ព័ត៌មានជាតិពីខេត្តព្រះសីហនុ
អត្ថបទដោយ: លោក វង្ស រចនា
ចេញផ្សាយថ្ងៃអង្គារ ០៧រោច ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី ២៥ ខែមិថុនា ឆ្នាំ ២០១៩!
នៅពេលថ្មីៗនេះគេបានទទួលដំណឹងដ៏ភ្ញាក់ផ្ញើលមួយដោយសារតែ ឯកឧត្តម យន្ត មីន អភិបាលនៃគណៈអភិបាលខេត្តព្រះសីហនុ បានទទួលស្គាល់កំហុសខ្លួនឯងដោយសុខចិត្តសុំលាលែងចេញពីតំណែងអភិបាលខេត្ត ដោយខ្លួនឯង បន្ទាប់ពីបណ្តាលឱ្យមានរឿងឈឺចាប់កើតឡើងក្នុងដែនសមត្ថកិច្ចរបស់ខ្លួន ដែលជាករណីបាក់រលំអាគារកម្ពស់៧ជាន់បណ្តាលឱ្យមនុស្សជាច្រើននាក់បានស្លាប់ និងរងរបួសធ្ងន់ធ្ងរ។ បន្ទាប់ពីហេតុការដ៏រន្ធត់ និងអាក្រក់បានកើតឡើង ឯកឧត្តម យន្ត មីន ក៏បានបង្ហាញអារម្មណ៍សោកស្តាយ និងបានថ្លែងការសូមអភ័យទោសជាសាធារណៈ ដល់គ្រួសារជនរងគ្រោះទាំងអ្នករបួស និង អ្នកស្លាប់ផងដែរ ។
ជាមួយការសុំលាចុះចេញពីតំណែងដោយខ្លួនឯងឯកឧត្តម យន្ត មីន នេះទៀតសោតបានធ្វើឱ្យមហាជនកោតសរសើរ និងបានលើកឡើងថា ជាទង្វើទទួលខុសត្រូវមួយដ៏ល្អបំផុតរបស់ឯកឧត្តម ហើយក្នុងនោះគេក៏បានចាត់ទុកឯកឧត្តមជាមន្ត្រីខ្មែរទី១គំរូ ដែលសុខចិត្តដាក់ការស្នើសុំចុះចេញពីតំណែងទៅកាន់ថ្នាក់លើ បន្ទាប់ពីយល់ថាខ្លួនមានចន្លោះខ្វះខាតចំពោះការគ្រប់គ្រងក្នុងដែនសមត្ថកិច្ចរបស់ខ្លួនកន្លងមកនេះ ។
ធ្វើសេចក្ដីរាយការណ៍ដោយអង្គភាពសារព័ត៌មាន និងគេហទំព័រ “ខ្មែរអច្ឆរិយ:” http://www.khpress.net
ការិយាល័យនិពន្ធនាយក
០១២:៥០៥៣៤៤/០៩៣:៤៤៥៥៥/០៧១:៤៥៥៥៥៥៨
