ព័ត៌មានពីខេត្តមណ្ឌលគិរី – ក្រុងសែនមនោរម្យ
ចេញផ្សាយថ្ងៃសៅរ៍១៥កើត ខែពិសាខ ឆ្នាំកុរ ឯកស័កព.ស.២៥៦២ត្រូវនឹងថ្ងៃទី១៨ ខែឧសភា ឆ្នាំ ២០១៩!
ព័ត៌មានជាតិ
អត្ថបទ: ដោយលោក វង្ស រចនា
នៅព្រឹកថ្ងៃសៅរ៍១៥កើត ខែពិសាខ ព.ស២៥៦២ ត្រូវនឹងថ្ងៃទី១៨ ខែឧសភា ឆ្នាំ២០១៩ នៅក្នុងព្រះរាជាណាចក្រកម្ពុជាយេីងប្រារព្ធពិធីបុណ្យវិសាខបូជានៅទូទាំងប្រទេស ដោយឡែកនៅក្នុងទឹកដីខេត្តមណ្ឌលគិរី ស្ថិតនៅសង្កាត់មនោរម្យ ក្រុងសែនមនោរម្យ ពិធីនេះមានការអញ្ជើញចូលរួមពីសំណាក់ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត មន្ត្រីរាជការ ព្រះសង្ឃ លោកគ្រូ អ្នកគ្រូ សិស្សានុសិស្ស ក្រុមយុវជនកាកបាទក្រហម យុវជនកាញ្ញារឹទ្ធ និងប្រជាពលរដ្ឋសរុបប្រមាណជាង ២០០០នាក់។
នៅក្នុងពិធីនេះផងដែរ ក៏មានការចូលរួមពីលោកអភិបាលក្រុង និងមន្ត្រីសាលាក្រុងជាច្រើនអ្នក ព្រមទាំងលោកចៅសង្កាត់ សង្កាត់រង និងមន្ត្រីសាលាសង្កាត់ លោកមេភូមិ និងប្រជាការពារ បងប្អូនប្រជាពលរដ្ឋយ៉ាងច្រើនកុះករ ។ នៅក្នុងពិធីនោះដែរឯកឧត្ដម ម៉ែន ង៉ុយ បានមានប្រសាសន៍ថា អង្គពិធីបុណ្យវិសាខបូជា ថាថ្ងៃនេះរូបលោកមានសេចក្តីសោមនស្សរីករាយយ៉ាងក្រៃលែងដែលបានចូលរួមនៅក្នុងពិធីបុណ្យតាមបែបប្រពៃណីខ្មែរយើងដែលដូនតាយើងបានបន្សល់នូវពិធីបុណ្យដ៏យូរលង់របស់ជាតិខ្មែរយើងតាំងពីបូរាណរៀងមកហើយវិស័យព្រះពុទ្ធសាសនាជាផ្នែកមួយយ៉ាងសំខាន់ក្នុងការចូលរួមអភិវឌ្ឍន៍ប្រទេសជាតិរបស់យើង ៕
ធ្វេីសេចក្ដីរាយការណ៍ពីក្រុងសែនមនោរម្យ
ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net