ព័ត៌មានពីភ្នំពេញ ៖
ចេញផ្សាយថ្ងៃអង្គារ០៣រោច ខែពិសាខ ឆ្នាំកុរ ឯកស័កព.ស.២៥៦៣ ត្រូវនឹងថ្ងៃទី២១ ខែឧសភា ឆ្នាំ ២០១៩!
ជារឿងដ៏គួរឲ្យភ្ញាក់ផ្អើល និងជារឿងដ៏គួរឲ្យសាទរសម្រាប់អ្នកប្រើប្រាស់បណ្តាញទំនាក់ទំនងសង្គមហ្វេសប៊ុកគឺថា លោក ខៀវ កាញារីទ្ធ រដ្ឋមន្ត្រីក្រសួ
ងព័ត៌មានបានប្រកាសធ្ងន់ៗថានឹងបង្ហោះរូបមន្ត្រីណាដែលមានតែឈ្មោះនៅក្រសួងហើយចាំបើកប្រាក់ខែ បើតាមរដ្ឋមន្ត្រីក្រសួងព័ត៌មាន វិធានការនេះ គឺធ្វើឡើងបន្ទាប់ពីលោកបានទទួលការរអ៊ូរទាំរបស់មន្ត្រីក្រសួងព័ត៌មានជុំករណីនេះ។
លើផេកផ្លូវការបស់លោករដ្ឋមន្ត្រីនៅរសៀលថ្ងៃទី២១ ឧសភា នេះបានសរសេរថា ក្រសួងសុំឲ្យគ្រប់អគ្គនាយកដ្ឋានបញ្ជូនឈ្មោះ និងរូបថតមន្ត្រីណាខ្លះ ដែលមានតែឈ្មោះ មិនធ្វេីការបើកតែប្រាក់ខែ។ជាមួយការសរសេរបែបនេះ លោករដ្ឋមន្ត្រី បានសង្កត់ធ្ងន់ថា លោកនឹងបង្ហោះរូបអ្នកដែលស៊ីកម្លាំងមន្ត្រីក្រសួង។ ហើយអ្វីដែលក្រសួងធ្វើនេះគឺដើម្បីរួមចំណែកអភិបាលកិច្ចល្អរបស់រាជរដ្ឋាភិបាល។
ភ្លាមៗបន្ទាប់ពីការប្រកាសបែបនេះ អ្នកប្រើប្រាស់បណ្តាញទំនាក់ទំនងជាច្រើនបានចូលខមមិនសម្តែងការស្វាគមន៍នឹងរីករាយចំពោះការធ្វើបែបនេះ។ អ្នកប្រើប្រាស់បណ្តាញសង្គមម្នាក់ដែលមានអាខោនឈ្មោះ កង ចាន់ចំរ៉ុង បានសរសេរថា«គាំទ្រឯកឧត្តមពេញទំហឹង»។ មិនខុសពីអ្នកផ្សេងអ្នកប្រើប្រាស់បណ្តាញទំនាក់ទំនងសង្គមម្នាក់ទៀតដែលមានឈ្មោះថា Chan Phalla បានសរសេរថា«ចំណាត់ការនេះបើធ្វើបានមែនលោកពូជាមនុស្សដំបូងដែលនិយាយហើយធ្វើ គាំទ្រ»។
ទោះបីជាលោករដ្ឋមន្ត្រីប្រកាសបែបនេះក៏ដោយ។ ប៉ុន្តែមហាជនកំពុងតែទន្ទឹងរងចាំថា តើអនុវត្តន៍បានដែរឬទេ ហើយថាតើមានអ្វីនៅពីក្រៅរឿងនេះផងដែរ៕
ធ្វើសេចក្ដីរាយការណ៍ពីភ្នំពេញដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net
