ព័ត៌មានពីខេត្តព្រះសីហនុ ៖
ចេញផ្សាព័ត៌មានថ្ងៃព្រហស្បត៌៩រោច ខែអាសាឍ ឆ្នាំកុរ ឯកស័កព.ស២៥៦៣ ត្រូវថ្ងៃទី២៥ ខែកក្កដាឆ្នាំ២០១៩!
ក្រោយពីបានបើកកាស៊ើបអង្កេតស្រាវជ្រាវយ៉ាងយកចិត្តទុកដាក់ នៅថ្ងៃទី២៥.០៧.២០១៩ វេលាម៉ោង៣:០០នាទីយប់ កម្លាំងការិ យាល័យនគរបាលប្រឆាំងគ្រឿងញៀន នៃស្នងការដ្ឋាននគរបាលខេត្តព្រះសីហនុ ក្រោមការដឹកនាំផ្ទាល់ពី ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត និងដោយមានការសម្របសម្រួលពីលោក ហ៊ួត វិចិត្រ និងលោក ពេញ ពិសិដ្ឋ ព្រះរាជអាជ្ញារង នៃអយ្យកាអមសាលាដំបូងខេត្ត។
ការបង្ក្រាបនេះបានសហការជាមួយកម្លាំងអន្តរាគមន៍ពិសេស នៃស្នងការដ្ឋាននគរបាលខេត្ត និងកម្លាំងនគរបាលប៉ុស្តិ៍រដ្ឋបាលសង្កាត់៤ ចុះធ្វើការបង្ក្រាប ហាងខារ៉ាអូខេ យីហោ អូបាម៉ា ដែលបានលួចលាក់ ជួញដូរ និងប្រើប្រាស់គ្រឿង ញៀនខុសច្បាប់ មានទីតាំងស្ថិតនៅក្រុមទី១៥ ភូមិ៣ សង្កាត់៤ ក្រុង-ខេត្តព្រះសីហនុ ។
នៅក្នុងកិច្ចប្រតិបត្តិការនេះ កម្លាំងជំនាញបានធ្វើការឃាត់ខ្លួនជនសង្ស័យនិងអ្នកជាប់ពាក់ព័ន្ធចំនួន១៤៦ នាក់ (ស្រី៤៣) និងចាប់យកបានវត្ថុតាងរួមមាន:
– ថ្នាំញៀនប្រភេទចម្រុះមួយចំនួន (មិនទាន់ថ្លឹង), ជ្រុញសម្រាប់ប្រើប្រាស់គ្រឿង ញៀនចំនួន៣៥ជ្រុញ រថយន្តចំនួន៧ គ្រឿង និងទូរស័ព្ទដៃមួយចំនួនទៀត
ហើយបច្ចុប្បន្នជនសង្ស័យ និងវត្ថុតាងបានបញ្ជូនមកការិយាល័យនគរបាលប្រឆាំងគ្រឿងញៀន នៃស្នងការដ្ឋាននគរបាលខេត្តព្រះសីហនុ ដើម្បីបន្តនីតិវិធី ។
ការិយានិពន្ធនាយក:០១២:៥០៥៣៤៤/០៩៣:៤៤៥៥៥៨
ធ្វើសេចក្ដីរាយការណ៍ដោយអង្គភាពសារព័ត៌មាន និងគេហទំព័រ ” ខ្មែរអច្ឆរិយ: ” http://www.khpress.net