ព័ត៌មានពីខេត្តមណ្ឌលគិរី
ចេញផ្សាយថ្ងៃអង្គារ០៦កើត ខែស្រាពណ៍ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី០៦ខែ សីហា ឆ្នាំ ២០១៩!
នៅព្រឹកថ្ងៃអង្គារ០៦កើត ខែស្រាពណ៍ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី០៦ខែ សីហា ឆ្នាំ ២០១៩ នាយឧត្តមសេនីយ៍ សៅ សុខា អគ្គមេបញ្ជាការងនៃកងខេមរភូមិន្ទនិងជាមេបញ្ជាការកងរាជអាវុធហត្ថលើផ្ទៃប្រទេស បានអញ្ជើញជាអធិបតីភាពក្នុងកិច្ចប្រជុំត្រួតពិនិត្យការងារបង្ក្រាបបទល្មើសព្រៃឈើកិច្ចប្រជុំនៅសាលប្រជុំរដ្ឋបាលខេត្តមណ្ឌលគិរី ដោយមានការអញ្ជើញចូលរួមពីសំណាក់ ឯកឧត្តម ស្វាយ សំអ៊ាង អភិបាលខេត្តមណ្ឌលគីរី កងបម្លាំងប្រដាប់អាវុធទាំង៣ប្រភេទ និងមន្ត្រីជំនាញពាក់ព័ន្ធមួយចំនួនផងដែរ។
បើយោងទៅតាមរបាយការណ៍ស្តីពីការចុះត្រួតពិនិត្យ និងបង្ក្រាបបទល្មើសព្រៃឈើនៅក្នុងខេត្តមណ្ឌលគិរី មានចំនួន១០ក្រុមហ៊ុន ក្រោយពីគណៈកម្មការជាតិចុះធ្វើការស្រាវជ្រាវមានក្រុមហ៊ុនចំនួន០៨ដែលល្មើសច្បាប់រួមមាន:
– ទី១ក្រុមហ៊ុនម៉ាស្ទ័រខេសាន់ កាប់ប្រមូលឈើក្រៅដែនភូមិសាស្ត្រ គ្រឿងចក្រចំនួន០៣គ្រឿងមិនមានសញ្ញាសម្គាល់របស់រដ្ឋបាលព្រៃឈើ និងលួចលាក់រថយន្តប៉ាកុងចំនួន០៤គ្រឿងក្រៅបរិវេណក្រុមហ៊ុន ព្រមទាំងឈើល្មើសចំនួន១០៩ម៉ែត្រគូប៤២៧។ – – ទី២ក្រុមហ៊ុនយ៉ាងចាវ លាក់បាំងវត្ថុតាងកប់ឈើក្នុងដី ឈូសឆាយផ្តាច់ផ្លូវ កាប់ប្រមូលឈើក្រៅដែនភូមិសាស្ត្រ គ្រឿងចក្រចំនួន០២គ្រឿងគ្មានលិខិតអនុញ្ញាតរគ្មានស្លាកសញ្ញាសំគាល់ ឈើល្មើសច្បាប់ចំនួន១៣៤៨ម៉ែត្រគូប២៧៩។
– ទី៣ក្រុមហ៊ុនថាច់វូដ កាប់ប្រមូលឈើក្រៅដែនភូមិសាស្ត្រ គ្រឿងចំនួន០៥គ្រឿងគ្មានលិខិតអនុញ្ញាតរឺស្លាកសញ្ញាសំគាល់ ឈើល្មើសច្បាប់ចំនួន៣៤១៨ម៉ែត្រគូប៧១៧។
– ទី៤ក្រុមហ៊ុនវិជ្ជរីលាក់បាំងវត្ថុតាងលាក់ឈើនៅក្នុងព្រៃ កាប់ប្រមូលឈើក្រៅភូមិសាស្ត្រ លួចវត្ថុតាំងឈើដែលសមត្ថកិច្ចថ្នាក់ក្រោមជាតិបានបង្ក្រាបដកហូត ម៉ាស៊ីនអាឈើ(CD-4)បញ្ឈរនឹងផ្តេកចំនួន៨គ្រឿង ម៉ាស៊ីនផលិតវីនៀ០១ឈុត និងរណាច្រៀកបញ្ឈរចំនួន០៦គ្រឿង គ្រឿងចក្រ និងរថយន្តប៉ាកុង០៨គ្រឿងគ្មានលិខិតអនុញ្ញាតរឺស្លាកសញ្ញាសំគាល់ ឈើល្មើសច្បាប់ចំនួន១៣០៤ម៉ែត្រគូប៦០០។
-ទី៥ក្រុមហុនណេងណា ច្រឿងចក្រចំនួន០៧គ្រឿង(ខូច)គ្មានលិខិតអនុញ្ញាតរឺស្លាកសញ្ញាសំគាល់ ម៉ាស៊ីនអាឈើ(CD-4)ចំនួន០៥គ្រឿង និងម៉ាស៊ីនអារច្រៀកឈើចំនួន០៧គ្រឿង ឈើមិនទាន់បង់ពន្ធ១៩៤៩ម៉ែត្រគូប០៩៧។
