ព័ត៌មានបឋមពីខេត្តកំពង់ធំ – ស្រុកកំពង់ស្វាយ
ចេញផ្សាយថ្ងៃច័ន្ទ៥កើត ខែស្រាពណ៍ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី០៥ខែ សីហា ឆ្នាំ ២០១៩!
បទល្មើសនេសាទ បានកើតឡើងយ៉ាងអនាធិបតេយ្យ ក្នុងរដូវរបិទនេសាទ នៅភូមិសាស្ត្រ ឃុំផាត់សណ្តាយ ស្រុកកំពង់ស្វាយ ខេត្តកំពង់ធំដែលមិនទាន់ឃើញសមត្ថកិច្ចជំនាញចម្រុះ ចុះបង្ក្រាបនៅឡើយ ដែលធ្វើឲ្យធនធានមច្ឆាជាតិ បន្តការបាត់ឥតឈប់ឈរ។
ជាក់ស្តែងកាលពីថ្ងៃអាទិត្យចុងសប្ដាហ៍កន្លងទៅនេះ ក្រុមអ្នកសារព័ត៌មានមួយក្រុម បានចុះទៅដល់ចំណុច ចុងព្រែកតាសោម បានឃើញរបាំងសាច់អួនវែងៗរាំងកាត់ព្រែក មានរាប់សិបកន្លែង ដែលជនល្មើសបានរាយដាក់ដាក់លបលូ បង្កប់នៅក្នុងទឹកទន្លេ ហើយរបាំងសាច់អួនទាំងនោះមួយចំនួនធំ មានក្រឡាតែមួយហ៊ុនខុសច្បាប់ ស្តីពីជលផល ដូចមានរូបភាពជាភ័ស្តុតាងស្រាប់។
សកម្មភាពឈ្មួញត្រី ឈ្មួញលៀសកំពុងតែប្រមូលទិញត្រី និង លៀស នារដូវបិទនេសាទរាប់សឹបតោនក្នុងមួយថ្ងៃៗស្ថិតនៅចំណុច ចុងព្រែកតាសោម ក្នុង ឃុំ ផាត់សណ្តាយ ស្រុក កំពង់ស្វាយ ខេត្តកំពង់ធំ ដែលជាតំបន់កដបសម្រាប់ត្រី ធ្វើចរាចរចូលទៅពងកូន។
ឈ្មួញប្រុសស្រីដែលដាក់ទូកសំកាំងកណ្តាលព្រែកចាំទទួលទិញត្រីនិង លៀសនារដូវបិទនេសាទនេះ ត្រូវបានគេស្គាល់ 1, ឈ្មោះ កង គាម, 2,ឈ្មោះ ហឿន 3, ឈ្មោះ យាយ ង៉ា ។ឈ្មួញទាំងបីនាក់នេះជាស្តេចត្រាញ់ និងជាអ្នកផ្តល់មធ្យោបាយឲ្យមូយរបស់ខ្លួនប្រព្រឹត្តបទល្មើសក្នុងរដូវបិទនេសាទ ដែលច្បាប់ហាមឃាត់ជាដាច់ខាត។
ដោយឡែកប្រជានេសាទ ជាលក្ខណៈគ្រួសារ បានបញ្ជាក់ឲ្យដឹងថា មូលហេតុដែលធ្វើឲ្យបទល្មើសនេសាទនៅតែទនៅតែបន្តកើតមានឡើង គឺបណ្តាលមកពីការអនុវត្តន៍ច្បាប់នៅមានកម្រិត និងអំពើពុករលួយនៅមូលដ្ឋានមានច្រើន។ពួកគាត់បន្តថា នៅក្នុងឃុំផាត់សណ្តាយសព្វថ្ងៃមានជនល្មើស កំពុងប្រើកាណូតធុនលឿនៗ បើកឆក់ត្រីជារៀងរាល់ថ្ងៃ។ ទាក់ទិននឹងបញ្ហាដែលជាក្តីកង្វល់របស់ក្រុមអ្នកនេសាទ ពួកគាត់ក៏បានសំណូមពរឲ្យឯកឧត្តម សុខ លូ គណៈបញ្ជាការឯកភាពខេត្តកំពង់ធំជួយចាត់វិធានការ បង្ក្រាបជនល្មើសប្រភេទនេះផង។
គួរកត់សម្គាល់ថា បទល្មើសនេសាទ ដាក់របាំងសាច់អួន របាំស្បៃមុង គឺតែកើតមានរាងរាល់ឆ្នាំ នៅពេលរដូវទឹកឡើង ហើយបទល្មើសទាំងនោះ មានអ្នករត់ការបង់លុយគ្រប់ជំនាញ ស្ថាប័ន្ន ប៉ុន្តែយូរៗម្តង ទើបឃើញមានការបង្ក្រាបពីក្រុមមន្ត្រីជំនាញ ដែលតាមអ្នកជិតស្និត និងរឿងនេះថា បង្ក្រាបតែអ្នកដែលមិនបង់លុយតែប៉ុណ្ណោះ ។
@- ធ្វើសេចក្ដីរាយការណ៍ដោយ
អង្គភាពសារព័ត៌មាន និងគេហទំព័រ ” ខ្មែរអច្ឆរិយ:”
(http://www.khpress.net )
@- ការិយាល័យនិពន្ធនាយក
០១២:៥០៥៣៤៤/០៩៣:៤៤៥៥៥៨