ព័ត៌មានពីខេត្តមណ្ឌលគិរី
ចេញផ្សាយថ្ងៃច័ន្ទ១១កើត ខែភទ្របទ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី៩ ខែកញ្ញា ឆ្នាំ ២០១៩!
នារសៀលថ្ងៃច័ន្ទ១១កើត ខែភទ្របទ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី៩ ខែកញ្ញា ឆ្នាំ ២០១៩ ដើម្បីធានាបាននូវសន្តិសុខ សុវត្ថិភាព សណ្តាប់ធ្នាប់សាធារណៈ និងសណ្តាប់ធ្នាប់សង្គម ក៏ដូចជា រួមចំណែកក្នុងការបង្កបរិយាកាសសប្បាយរីករាយជូនប្រជាពលរដ្ឋ និងមហាជនគ្រប់មជ្ឈដ្ឋានក្នុងឱកាសពិធីបុណ្យកាន់បិណ្បុ ភ្ជុំបិណ្ឌ ប្រពៃណីជាតិឆ្នាំ២០១៩ ស្នងការដ្ឋាននគរបាលខេត្តមណ្ឌលគិរី បានរៀបចំកិច្ចប្រជុំផ្សព្វផ្សាយផែនការការពារសន្តិសុខ សុវត្ថិភាព និងសណ្តាប់ធ្នាប់សង្គម ។
កិច្ចប្រជុំនេះប្រព្រឹត្តទៅក្រោមអធិបតីភាព លោកឧត្ដមសេនីយ៍ទោ ឡោ សុខា ស្នងការដ្ឋាននគរបាលខេត្ត និងមានការអញ្ជើញចូលរួមពីសំណាក់ លោក លោកស្រី ស្នងការរង លោក លោកស្រី នាយ នាយរងការិយាល័យជំនាញ លោក លោកស្រី នាយផ្នែកការិយាល័យជំនាញ លោកមេបញ្ជាការ មេបញ្ជារងវរសេនាតូចនគរបាលព្រំដែនគោកទាំងពីរ លោកអធិការ អធិការរងននគរបាលស្រុក-ក្រុងទាំងប្រាំ និងលោកនាយប៉ុស្តិ៍នគរបាលរដ្ឋបាលទាំង២១ឃុំ-សង្កាត់ សរុបចំនួន ១២៥នាក់។
នៅក្នុងឱកាសនោះដែរលោកឧត្តមសេនីយ៍ស្នងការ បានមានប្រសាសន៍ណែនាំ បង្អុលបង្ហាញដល់ លោក លោកស្រី ជាស្នងការរងទទួលផែនជំនាញ លោកមេបញ្ជការវរៈទាំងពីរ លោកអធិការនគរបាលក្រុង- ស្រុកទាំងប្រាំ និងលោកនាយប៉ុស្តិ៍នគរបាលរដ្ឋបាលទាំង២១ឃុំ- សង្កាត់ ត្រូវបង្កើនការយកចិត្តទុកដាក់ការពារសន្តិសុខ សុវត្ថិភាព និងសណ្តាប់ធ្នាប់សាធារណៈជូនប្រជាពលរដ្ឋ ភ្ញៀវជាតិ-អន្តរជាតិដែលបានមកលំហែរកំសាន្តក្នុងខេត្តមណ្ឌលគិរី ។
ដើម្បីការពារសុវត្ថិភាពនៅក្នុងឱកាសពិធីបុណ្យកាន់បិណ្ឌ-បុណ្យភ្ជុំបិណ្ឌប្រពៃណីជាតិ ឆ្នាំ២០១៩ នៅតាមរមណីយដ្ឋាន និងកន្លែងកំសាន្តសប្បាយនានា ក្នុងដែនសមត្ថកិច្ចខ្លួុនគ្រប់គ្រងអោយធានាបាននូវសន្តិសុខល្អប្រសើរ និងជាពិសេសត្រូវត្រៀមលក្ខណៈចុះជួុយអន្តរាគមន៍បង្កា បង្ក្រាប និងសង្គ្រោះជូនប្រជាពរដ្ឋដែលរងគ្រោះដោយសារទឹកជំនន់ ក៏ដូចជារងគ្រោះដោយគ្រោះធម្មជាតិផ្សេងៗដែលកើតឡើងជាយថាហេតុ។
@- ធ្វើសេចក្ដីរាយការណ៍ដោយ
អង្គភាពសារព័ត៌មាន និងគេហទំព័រ ” ខ្មែរអច្ឆរិយ:”
(http://www.khpress.net )
@- ការិយាល័យនិពន្ធនាយក
០១២:៥០៥៣៤៤/០៩៣:៤៤៥៥៥៨