ចេញផ្សាយថ្ងៃសុក្រ១៣រោច ខែពិសាខ ឆ្នាំកុរ ឯកស័កព.ស.២៥៦២ត្រូវនឹងថ្ងៃទី៣១ ខែឧសភា ឆ្នាំ ២០១៩!
នៅព្រឹកថ្ងៃព្រហស្បត្ត១២រោច ខែពិសាខ ឆ្នាំកុរ ឯកស័កព.ស.២៥៦៣ ត្រូវនឹងថ្ងៃទី៣០ ខែឧសភា ឆ្នាំ ២០១៩ទី នៅមជ្ឈមណ្ឌលហ្វឹកហ្វឺនជំនាញការពារព្រំដែន បានប្រារព្ធពិធីសម្ពោធដាក់ឱ្យប្រើប្រាស់អគាររដ្ឋបាល២ខ្នង ដែល១ខ្នងជាជំនួយក្រសួងការពារជាតិនៃសាធារណរដ្ឋសង្គមនិយមវៀតណាម និង១ទៀត ជាអំណោយរបស់លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទនិងជាមេបញ្ជាការ កងរាជអាវុធហត្ថលើផ្ទៃប្រទេសនិងសប្បុរសជន។
ពិធីនេះក្រោមអធិបតីភាពលោក នាយឧត្តមសេនីយ៍ សៅ សុខា តំណាងដ៏ខ្ពង់ខ្ពស់នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ និងលោកវរសេនីយ៍ឯក ង្វៀន ទៀនជីន សេនានុព័ន្ធយោធានៃស្ថានទូតវៀតណាម ប្រចាំព្រះរាជាណាចក្រកម្ពុជា ព្រមទាំងអញ្ជើញចូលរួមដោយលោកឧត្តមសេនីយ៍ទោ ចាន់ សារ៉ាន់ នាយកមជ្ឈមណ្ឌល ឧត្តមសេនីយ៍នាយរង យោធាចារ្យ បុគ្គលិក សិក្ខាកាមជាច្រើនរូបផងដែរ។
ធ្វើសេចក្ដីរាយការណ៍ ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net
