ព័ត៌មានពីខេត្តមណ្ឌលគិរី- ក្រុងសែនមនោរម្យ
ចេញផ្សាយថ្ងៃសុក្រ០៤កើត ខែអាសាឍ ឆ្នាំកុរ ឯកស័កព.ស២៥៦៣ត្រូវថ្ងៃទី០៥ខែកក្កដាឆ្នាំ២០១៩!
បច្ចុប្បន្ននេះ មន្ត្រីរាជការក៏ដូចជាប្រជាជនទាំងមូលនៅក្នុងខេត្តមណ្ឌលគិរីកំពុងនាំគ្នារិះគន់ខ្លាំងៗមកលើបញ្ហាលោកប៉ោសេងថៅកែបេនឡានកំពុងយកចំណីផ្លូវសាធារណ:ចំណុចរង្វង់មូលគោព្រៃ និងមុខការ៉ាស់សាំងប៉ាៗធ្វើជាបេនចាប់មូយប្រសេចប្រសាចបង្កភាពអាណាធិប្បតេយ្យប៉ះពាល់យ៉ាងខ្លាំងមកលើសណ្ដាប់ធ្នាប់សាធារណៈដល់ភ្ញៀវជាតិ អន្តជាតិរិះគន់ថាអាជ្ញាដែនដីមិនចេះរៀបចំ។
ប្រភពមួយទៀតបានបង្ហើបថា គេសង្កេតឃើញបេនឡានថ្មីមួយនៅផ្លូវទៅដាក់ដាំនោះដែលហៅថាបេនថ្មីត្រូវបានសាងសង់រួចរាល់ហើយ ហេតុអីមិនទៅចតទីនោះទុកឲ្យនៅស្ងាត់ឈឹង ដូចវាលរហោឋាន បែរជានាំគ្នាមកចាប់មួយពេញផ្លូវសាធារណៈទៅវិញ ហើយបែរជាឲ្យកូនចៅទៅដាក់ឆ័ត្រនៅលើទួលចំការស្រល់ចាំយកលុយក្បាលឡានមួយចាប់ពី២០០០០៛ ទៅ៣០០០០៛ ពេលខ្លះគ្មានកន្ទុយប័ណផង តើថវិការនេះបានបង់ចូលទៅថវិការដ្ឋដែរឫទេ?បានធ្វើឲ្យមតិមហាជនមានចម្ងល់យ៉ាងខ្លាំង។
ចំពោះបញ្ហាបេនឡានលោកប៉ោសេងខាងលើនេះ សូមលោកអភិបាលក្រុងសែនមនោរម្យ និងមន្ត្រីជំនាញពាក់ព័ន្ធ ពិសេសឯកឧត្ដមអភិបាលខេត្តលោកមានវិធានការផង ដើម្បីកុំឲ្យរងនូវការរិះគន់ដល់ការដឹកនាំកន្លងមកពួកគាត់តែងមានជំនឿជឿជាក់មកលើអាជ្ញាធរ។
រាល់ការផ្សាយរបស់អង្គភាពសារព័ត៌មាននិងគេហទំព័រ យើងខ្ញុំផ្សាយក្នុងន័យរិះគន់ ដើម្បីស្ថាបនាមិនមានចេតនាណាមួយរិះគន់ដើម្បីជាន់ពន្លិច បរិហារកេរ្តិ៍ ឬក៍ញុះញ៉ង់ឲ្យមានការរើសអើងឡើយ អង្គភាពយើងខ្ញុំផ្សាយតែព័ត៌មានពិតដោយយោងតាមប្រភព ប្រសិនបើអស់លោកគិតថា ព័ត៌មានខាងលើនេះមិនពិត អាចធ្វើការបកស្រាយចូលមកការិយាល័យនិពន្ធ យើងខ្ញុំបាន តាមរបបសារព័ត៌មាន ដើម្បីធ្វើការកែសម្រួលឬបកស្រាយ បំភ្លឺឡើងវិញធ្វើការកែតម្រូវជូនឡើងរាលម៉ោងធ្វើការ។
ការិយាល័យនិពន្ធនាយក
០៩៣:៤៤៥៥៥៨/០១២:៥០៥៣៤៤
ធ្វើសេចក្ដីរាយការណ៍ដោយអង្គភាពសារព័ត៌មាន និងគេហទំព័រ(ខ្មែរអច្ឆរិយ:) http://www.khpress.net
