ព័ត៌មានពីខេត្តបន្ទាយមានជ័យ – ក្រុងប៉ោយប៉ែត
ចេញផ្សាយថ្ងៃ សៅរ៍១៥កើត ខែពិសាខ ឆ្នាំកុរ ឯកស័កព.ស.២៥៦២ ត្រូវនឹងថ្ងៃទី១៨ ខែឧសភា ឆ្នាំ ២០១៩!
ព័ត៌មានជាតិ
អត្ថបទ: ដោយលោក វង្ស រចនា
វេលាម៉ោង៨ព្រឹកថ្ងៃទី១៨ ខែឧសភា ឆ្នាំ២០១៩ត្រូវនឹងថ្ងៃសៅរ៍១៥កើត ខែពិសាខ ព.ស២៥៦២ ត្រូវនឹងថ្ងៃដែលព្រះរាជាណាចក្រកម្ពុជាប្រារព្ធពិធីបុណ្យវិសាខបូជានៅទូទាំងប្រទេសដោយឡែកនៅក្នុងទឹកដីអាណាចក្រក្រុងប៉ោយប៉ែតបានប្រារព្ធពិធីបុណ្យវិសាខបូជា នៅវត្តឃោសត្ថារាមហៅវត្តស្រះត្រាចស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ ពិធីនេះបានប្រារព្វឡេីងក្រោមអធិបដ៏ខ្ពង់ខ្ពស់របស់លោកគាត ហ៊ុល អភិបាលក្រុងប៉ោយប៉ែត និងព្រះតេជគុណ ប៉ុក ចំរើន ព្រះគ្រូអនុគណក្រុងប៉ោយប៉ែត។
នៅក្នុងពិធីនេះផងដែរ ក៏មានការចូលរួមពីលោក ម៉ែន សោភ័ណ អភិបាលរងក្រុងប៉ោយប៉ែត និង មន្ត្រីសាលាក្រុងជាច្រើនអ្នក ព្រមទាំងលោកចៅសង្កាត់ ជំទប់សង្កាត់ និងមន្ត្រីសាលាសង្កាត់ និងលោកមេភូមិ និងប្រជាការពារ បងប្អូនប្រជាពលរដ្ឋយ៉ាងច្រើនកុះករ ។
សូមបញ្ជាក់ថា លោក គាត ហ៊ុល អតីតចៅសង្កាត់ផ្សារកណ្ដាល ជាបុគ្គលមួយរូបដែលត្រូវបានគាំទ្រដល់រូបលោក ដោយសារតែលោកជាចៅសង្កាត់ថាហើយធ្វើ ព្រមជាមួយការខិតខំប្រឹងប្រែងក្នុងការអភិវឌ្ឍន៍ មូលដ្ឋាន និងការយកចិត្តទុកដាក់ ដល់ជីវភាពរស់នៅ របស់ប្រជាពលរដ្ឋ ដែលធ្វើអោយរូបលោក ត្រូវបានប្រជាពលរដ្ឋ បោះឆ្នោតជូនលោក ជាប្រធានក្រុមប្រឹក្សាសង្កាត់ផ្សារកណ្ដាល រហូតដល់លោក ត្រូវបានប្រមុខរាជរដ្ឋាភិបាលកម្ពុជា សម្រេចតែងតាំងលោក ជាអភិបាល នៃ គណៈអភិបាលក្រុងប៉ោយប៉ែត ។
ក្រោយពីបានឡើងកាន់ដំណែង ជា អភិបាលក្រុងប៉ោយប៉ែត រូបលោកបានចំណាយពេលវេលា យ៉ាងច្រើន ដើម្បីរៀបចំរចនាសម្ព័ន្ធក្នុងការអភិវឌ្ឍន៍ក្រុងប៉ោយប៉ែត ដូចភ្លៀងរលឹម ដែលធ្វើអោយ មហាជនតាមតុគុយទាវ នៅពេលព្រឹកៗឡើងនាំនិយាយសសើរគ្រប់ៗគ្នាថាលោកជាមនុស្សអភិវឌ្ឍន៍ មិនចេះនឿយណាយឡើុយ។ នៅក្នុងទឹកមុខប្រកបដោយប្រជាប្រិយភាព លោក គាត ហ៊ុល បានមានប្រសាសន៍នៅក្នុងអង្គពិធីបុណ្យវិសាខបូជា ថា ថ្ងៃនេះរូបលោកមានសេចក្តីសោមនស្សរីករាយយ៉ាងក្រៃលែងដែលបានចូលរួមនៅក្នុងពិធីបុណ្យតាមបែប ប្រពៃណីខ្មែរយើង ដែលដូនតាយើងបានបន្សល់ នូវពិធីបុណ្យដ៏យូរលង់ របស់ជាតិខ្មែរយើង តាំងពីបូរាណរៀងមក ហើយវិស័យព្រះពុទ្ធសាសនា ជាផ្នែកមួយយ៉ាងសំខាន់ ក្នុងការចូលរួម អភិវឌ្ឍន៍ប្រទេសជាតិរបស់យើង ៕
ធ្វើសេចក្ដីរាយការណ៍ពីក្រុងប៉ោយប៉ែត
ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net