ព័ត៌មានពីខេត្តមណ្ឌលគិរី
ចេញផ្សាយថ្ងៃច័ន្ទ១២កើត ខែស្រាពណ៍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១២ខែ សីហា ឆ្នាំ ២០១៩!
នៅព្រឹកថ្ងៃច័ន្ទ១២កើត ខែស្រាពណ៍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១២ខែ សីហា ឆ្នាំ ២០១៩ ដោយមើលឃើញពីសុខទុក្ខ និងការយកចិតទុកដាក់ចំពោះកងកម្លាំងដែលឈរជើងនៅតាមខ្សែបន្ទាត់ព្រំដែន ខេត្តមណ្ឌលគិរី។
លោកឧត្តមសេនីយ៍ត្រី កែវ ចិន្តា ស្នងការរងទទួលដឹកនាំការងារវរសេនាតូចនគរបាលការពារព្រំដែន តំណាងដ៏ខ្ពង់ខ្ពស់ លោកឧត្តមសេនីយ៍ទោ ឡោ សុខា ស្នងការនគរបាលខេត្ត បានពាំនាំយកនូវ គ្រឿងឧបភោគ បរិភោគមួយចំនួន ដែលជាអំណោយដ៏ថ្លៃថ្លារបស់ នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ដើម្បីចែកជូនដល់កងកម្លាំងដែលឈរជើងនៅតាមខ្សែបន្ទាត់ព្រំដែនប៉ុស្តិ៍នគរបាលការពារព្រំដែនម្រើច និងប៉ុស្តិ៍អូររ៉ូ នៃវរសេនាតូចនគរបាលការពារព្រំដែនគោកលេខ៣០៣ ដែលកំពុងរងគ្រោះដោយសារទឹកជំនន់។
អំណោយដែលចែកជូនរួមមាន:
ថវិកាចំនួន០២លានរៀល ដោយក្នុងមួយប៉ុស្តិ៍ៗទទួលបានថវិកា០១លានរៀល- មីចំនួន១០កេះធំ- អង្ករចំនួន០២បាវស្មើនឹង១០០គីឡូក្រាម- ក្រម៉ា ចំនួន៣០- ប្រេងម៉ាស៊ីនចំនួន២១លីត្រ- ទឹកក្រូច ចំនួន០៤កេះធំ- ទឹកដោះគោចំនួន០៤កេះធំ- ត្រីខ ចំនួន២០យួរ-មុងចំនួន៣០ – កន្ទេលពូក ចំនួន១០- កាដុងទឹកចំនួន២០ និងថ្នាំពេទ្យមួយចំនួនទៀតផងដែរ ៕
@- ធ្វើសេចក្ដីរាយការណ៍ដោយ
អង្គភាពសារព័ត៌មាន និងគេហទំព័រ ” ខ្មែរអច្ឆរិយ:”
(http://www.khpress.net )
@- ការិយាល័យនិពន្ធនាយក
០១២:៥០៥៣៤៤/០៩៣:៤៤៥៥៥៨