– ទី៦ក្រុមហ៊ុន ស្រ៊ុនម៉េងលាង កាប់ប្រមូលឈើក្រៅដែនភូមិសាស្ត្រ ម៉ាស៊ីនអារឈើចំនួន២កន្លែងត្រូវបានរុះរើគ្មានច្បាប់អនុញ្ញាត ឈូសឆាយក្រៅតំបន់សម្បទានដីសង្គមកិច្ចប្រមាណ១០០ហិកតា ឈើល្មើសច្បាប់ចំនួន៤៨៨ម៉ែត្រគូប០៦៧។
– ទី៧ក្រុមហ៊ុនប៉ាស៊ីហ្វិកហ្គ្រេន កាប់ប្រមូលឈើក្រៅដែនភូមិសាស្ត្រ រថយន្តកែឆ្នៃ និងម៉ាស៊ីនគោយន្តចំនួន០៥គ្រឿងគ្មានស្លាកសញ្ញាសំគាល់ រណាថាសច្រៀកឈើចំនួន០៥គ្រឿង ម៉ាស៉ីនអារឈើ២៨គ្រឿង និងតាបច្រៀកឈើចំនួន០១គ្រឿងគ្មានច្បាប់អនុញ្ញាត ឈើល្មើសច្បាប់ចំនួន២១២ម៉ែត្រគូប២៧៦ និងកូនឈើចំរុះ៣៣៧ដើម។
– ទី៨ក្រុមហ៊ុនយូនីគ្រីន ក្រុមហ៊ុនជាក់ស្តែងមិនមានឈើ តែមានច្បាប់បង្កើតរោងម៉ាស៉ីនអារឈើក្រៅក្រុមហ៊ុនចម្ងាយ៣៨គីឡូម៉ែត្រ ប្រើប្រាស់ម៉ាស៉ីន(CD-4)បញ្ឈរចំនួន០២គ្រឿងលើសពីច្បាប់អនុញ្ញាត។
ចំពោះរោងសន្និធិសិប្បកម្មកែឆ្នៃឈើមាន:
– ខេត្តមណ្ឌលគិរីមានចំនួន០២កន្លែងនៅជិតព្រំប្រទល់ប្រទេសវៀតណាមមានលិខិតអនុញ្ញាត ដកហូតឈើចំនួន៩៨ម៉ែត្រគូប៩១១។
– ខេត្តក្រចេះ មានរោងសន្និធិ សិប្បកម្មកែឆ្នៃចំនួន០៩កន្លែងនៅជិតព្រំដែនប្រទេសវៀតណាម មានលិខិតអនុញ្ញាត ដកហូតឈើ២០១ម៉ែត្រគូប៨០០។
– ខេត្តត្បូងឃ្មុំ មានរោងសន្និធិ ដេប៉ូឈើចែកចាយចំនួន០៦កន្លែងនៅជិតព្រំដែនប្រទេសវៀតណាម មានលិខិតអនុញ្ញាត ដកហូតឈើចំនួន៧៧ម៉ែត្រគិប៧៨៨។
ចំពោះវិធានការច្បាប់វិញ:
– ទី១ឃាត់ខ្លួនជនសង្ស័យ១៥នាក់ក្នុងនោះខ្មែរ៥នាក់ ជនជាតិចិន៥នាក់ ជនជាតិវៀតណាម៤នាក់។
– ទី២បន្តអនុវត្តដីកាបញ្ជាអោយចូលខ្លួនរបស់ព្រះរាជអាជ្ញាចំនួន២២ដីកា ជនជាតិខ្មែរ១៤នាក់ ជនជាតិចិន២នាក់ ជនជាតិវៀតណាម៥នាក់។ -ទី៣ផ្អាកសកម្មភាពឈូសឆាយដឹកជញ្ជូន និងកាប់ប្រមូលផល អនុផលព្រៃឈើចំនួន៨ក្រុមហ៊ុនបណ្តោះអាសន្ន។
– ទី៤ផ្អាកសកម្មភាពសន្និធិ និងសិប្បកម្មកែឆ្នៃឈើខាងលើចំនួន៣ខេត្ត។
– ទី៥ដកហូតឈើចំនួន៩៣៦០ម៉ែត្រគូប៤៧១សសរ៤៧ដើម និងកូនឈើ៥៩៥ដើមប្រគល់អោយរដ្ឋបាល
ព្រៃឈើគ្រប់គ្រងរក្សាទុក។
– ទី៦បំផ្លាញរថយន្តប៉ាកុងចំនួន៣៤គ្រឿង និងរៀបចំបំផ្លាញរថយន្តប៉ាកុងចំនួន២០គ្រឿងដែលផុតសុពលភាព ៕
@- ធ្វើសេចក្ដីរាយការណ៍ដោយ
អង្គភាពសារព័ត៌មាន និងគេហទំព័រ ” ខ្មែរអច្ឆរិយ:”
(http://www.khpress.net )
