ព័ត៌មានពីកំពង់ស្ពឺ – ស្រុកភ្នំស្រួច
ចេញផ្សាយថ្ងៃអង្គារ០៣រោច ខែពិសាខ ឆ្នាំកុរ ឯកស័កព.ស.២៥៦៣ ត្រូវនឹងថ្ងៃទី២១ ខែឧសភា ឆ្នាំ ២០១៩!
ខណៈនេះវេលាម៉ោង១៦ជាង ថ្ងៃទី២១ ខែឧសភា ឆ្នាំ២០១៩ នេះមានករណីអគ្គិភ័យមួយកំពុងឆេះសិប្បកម្មស្លប្រេងម៉ាស៊ូតស្ថិតនៅចំណុចភូមិដំណាក់ត្រាច ឃុំដំបូងរូង ស្រុកភ្នំស្រួច ខេត្តកំពង់ស្ពឺ។
ស្នងការនគរបាលខេត្តកំពង់ស្ពឺ លោកឧត្តមសេនីយ៍ទោ សម សាមួន បានប្រាប់អង្គភាពគេហទំព័រខ្មែរអច្ឆរិយៈបានឲ្យដឹងថា ក្រោយទទួលបានព័ត៌មាននេះ កម្លាំងសមត្ថកិច្ចជំនាញរបស់លោកកំពុង តែចេញអន្ដរាគមន៍យ៉ាងយកចិត្តទុកដាក់ដើម្បីជួយសង្គ្រោះ។
បើតាមលោកឧត្តមសេនីយ៍ស្នងការទីតាំងសិប្បកម្មស្លប្រេងម៉ាស៊ូតនេះកាលពីពេលកន្លងទៅសមត្ថកិច្ចបានចុះបិទអាជីវកម្មរួចមកហើយ ដោយសារដំណើរការគ្មានការអនុញ្ញាត ប៉ុន្ដែទំនងលួចបើកដំណើរការដោយស្ងាត់ៗ ទើបមានករណីអគ្គិភ័យនេះកើតឡើង៕
ធ្វើសេចក្ដីរាយការណ៍ពីខេត្តកំពង់ស្ពឺ-ស្រុកភ្នំស្រួចដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net