ព័ត៌មានពីខេត្តមណ្ឌលគិរី – ស្រុកកែវសីមា
ចេញផ្សាយថ្ងៃសុក្រ១៣រោច ខែពិសាខ ឆ្នាំកុរ ឯកស័កព.ស.២៥៦២ត្រូវនឹងថ្ងៃទី៣១ ខែឧសភា ឆ្នាំ ២០១៩!
នៅព្រឹកថ្ងៃសុក្រ១៣រោច ខែពិសាខ ឆ្នាំកុរ ឯកស័កព.ស.២៥៦៣ ត្រូវនឹងថ្ងៃទី៣១ ខែឧសភា ឆ្នាំ ២០១៩ រថយន្តម៉ាកហាយឡែនឌ័រ០១គ្រឿងដឹកឈើល្មើសខុសច្បាប់ត្រូវបានកម្លាំងកងរាជអាវុធហត្ថស្នាក់ការសន្តិសុខ៧៦១ ស្រុកកែវសីមាឃាត់បានកាលពីវេលាម៉ោង០៥.៤០នាទី ថ្ងៃទី៣១ ខែឧសភាឆ្នាំ ២០១៩ នៅចំនុចUTM០៦៩៦៩៤៤-១៣៣៨៣០៧ ស្ថិតនៅភូមិឆ្នែង ឃុំស្រែខ្ទុម ស្រុកកែវសិមា ខេត្តមណ្ឌលគិរី ។
ប្រតិបត្តិការនោះដឹកនាំដោយ លោកវរសេនីយ៍ត្រី អុិន សុភ័ក្រ កម្លាំងកងរាជអាវុធហត្ថខេត្តសហការជាមួយកម្លាំងស្នាក់ការសន្តិសុខ៧៦១ ចំនួន០៦នាក់ រថយន្តចំនួន០៣គ្រឿង ម៉ូតូ០១គ្រឿង ឃាត់ចាប់បានរថយន្តម៉ាក់ ហាយឡែនឌឺ ពណ៍ទឹកបុិចចាស់០១គ្រឿងពាក់ស្លាកលេខ ភ្នំពេញ២AG ៨៣២៩ ដឹកឈើប្រណិតប្រភេទធ្នង់ជំនៀរចំនួន៨០ដុំ មិនទាន់វាស់វែង។
បើយោងតាមរបាយការណ៍របស់អាវុធហត្ថស្នាក់ការសន្តិសុខ៧៦១ ថាចំណែកអ្នកបើកបររថយន្តបានរត់គេចខ្លួនបាត់ ហេីយបច្ចុប្បន្នរថយន្ត និង ឈើត្រូវបានប្រគល់ទៅអោយសង្កាត់រដ្ឋបាលព្រៃឈើចុងផ្លាស់-ស្រែព្រះថែរក្សារតាមផ្លូវច្បាប់ ។
ធ្វើសេចក្ដីរាយការណ៍ពីស្រុកកែវសីមាដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net
