ព័ត៌មានពីខេត្តមណ្ឌលគិរី
ចេញផ្សាយថ្ងៃអាទិត្យ១៣កើត ខែជេស្ឋ ឆ្នាំកុរ សំរិទ្ធស័ក្ត ព.ស ២៥៦៣ ត្រូវនឹង ថ្ងៃទី៣០ខែ មិថុនា ឆ្នាំ២០១៩!
នាបច្ចុប្បន្ននេះបងប្អូនប្រជាពលរដ្ឋយើងរស់នៅក្នុងខេត្តមណ្ឌលគិរី ពួកគាត់បានកំពុងនាំគ្នាមានក្តីកង្វល់ប្រឈមទៅនឹងជម្ងឺគ្រប់ប្រភេទដោយសាររដូវនេះភ្លៀងធ្លាក់ស្ទើររាល់ថ្ងៃចំពោះសុខភាពពួកគេពិសេសលើសុខភាពកុមារក្មេងៗកំពុងបរិភោគបន្លែ ផ្លែឈើដែលនាំចូលតាមច្រកដាក់ដាំ ឡាប៉ាខេ និងច្រកណាមលៀរ ដោយមិនដែលឃើញមានការត្រួតពិនិត្យពីមន្ត្រីជំនាញដែលគេសង្ស័យថាមានសារធាតុគីមីច្រើននាំចូលមកបំផ្លាញសុខភាពនិងអាយុជីវិត។
បើយោងតាមប្រភពព័ត៌មានពីប្រជាពលរដ្ឋបានបង្ហើបឲ្យអង្គភាពសារព័ត៌មាននិងគេហទំព័រ”ខ្មែរអច្ឆរិយ:” យើងបានដឹងថា សព្វថ្ងៃនេះនៅបណ្ដាច្រកទ្វារទាំងបីកន្លែងនេះហាក់បីដូចជាមានភាពធូរលុងបើកដៃឲ្យរថយន្ត ម៉ូតូជនជាតិវៀតដឹកបន្លែ ផ្លែឈើចូលមកតាមចិត្តមិនដែលឃើញមានការត្រួតពិនិត្យបន្តិចសោះជាក់ស្ដែងនៅច្រកទាំងបីខាងលើម៉ូតូ- រថយន្តវៀតណាមខ្នាត៥តោនមានខ្លុបបាំងជិតៗដឹកបន្លែផ្លែឈើយកចូលមកក្នុងមួយថ្ងៃពីរជេីងយកមកដាក់ទុកនៅតាមបណ្ដាស្រុកក្នុងខេត្តចែកចាយគ្រប់ទីកន្លែងដោយបន្លំថាជាបន្លែ ផ្លែឈើរបស់ខ្មែរយើង។
ជាក់ស្ដែងនៅក្នុងខេត្តគេឃើញរថយន្ដវៀតណាមដឹកយកមកចាក់នៅត្រង់ផ្លូវចាក់បេតុងមុខសណ្ឋាគារអឿនសកុណាចូលមកក្នុងប្រហែល៥០ម៉ែត្រក្នុងភូមិកណ្ដាល សង្កាត់ស្ពានមានជ័យ ក្រុងសែនមនោរម្យ ដើម្បីចែកចាយគ្រប់ប៉ូយលក់ដូរទាំងអស់ ពិសេសនៅតាមហាងលក់ សណ្ឋាគារធំៗដោយបន្លំថាជាបន្លែ ផ្លែឈើរបស់ខ្មែរពិសេសផ្លែប៊ឺរតែម្ដង។
ប្រភពព័ត៌មានពីមន្ត្រីថ្នាក់ដឹកនាំម្នាក់សុំមិនបញ្ចេញឈ្មោះបានបង្ហើបប្រាប់ថា រថយន្តរបស់វៀតណាមនៅពេលគេលក់បន្លែ ផ្លែឈើគ្រឿងបរិភោគអស់ត្រឡប់ទៅវិញគេឃើញមានដឹកទំនិញជាច្រើនមុខដាក់ក្នុងឡាំងស្រោបរុំក្រដាស់ឃ្លំបេជិតៗក៏មិនដែលឃើញមានមន្ត្រីជំនាញចុះមកធ្វើការត្រួតពិនិត្យដែរដូច្នះដេម្បីជួយការពារនូវបទល្មើសឆ្លងដែនផ្សេងៗដែលឆ្លងកាត់តាមច្រកទាំងបីនេះប្រជាពលរដ្ឋយើងសូមធ្វើការសំនូមពរដល់មន្ត្រីជំនាញមេត្តាជួយរិតបន្តឹងនិងពិនិត្យផង ដើម្បីសុខភាពប្រជាពលរដ្ឋយើងកុំរវល់ចង់បានតែលុយដាក់ហោប៉ៅដើម្បីតែប្រយោជន៍ផ្ទាល់ខ្លួនមួយក្ដាប់តូចមកបំផ្លាញដល់សុខភាពនិងអាយុជីវិតមនុស្សរាប់សិបនាក់បាទ។
ជាចុងក្រោយនេះមន្ត្រីអ្នកមុខអ្នកការក្នុងខេត្តព្រមទាំងប្រជាពលរដ្ឋយើងសូមធ្វើការយ៉ាងទទូចដល់ឯកឧត្ដម ស្វាយ សំអ៊ាង អភិបាលខេត្តមេត្តាជួយមានវិធានការរឹតបន្តឹងផងមកលើមន្ត្រីជំនាញក្នុងការត្រួតពិនិត្យនូវការហូរចូលនូវបន្លែផ្លែឈើពីប្រទេសជិតខាងដោយគ្មានការយកចិត្តទុកដាក់ពីជំនាញ និងការលក់ដូរមានការកេងបន្លំថាជាទំនិញរបស់ពលរដ្ឋខ្មែរយើងដែលកំពុងមានក្តីកង្វល់ពីអាយុជីវិតកូនៗពួកគាត់នោះម្យ៉ាងវិញទៀតបើពិនិត្យឃើញថាបន្លែ ផ្លែឈើគ្រឿងបរិភោគនាំចូលមកឃេញថាមានជាតិគីមីពិតប្រាកដគួតែមានវិធានការបញ្ឈប់ការនាំចូលមកទៀតទៅ៕
ការិយាល័យនិពន្ធនាយក
០១២:៥០៥៣៤៤/០៩៣:៤៤៥៥៥
ធ្វើសេចក្ដីរាយការណ៍ដោយអង្គភាពសារព័ត៌មាន និងគេហទំព័រ(ខ្មែរអច្ឆរិយ:) http://www.khpress.net