មណ្ឌលគិរី-ស្រុកពេជ្រាដា ៖ នៅថ្ងៃទី១១ ខែសីហា ឆ្នាំ២០១៨ មន្ត្រីជំនាញខ័ណ្ឌរដ្ឋបាលព្រៃឈើ បានសហការណ៍ជាមួយសមត្ថកិច្ចកងរាជអាវុធហត្ថនិងអធិការនគរបាលស្រុកពេជ្រាដា ចុះបង្ក្រាបបទល្មើសព្រៃឈើជាក់ស្ដែងនៅចំណុច អូរពោត ក្នុងភូមិ ឃុំ ប៊ូស្រា ស្រុកពេជ្រាដា ។ កិច្ចសហប្រតិបត្តិការណ៍នេះបង្ក្រាបចាប់ប្រមូលឈើបីប្រភេទមាន: ឈើគគី សុក្រំ និង ស្រឡៅ សរុបចំនួន ១២០ កំណាត់ដែលក្រុមឈ្មួញដឹកជញ្ជូនប្រមូលពីបណ្ដាស្រុកមួយចំនួនក្នុងខេត្តយកទៅលាក់ទុកនៅចំណុចក្នុងព្រៃដំណមជនជាតិ ជាប់ព្រៃការពារដែនជំរកណាំលៀ ។
លោក អ៊ុំ វណ្ណសុភៈ នាយខ័ណ្ណរដ្ឋបាលព្រៃឈើបានឱយដឹងថា ឈើដែលជំនាញបង្ក្រាបខាងល;នេះគឺក្រុមឈ្មួញឈ្លាតឱកាសគ្រប់ល្បិចប្រមូលលួចដឹកជញ្ជូនយកទៅលាក់ដ;ម្បីមានឱកាសដឹកយកទៅលក់ឱយឈ្មួញវៀតណាមតាមច្រកណាំលៀ(ប៉ុស្តិ០៧)។
លោកបានបន្តទៀតថា មុននឹងឈានដល់ការបង្ក្រាបបាននេះ ដោយសារកំលាំងជំនាញបានសហការណ៍ជាមួយក្រុមបណ្ដាញ និងជាមួយកំលាំងសមត្ថកិច្ចទាំងអស់នៅក្នុងស្រុកពេជ្រាដាបានល្អប្រសេីរ។
បច្ចុប្បន្ន កំពុងកសាងសំណុំរឿងនិងស្រាវជ្រាវមុខសញ្ញាម្ចាស់ឈើដើម្បីចំណាត់ការតាមនីតិវិធី ៕
ដោយ ៖ ខ្មែរអច្ឆរិយ:
