កំពង់ឆ្នាំង ៖ ប្រជាជនវៀតណាមជាច្រើនពាន់នាក់ នៅក្នុងខេត្តកំពង់ឆ្នាំង បាននាំគ្នាសម្រុកបង់ពន្ធ័អាករ និងធ្វើបណ្ណ័ស្នាក់នៅក្នុង២ឆ្នាំម្តង។
ការនាំគ្នាឡើងមកបង់ពន្ធអាករ និងធ្វើប័ណ្ណស្នាក់នៅនេះ គឺធ្វើឡើងនៅថ្ងៃទី៧ សីហា ២០១៨ នៅក្នុងបរិវេណការិយាល័យគ្រប់គ្រងការស្នាក់នៅរបស់ជនបរទេសនៃស្នងការនគបាលខេត្តកំពង់ឆ្នាំង។
ប្រធានការិយាល័យគ្រប់គ្រងការស្នាក់នៅរបស់ជនបរទេសនៃស្នងការនគបាលខេត្តកំពង់ឆ្នាំងបានឲ្យសារព័តមានខ្មែរអច្ឆរិយ: ដឹងនៅថ្ងៃនេះថា ប្រជាជនជាតិវៀតណាម ដែលស្នាក់នៅក្នុងខេត្តកំពង់ឆ្នាំង មានចំនួន២៣៩៧គ្រួសា និងមានមនុស្សសរុបចំនួន១០០៨៧នាក់ ហើយអ្នកដែលគ្រប់អាយុដែលត្រូវធ្វើប័ណ្ណស្នាក់នៅមានចំនួន៦០០០នាក់។
ប្រធានការិយាលយ័គ្រប់គ្រងការស្នាក់នៅរបស់ជនបរទេស បានឲ្យខ្មែរអច្ឆរិយ:ដឹងទៀតថា ទីតាំងដែលជនជាតិវៀតណាម រស់នៅច្រើនជាងគេ នៅលើផ្ទៃទឹក ក្នុងក្រុងកំពង់ឆ្នាំង មានចំនួន៧៥៥គ្រួសារ នៅស្រុកបរិបូរណ៍ចំនួន៨០៦គ្រួសារ នៅស្រុកកំពង់ត្រឡាចមានចំនួន២០២គ្រួសារ ខណៈដែលពួកគេភាគច្រើនមានមុខរបរនេសាទ និងចិញ្ចឹមត្រី។
លោកថា នេះជាលើកទី១ ដែលពួកគេមកសុំប្រកាស និងប័ណ្ណស្នាក់នៅអចិន្ត្រៃនៅកម្ពុជា ខណៈដែលគេបានបំពេញបែបបទតាមច្បាប់នៃប្រទេសកម្ពុជាក្នុង២ឆ្នាំ តម្រូវឲ្យបង់ពន្ធអាករជូនរដ្ឋ២៥ម៉ឺនរៀល ហើយការធ្វើនេះទំនងជាប្រើពេលយូរ ព្រោះមានគ្នាច្រើននៅពេល ដែលគាត់សម្រុកមកធ្វើ និងមានការលំបាកផងដែរ។
សូមបញ្ជាក់ផងដែរថា កន្លងមកអាជ្ញាធខេត្តកំពង់ឆ្នាំងបានធ្វើការបម្លាស់ទីផ្ទះទឹក និងបែចិញ្ចឹមត្រីរាប់ពាន់គ្រួសារឲ្យផ្លាស់ប្តូរមករស់នៅលើគោកវិញ ដើម្បីធ្វើការបញ្ជៀសការរស់នៅក្នុងទឹកវាធ្វើអោយបំពុលបរិស្ថាន បំពុលទឹក និងធ្វើឲ្យប៉ះពាល់ដល់ធនធានមច្ឆាជាតិ ខណៈដែលជនជាតិវៀតណាមមួយចំនួន ដែលកំពុងរស់នៅក្នុងទឹកទន្លេសាប មានការរារែកចិត្តមិនឡើងទៅរស់នៅលើគោគតាមការអំពាវនាវរបស់អាជ្ញាធខេត្តនោះឡើយ៕
ដោយ ខ្មែរអច្ឆរិយ:
