ព័ត៌មានពីមណ្ឌលគិរី
ចេញផ្សាយថ្ងៃអង្គារ០៣រោច ខែពិសាខ ឆ្នាំកុរ ឯកស័កព.ស.២៥៦៣ ត្រូវនឹងថ្ងៃទី២១ ខែឧសភា ឆ្នាំ ២០១៩!
នៅព្រឹកថ្ងៃអង្គារ ០៣រោច ខែពិសាខ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២១ ខែឧសភា ឆ្នាំ២០១៩ វេលាម៉ោង ៨:០០នាទី នៅស្នងការដ្ឋាននគរបាលខេត្ត បានរៀបចំកិច្ចប្រជុំត្រួតពិនិត្យការងារប្រចាំខែឧសភា ឆ្នាំ២០១៩ និងលើកទិសដៅអនុវត្តការងារខែកក្កដាបន្ត នៅក្នុងកិច្ចប្រជុំនេះប្រព្រឹត្តទៅក្រោមអធិបតីភាព លោកឧត្ដមសេនីយ៍ទោ ឡោ សុខា ស្នងការនគរបាលខេត្ត ។
កិច្ចប្រជុំនេះមានការអញ្ជេីញចូលរួមពីសំណាក់ លោក លោកស្រី ជាស្នងការរង លោកអនុប្រធានផែន នាយ នាយរងការិយាល័យជំនាញ អធិការនគរបាលក្រុងស្រុកទាំងប្រាំ មេបញ្ជាការវរសេនាតូចនគរបាលការពារព្រំដែនគោកទាំងពីរ នាយប៉ុស្តិ៍នគរបាលរដ្ឋបាលទាំង២១ឃុំ សង្កាត់ នាយប៉ុស្តិ៍នគរបាលច្រកទ្វារទ្វេភាគីទាំងបី និងនាយប៉ុស្តិ៍នគរបាលការពារព្រំដែនគោកទាំង១៤ សរុបចំនួន ៨១នាក់។
នៅក្នុងឱកាសនោះលោកឧត្តមសេនីយ៍ស្នងការបានមានប្រសាសន៍ជំរុញអោយគ្រប់ប៉ុស្តិ៍នគរបាលរដ្ឋបាលទាំងអស់បង្កើនការយកចិត្តទុកដាក់រក្សាសន្តិសុខ សណ្តាប់ធ្នាប់ ជូនប្រជាពលរដ្ឋក្នុងយុទ្ធនាការក្នុងការដង្ហែក្បួនឃោសនាបោះឆ្នោតជ្រេីសរេីសក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី៣ ឆ្នាំ២០១៩ ដែលនឹងខិតជិតមកដល់ក្នុងប៉ុន្មានថ្ងៃខាងមុខនេះ។
ឯកឧត្ដមស្នងការសូមផ្ដាំផ្ញេីរដល់កម្លាំងគ្រប់ផ្នែកជំនាញទាំងអស់ត្រូវយកចិត្តទុកដាក់អនុវត្តនិងពង្រឹងវិន័យទៅតាមបទបញ្ជាលេខ ០០៦ របស់កម្លាំងនគរបាលជាតិនិងបន្តសហការជាមួយស្ថាប័នពាក់ព័ន្ធ និងមានសាមគ្គីភាពផ្ទៃក្នុងអោយបានល្អដើម្បីអោយការងាររដ្ឋបាលប្រចាំថ្ងៃប្រព្រឹត្តទៅដោយរលូន៕
ធ្វេីសេចក្ដីរាយការណ៍ពីខេត្តមណ្ឌលគិរីដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net