ព័ត៌មានពីខេត្តមណ្ឌលគិរី
ចេញផ្សាយ ថ្ងៃ សៅរ៍ ១២កើត ខែជេស្ឋ ឆ្នាំកុរ សំរិទ្ធស័ក្ត ព.ស ២៥៦៣ ត្រូវនឹង ថ្ងៃទី២៩ ខែ មិថុនា ឆ្នាំ២០១៩!
នាបច្ចុប្បន្ននេះបងប្អូនប្រជាពលរដ្ឋយើងរស់នៅក្នុងខេត្តមណ្ឌលគិរី ពួកគាត់បានកំពុងនាំគ្នាបារម្ភជាខ្លាំងប្រឈមទៅនឹងជម្ងឺគ្រុណឈាមដោយសាររដូវនេះភ្លៀងធ្លាក់ស្ទេីររាល់ថ្ងៃ ក្រៅពីនេះពួកគេក៏មានការបារម្ភចំពោះសុខភាពពួកគេខ្លាំងដែរ ពិសេសលើសុខភាពក្មេងៗកំពុងបរិភោគបន្លែ ផ្លែឈើដែលនាំចូលតាមច្រកដាក់ដាំ ឡាប៉ាខេ ដោយគ្មានការត្រួតពិនិត្យពីមន្ត្រីជំនាញដែលគេសង្ស័យថាមានសារធាតុគីមីច្រេីន។
យោងតាមប្រភពព័ត៌មានពីប្រជាពលរដ្ឋបានបង្ហេីបឲ្យអង្គភាពសារព័ត៌មាននិងគេហទំព័រ”ខ្មែរអច្ឆរិយ:” យើងបានដឹងថា សព្វថ្ងៃនេះនៅបណ្ដាច្រកទ្វារទាំងពីរនេះហាក់បីដូចជាមានភាពធូរលុងឲ្យរថយន្ត ម៉ូតូជនជាតិវៀតដឹកបន្លែ ផ្លែឈើចូលមកតាមចិត្តមិនដែលឃេីញមានការត្រួតពិនិត្យសោះជាក់ស្ដែងនៅច្រកដាក់ដាំ÷
មានរថយន្តវៀតណាមខ្នាត៥តោនមានខ្លុបបាំងជិតៗដឹកបន្លែផ្លែឈើយកចូលមកក្នុងមួយថ្ងៃពីរជេីងយកមកដាក់ទុកនៅផ្លូវចាក់បេតុងមុខសណ្ឋាគារអឿនសកុណាចូលមកក្នុងប្រហែល៥០ម៉ែត្រក្នុងភូមិកណ្ដាល សង្កាត់ស្ពានមានជ័យ ក្រុងសែនមនោរម្យ ដេីម្បីចែកចាយគ្រប់ប៉ូយលក់ដូរ ពិសេសនៅតាមហាងលក់ដូរសណ្ឋាគារធំៗដោយបន្លំថាជាបន្លែ ផ្លែឈើរបស់ខ្មែរពិសេសផ្លែប៊ឺរតែម្ដង។
ប្រភពនេះបានបង្ហេីបទៀតថា នៅពេលគេលក់បន្លែ ផ្លែឈើអស់ត្រឡប់ទៅវិញគេឃេីញមានដឹកទំនិញជាច្រេីនមុខដាក់ក្នុងឡាំងក្រដាស់ឃ្លំបេជិតៗក៏មិនដែលឃេីញមានមន្ត្រីជំនាញមកធ្វើការត្រួតពិនិត្យដែរដូច្នះដេម្បីជួយការពារនូវបទល្មេីសផ្សេងៗដែលឆ្លងកាត់តាមច្រកប្រជាពលរដ្ឋយើងសូមធ្វើការសំនូមពរដល់មន្ត្រីជំនាញមេត្តាជួយរិតបន្តឹងនិងពិនិត្យផងដេីម្បីសុខភាពប្រជាពលរដ្ឋយើងកុំរវល់ចង់បានតែលុយពេក។
ចុងក្រោយនេះដែរប្រជាពលរដ្ឋយើងសំនូមពរដល់ឯកឧត្ដមអភិបាលខេត្តមេត្តាជួយមានវិធានការរឹតបន្តឹងផងមកលើមន្ត្រីជំនាញក្នុងការត្រួតពិនិត្យនូវការហូរចូលនូវបន្លែផ្លែឈើពីប្រទេសជិតខាងគ្មានការយកចិត្តទុកដាក់ពីជំនាញ និងការលក់ដូរមានការកេងបន្លំថាជាទំនិញពលរដ្ឋខ្មែរយើងនោះ៕
ការិយាល័យនិពន្ធនាយក
០១២:៥០៥៣៤៤/០៩៣:៤៤៥៥៥
ធ្វើសេចក្ដីរាយការណ៍ដោយអង្គភាពសារព័ត៌មាន និងគេហទំព័រ(ខ្មែរអច្ឆរិយ:) http://www.khpress.net
