ព័ត៌មានពីខេត្តមណ្ឌលគិរី- ស្រុកកែវសីមា
ចេញផ្សាព័ត៌មានថ្ងៃអាទិត្យ១២រោច ខែអាសាឍ ឆ្នាំកុរ ឯកស័កព.ស២៥៦៣ ត្រូវថ្ងៃទី២៨ ខែកក្កដាឆ្នាំ២០១៩!
នៅថ្ងៃអាទិត្យ១២រោច ខែអាសាឍ ឆ្នាំកុរ ឯកស័កព.ស២៥៦៣ត្រូវថ្ងៃទី២៨ខែកក្កដាឆ្នាំ២០១៩វេលាម៉ោង៨និង៤៥នាទី គណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ បានចុះត្រួតពិនិត្យទីតាំងរោងសិប្បកម្មកែឆ្នៃ និងរោងសន្និធិលក់ចែកចាយផល អនុផលព្រៃឈើក្នុងស្រុកកែវសីមា។
នៅក្នងកិច្ចសហប្រតិបត្តិការដឹកនាំដោយឯកឧត្ដម ឧត្ដមសេនីយ៍ឯក ហុង វិណុល មេបញ្ជាការរងកងរាជអាវុធហត្ថលើផ្ទៃប្រទេស និងជាអនុប្រធានគណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិនិងដោយមានការចូលរួមពីៈ
– លោក ចឹង សុចន្ថា អភិបាលរងខេត្ត
– លោកឧត្ដមសេនីយ៍ត្រី សូ សុវណ្ណ ស្នងការរងនគរបាលខេត្ត
– គណៈបញ្ជាការឯកភាពស្រុកកែវសីមានិងមន្ត្រីមកពីគ្រប់ជំនាញជុំវិញខេត្តសរុបចំនួន៥៦ នាក់។
ក្រោយពីការត្រួតពិនិត្យរបស់ក្រុមការងារជំនាញបានទទួលលទ្ធផលរួមមាន:
១- បានឃើញឈើប្រមាណជិត២០០ដុំ
២- ក្នុងរោងនោះពុំឃើញមានម៉ាសុីនកែឆ្នៃទេ
៣- សិប្បកម្មមានច្បាប់អនុញ្ញាតត្រឹមត្រូវ
៤- ឈើដឹកចូលថ្ងៃទី១៥ ខែមិថុនា ចេញពីក្រុមហ៊ុនថាច់វូតជាឈើល្មើសច្បាប់។
៥- បាននាំអ្នកតំណាងកន្លែងសន្និធិឈើ ទៅកាន់កងរាជអាវុធហត្ថខេត្តដើម្បីសាកសួរតាមនីតិវិធី។
ក្នុងការត្រួតពិនិត្យនេះក្រុមការងារបានឲ្យដឹងថានៅក្នុងស្រុកកែវសីមាគឺមានរោងសិប្បកម្មចំនួន០២កន្លែង:
– រោងសិប្បកម្មទីមួយមានឈ្មោះ សួន គឹមហេង ស្ថិតនៅក្នុងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី
– និងរោងសិប្បកម្មទីពីររបស់ក្រុមហ៊ុន គិរីសុីណាឌីវេឡុបមិន ស្ថិននៅក្នុងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី ដោយបច្ចុប្បន្ននេះពុំទាន់បានដំណើរការនៅឡើយទេ។
@- ធ្វើសេចក្ដីរាយការណ៍ដោយ
អង្គភាពសារព័ត៌មាន និងគេហទំព័រ ” ខ្មែរអច្ឆរិយ:”
(http://www.khpress.net )
@- ការិយាល័យនិពន្ធនាយក
០១២:៥០៥៣៤៤/០៩៣:៤៤៥៥៥៨