ព័ត៌មានពីខេត្តមណ្ឌលគិរី – ស្រុកពេជ្រាដា
ចេញផ្សាយពុធ១៣កើត ខែពិសាខ ឆ្នាំកុរ ឯកស័កព.ស.២៥៦២ ត្រូវនឹងថ្ងៃទី១៦ ខែឧសភា ឆ្នាំ២០១៩
អត្ថបទ:ដោយ វង្ស ចាន់សម័យ
មានសេចក្ដីរាយការណ៍មួយពីប្រជាពលរដ្ឋថា បច្ចុប្បន្នមានមេឈ្មួញឈើដុះស្លែដ៏ល្បីឈ្មោះម្នាក់ប្រចាំភូមិដេអេ ក្នុងឃុំពូជ្រៃ ស្រុកពេជ្រាដាខេត្តមណ្ឌលគិរី នោះដែលគេស្គាល់ឈ្មោះយ៉ាងច្បាស់ថា ចែរឿន បង្កេីតរោងសិប្បកម្មមួយយ៉ាងធំនៅខាងក្រោយផ្ទះខាងមុខបិតរបងជិតគ្មានអ្នកណាហ៊ានអេីតកចូលបានទេក្រៅពីជំនាញទៅពិនិត្យនិងយកលុយខែសិប្បកម្មនេះគេបានអះអាងថាមានច្បាប់គ្រប់គ្រាន់ផងដែរ សំរាប់កែច្នៃឈើលំៗពាក់កណ្ដាលកែច្នៃសំរាប់ដឹកយកទៅលក់នៅតាមបណ្ដាខេត្តពិសេសនៅភ្នំពេញចូលទៅទំលាក់នៅពេលយប់ៗនៅបេនលោកសីស្ថិននៅស្ពានជ្រោយចង្វាខាងកេីត។
តាមប្រភពព័ត៌មានពីប្រជាពលរដ្ឋនៅភូមិដេអេបានខ្សឹបប្រាប់ថា ចែរឿននេះមានសិទ្ធិប្រមូលទិញឈើ ពីបងប្អូនប្រជាពលរដ្ឋ និងក្រុមឈ្មួញផ្សេងៗដែលពួកគេធ្វើការកាប់និងដឹកជញ្ជូនចេញ ពីតំបន់ព្រៃសហគមន៍ និងព្រៃដែនជម្រកសត្វព្រៃមួយចំនួន ដែលគ្រប់គ្រងដោយរដ្ឋនិងការពារដោយកម្លាំងជំនាញបរិស្ថាន ក្នុងស្រុកកោះញែកនិងស្រុកពេជ្រាដា ខេត្តមណ្ឌលគិរី យកមកស្តុបទុកនៅចំណុចភូមិដេអេ ដើម្បីលក់បន្តឲ្យទៅក្រុមឈ្មួញ ធ្វើការដឹកជញ្ជូនឆ្លងដែនយកទៅលក់នៅលើទីផ្សារនៃប្រទេសវៀតណាមតាមច្រកទ្វារទ្វេភាគីមួយចំនួននៅលើទឹកដីនៃខេត្តមណ្ឌលគិរីជារៀងរាល់ថ្ងៃនេះ។
ហើយការដឹកជញ្ជូនឈើពាក់កណ្ដាលកែច្នៃរបស់គេជាច្រេីនរថយន្ដសាំយ៉ុងមិនដែលចេះខ្លាចអ្នកណាម្នក់ឡេីយដោយគេអះអាងថាបង់លុយគ្រប់ស្ថាប័នគ្រប់សមត្ថកិចនៅគ្រប់ច្រកល្ហកតាមដងផ្លូវម៉ាអេមអស់ហេីយ ពិសេសស្នាក់ការរបស់ជំនាញបរិស្ថានដែលបានដាក់តាមបណ្ដោយផ្លូវជាតិលេខ៧៦A បញ្ហាទាំងនេះពួកគេក៏បានសុំដាក់ជាសំណួរបែបត្រង់ត្រង់ថា ប្រជាពលរដ្ឋឆ្ងល់ថាតើដាក់ស្នាក់ការចាំទប់ស្កាត់និងបង្ក្រាប ឬក៏ដាក់ចាំរាប់ក្បាលឡានដឹកឈើរបស់ក្រុមឈ្មួញដើម្បីយកលុយចែកគ្នាដាក់ហោប៉ៅនោះតើមែនដែរឬទេ?តែបើពុំមែនទេនោះ? មូលហេតុអ្វីបានជាមិនបង្ក្រាបបែបនេះ?មូលហេតុដែលពួកគេដាក់សំណួរបែបនេះនោះគឺ ផ្អែកទៅលើថាតាមការសង្កេតឃើញរបស់ពួកគាត់ថាក្នុងមួយថ្ងៃៗមួយយប់ៗមានរថយន្តសាំយ៉ុងដឹកឈើប្រភេទកែច្នៃពាក់កណ្ដាលជ្រកក្រោមថាមានច្បាប់ជាច្រេីនគ្រឿងចូលទៅបង់លុយ។
ជាក់ស្ដែងនៅថ្ងៃទី១៦ ខែមេសា ឆ្នាំ២០១៩ ត្រូវបានកម្លាំងសមត្ថកិចស្រុកកែវសីមាឃាត់បានរថយន្តសាំយ៉ុងដឹកទ្វារពាក់កណ្ដាលកែច្នៃចំនួនជាង២០សន្លឹករួមទាំងគ្រោងទ្វាររបស់ថៅកែឈ្មោះចែរឿន ដឹកចេញពីសិប្បកម្មដេអេយកទៅលក់នៅភ្នំពេញបច្ចប្បន្នរក្សាទុកនៅផ្នែករដ្ឋបាលព្រៃឈើកែវសីមាដេីម្បីពិនិត្យនិងចំណាត់ការតាមផ្លូវច្បាប់។
អង្គភាពសារព័ត៌មាន និងគេហទំព័រ”ខ្មែរអច្ឆរិយៈ”យើងខ្ញុំរង់ចាំការបកស្រាយបន្ថែមពីសាមុីខ្លួនឫអ្នកពាក់ព័ន្ធបើមានប្រតិ្តកម្មណាមួយ និងអាចផ្តល់ព័ត៌មានមកការិយាល័យនិពន្ធ ០១២:៥០៥៣៤៤ បេី គិតថាការចុះផ្សាយមិនពិតអង្គភាពយើងខ្ញុំនិងធ្វើការកែតម្រូវនៅរៀងរាល់ម៉ោងធ្វេីការ។
ធ្វេីសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net