដ្ឋយើងបានងាយស្រួលក្នុងការធ្វើដំណើរទៅវិញទៅមកសំរាប់ធ្វើដំណើរនិងដឹកជញ្ជូនផលអនុផលដំណាំកសិកម្មក្នុងស្រុកទៅលក់នៅទីផ្សារពិសេសងាយស្រួលដល់ប្រជាពលរដ្ឋយើងពេលមានជម្ងឺឈឺស្កាត់យប់ប្រលប់បានទាន់ពេលវេលា។
លោក សៀក មុន្នី បានបន្តឲ្យដឹងទៀតថា ផ្លូវប្រវែង២៥គីឡូម៉ែត្រនេះគឺបានជុសជុលកសាងរួចរាល់ប្រវែង២១គីឡូម៉ែត្រដែលមានថវិការបស់ខេត្ត ស្រុក និងសប្បុរសជនចូលរួមដោយសទ្ធាជ្រះថ្លា ហើយបច្ចុប្បន្ននេះនៅសល់ប្រវែង៤គីឡូម៉ែត្រទៀតកំពុងបន្តរកថវិកាដើម្បីកសាងបង្ហើយនិងបន្តកសាងផ្លវក្នុងស្រុកបន្ថែមទៀតជូនប្រជាពលរដ្ឋឲ្យបានល្អក្នុងមូលដ្ឋានរបស់លោកគ្រប់គ្រង។
ជាចុងក្រោយនេះប្រជាពលរដ្ឋសូមថ្លែងអំណគុណដល់អជ្ញាធម៌ខេត្ត ស្រុកដែលបានខិតខំដោយយកចិត្តទុកដាក់អស់កម្លាំងកាយចិត្តគិតគូដល់សុខទុក្ខលំបាកធ្វើឲ្យពួកគាត់មានជំនឿជឿជាក់ក្នុងការដឹកនាំបន្តសូមជូនពរសុខៈភាពល្អជ័យជំនះគ្រប់ភារកិច្ចដែលថ្នាក់លើប្រគល់ជូន។
@- ធ្វើសេចក្ដីរាយការណ៍ដោយ
អង្គភាពសារព័ត៌មាន និងគេហទំព័រ ” ខ្មែរអច្ឆរិយ:”
(http://www.khpress.net )
@- ការិយាល័យនិពន្ធនាយក
០១២:៥០៥៣៤៤/០៩៣:៤៤៥៥៥៨