ព័ត៌មានពីខេត្តបន្ទាយមានជ័យ ៖
ចេញផ្សាយថ្ងៃពុធ ១៤រោច ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ២៥ ខែ ធ្នូ ឆ្នាំ២០១៩!!
នៅថ្ងៃពុធ១៤រោច ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ២៥ ខែធ្នូ ឆ្នាំ២០១៩ មន្ត្រីជំនាញការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទ ខេត្តបន្ទាយមានជ័យបានសហការជាមួយការិយាល័យស្រាវជ្រាវ និងបង្ក្រាបអំពើរត់ពន្ធតំបន់៥ នៃអគ្គនាយកដ្ឋានគយ និងរដ្ឋាករ បានបង្ក្រាបនិងចាប់បានសាច់ជ្រូកជ្រូកទំងន់ ៤២៥គីឡូក្រាម ដែលមានសភាពស្អុយរលួយ ខូចបរិមាណ គុណភាពន។
លោក ហ៊ុយ ទូច ប្រធានការិល័យបសុពេទ្យខេត្តបានឲ្យដឹងថា ផលិតផលទាំងនោះ គឺនាំចូលមកតាមច្រកអន្តរជាតិប៉ោយប៉ែត ដោយដឹកតាមឡានតាក់ស៊ីម៉ាក Highlander ពាក់ស្លាកលេខភ្នំពេញ 2AO-6235 ដែលមានម្ចាស់ឈ្មោះ ណូ ចន្នី ភេទប្រុស អាយុ ២៤ឆ្នាំ រស់នៅភូមិតាបាំង ឃុំម្រាប ស្រុករមាសហែក ខេត្តស្វាយរៀង ដែលវត្ថុតាងទាំងអស់នេះ គឺសមត្ថកិច្ចជំនាញ សហការជាមួយគយចល័ត ធ្វើការស្ទាក់ឃាត់ចាប់បាននៅចំណុច សាលាក្រហម ជិតស្ពានទឹកថ្លា តាមផ្លូវជាតិលេខ៥ ដែលឈ្មួញបម្រុងយកទៅចែកចាយនៅខេត្តពោធិ៍សាត់ និងរាជធានីភ្នំពេញ។
ដោយឡែក លោក ភួង សិទ្ធី មន្ត្រីបសុពេទ្យប្រចាំការនៅសត្តឃាតក្រុងប៉ោយប៉ែត បានចុះធ្វើជីវសុវត្ថិភាពនៅលើសម្ភារ ឧបករណ៍ប្រើប្រាស់ និងមធ្យោបាយនៅក្នុងបរិវេណសត្តឃាត ដែលមានទីតាំងស្ថិតក្នុងភូមិគីឡូលេខ៤ សង្កាត់ផ្សារកណ្តាល ក្រុងប៉ោយប៉ែត គោលបំណងដើម្បីការពារជំងឺឆ្លងផ្សេងៗ និងធានាបាននូវអនាម័យល្អគ្មានមេរោគ នៅបរិវេណសត្តឃាតដ្ឋាន ។
ចំពោះសាច់ជ្រូកដែលមន្ត្រីជំនាញសហការចាប់បានខាងលើនោះត្រូវបានយកទៅដុតកំទេចចោល។
@- ធ្វើសេចក្ដីរាយការណ៍ដោយ
អង្គភាពសារព័ត៌មាន និងគេហទំព័រ «ខ្មែរអច្ឆរិយ:»
(http://www.khpress.net )
@- ការិយាល័យនិពន្ធនាយក
០១២៥០៥៣៤៤/០៩៣៤៤៥៥៥៨