ចេញផ្សាយថ្ងៃអង្គារ២កើតខែជេស្នឆ្នាំកុរឯកស័ក ព.ស ២៥៦៣ត្រូវនឹងថ្ងៃទី០៤ខែមិថុនា ឆ្នាំ២០១៩
នៅព្រឹកថ្ងៃអង្គារ២កើត ខែជេស្ន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៤ ខែមិថុនា ឆ្នាំ២០១៩ ក្រុមយុវជនសម្ព័ន្ឋស្រឡាញ់សន្តិភាពខេត្តមណ្ឌលគិរី បាននាំយកអំណោយចុះចែកជូនដល់សិក្សានុសិស្ស និងប្រជាពលរដ្ឋ នៅភូមិពូតាំង សង្កាត់រមនា ក្រុងសែនមនោរម្យ។
លោក សាន់ ដារិទ្ឋ ប្រធានក្រុមយុវជនសម្ពន្ធស្រឡាញ់សន្តិភាពខេត្តមណ្ឌលគិរី បានឲ្យអង្គភាពគេហទំព័រខ្មែរអច្ឆរិយ:យេីងដឹងថា អំណោយដែលយកជូនដល់ប្រជាពលរដ្ឋ និងប្អូនៗសិក្សានុសិស្សពេលនេះ គឺជាថវិការរបស់សមាជិកសមាជិការរបស់សម្ពន្ធ និងសប្បុរសជននានា ដើម្បីទិញជាសម្ភារៈសិក្សា រួមនិងគ្រឿងឧបភោគបរិភោគ សម្រាប់ជួយសម្រួលដល់ក្មួយៗសិស្សសាលា ជាពិសេសប្រជាពលរដ្ឋដែលមានជីវភាពគ្រួសារលំបាក។
លោក សាន់ ដារិទ្ឋ ប្រធានក្រុមយុវជនសម្ពន្ធស្រឡាញ់សន្តិភាពខេត្តមណ្ឌលគិរី បានឲ្យអង្គភាពគេហទំព័រខ្មែរអច្ឆរិយ:យេីងដឹងទៀតថា អំណោយសម្ភារៈសិក្សាត្រូវបានចែកជូនសិក្សានុសិស្សនាពេលនេះចំនួន២១០នាក់ នៅសាលាបឋមសិក្សាពូតាំង នឹងគ្រឿងឧបភោគបរិភោគចែកជូនដល់ប្រជាពលរដ្ឋចំនួន៦០គ្រួសារ។
នៅក្នុងការផ្ដល់អំណោយសប្បុរសធម៌ទាំងនេះត្រូវបានសិស្សានុសិស្សនិងប្រជាពលរដ្ឋបាននាំគ្នាសាទរថ្លែងអំណរគុណដល់ក្រុមការងារដែលបានយកចិត្តទុកដាក់គិតគូពីទុក្ខលំបាកនានារបស់ប្រជាពលរដ្ឋរស់នៅក្នុងមូលដ្ឋានដោយមិនប្រកាន់ពូជសាសន៍ ពណ៌សម្បុរ។
ធ្វេីសេចក្ដីរាយការណ៍ពីសង្កាត់រមនាដោយអង្គភាពសារព័ត៌មាន និងគេហទំព័រខ្មែរអច្ឆរិយ: http://www.khpress.net