ព័ត៌មានពីខេត្តមណ្ឌលគិរី – ស្រុកកោះញែក
ចេញផ្សាយថ្ងៃអាទិត្យ១១កើត ខែស្រាពណ៍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១១ខែ សីហា ឆ្នាំ ២០១៩!
ប៉ុន្មានថ្ងៃនេះក្រុមការងារគណៈកម្មការជាតិដើម្បីទប់ស្កាត់បង្ក្រាបបទល្មើសធនធានធម្មជាតិ និងគណៈកម្មការដើម្បីទប់ស្កាត់បង្ក្រាបបទល្មើសធនធានធម្មជាតិថ្នាក់ខេត្ត ដឹកនាំដោយលោក សុក សេរ៉ា នាយរងរដ្ឋបាលខេត្តមណ្ឌលគិរី បានដុតដៃដុតជើងដឹកនាំមន្ត្រីជំនាញ សមត្ថកិច្ចពាក់ព័ន្ធនៅក្នុងខេត្តមណ្ឌលគិរី ដោយសហការជាកម្លាំងគណៈកម្មការថ្នាក់ជាតិ ដើម្បីទប់ស្កាត់បង្ក្រាបបទល្មើសធនធានធម្មជាតិ បានចុះត្រួតពិនិត្យដោយវាស់អោយដឹងពីទំហុំគល់ឈើ និងយកចំនុចនិយាយកាមគល់ឈើនៅក្រៅដែនក្រុមហ៊ុន ដែលកន្លងមកក្រុមហ៊ុនដីសម្បទានសេដ្ឋកិច្ចបានល្មើសច្បាប់ប្រមូលផលអនុផលព្រៃឈើខុសពីការស្នើសុំពីរាជរដ្ឋាភិបាល។
បើយោងតាមការបញ្ជាក់ពីលោក សុក សេរ៉ា បានអោយដឹងថា ការចុះត្រួតពិនិត្យគល់ឈើថ្មីៗដែលក្រុមហ៊ុនទាំង៨កន្លែងល្មើសច្បាប់កាប់នៅក្រៅដែនក្រុមហ៊ុនរួមមាន:
– ទី១ក្រុមហ៊នវិជ្ជរី
– ទី២ក្រុមហ៊ុនម៉ាស្ទ័រខេសាន់
– ទី៣ក្រុមហ៊ុនយ៉ាងចាវ
– ទី៤ក្រុមហ៊ុនថាច់វូដ
– ទី៥ក្រុមហ៊ុនណេងណា
– ទី៦ក្រុមហ៊ុនស្រ៊ុនម៉េងលាង
– ទី៧ក្រុមហ៊ុនយូនីគ្រីន
– ទី៨ក្រុមហ៊ុនផេស៊ីហ្វិកហ្គ្រេន
លោក សុក សេរ៉ា នាយករងរដ្ឋបាលខេត្តមណ្ឌលគិរី បានដឹងបន្ថែមថា ជាលទ្ធផលរយះពេលដែលក្រុមការងារខាងលើបានចុះត្រួតពិនិត្យគល់ឈើដោយគិតចាប់ពីថ្ងៃទី០៧ដល់ថ្ងៃទី១១ខែសីហាឆ្នាំ២០១៩នេះក្រុុមការងារបានចុះពិនិត្យគល់ឈើបានដូចតទៅ:
– ទី១ក្រុមហ៊ុនវិជ្ជរីបានចំនួន៣៥២គល់
– ទី២ក្រុមហ៊ុនស្រ៊ុនម៉េងលាងបានចំនួន៣៣០គល់ – ទី៣ក្រុមហ៊ុនម៉ាស្ទ័រខេសាន់បាចំនួន៥៥២គល់។
លោក សុក សេរ៉ា បានអោយដឹងបន្ថែមទៀតថា បច្ចុប្បន្នក្រុមការងារថ្នាក់ខេត្ត និងក្រុមការងារថ្នាក់ជាតិកំពុងបន្តអនុវត្តចុះត្រួតពិនិត្យគល់ឈើនៅតាមក្រុមហ៊ុនផ្សេងៗបន្តទៀត ហើយព័ត៌មានលំអិតនៅពេលដែលក្រុមការងារបញ្ចប់ការចុះត្រួតពិនិត្យគល់ឈើក្រុមហ៊ុនទាំង៨ ដែលល្មើសច្បាប់កាប់នៅក្រៅដែនក្រុមហ៊ុន៕
@- ធ្វើសេចក្ដីរាយការណ៍ដោយ
អង្គភាពសារព័ត៌មាន និងគេហទំព័រ ” ខ្មែរអច្ឆរិយ:”
(http://www.khpress.net )
@- ការិយាល័យនិពន្ធនាយក
០១២:៥០៥៣៤៤/០៩៣:៤៤៥៥៥៨