ខេត្តក្រចេះ-ស្រុកស្នួល ៖ នៅវេលាម៉ោង៨និង១៨នាទី ថ្ងៃទី០៦ខែសីហាឆ្នាំ២០១៨មន្ត្រីជំនាញរដ្ឋបាលព្រៃឈើស្រុកស្នួលបានធ្វើការឃាត់រថយន្តចំនួន០១គ្រឿងម៉ាកវេអង(V1) នៅចំណុច ស្ពានជីមាំង ឃុំ២ធ្នូ ស្រុកស្នួល ខេត្តក្រចេះ ដែលសង្ស័យមានដឹកឈើប្រណីតដើម្បីធ្វើការត្រួតពិនិត្យ។
តាមប្រភពព័តមានពីមន្ត្រីមួយចំនួនបានឲ្យសារព័ត៌មាន ខ្មែរអច្ឆរិយ: ដឹងថា រថយន្ត០១គ្រឿងខាងលើនេះជារថយន្តរបស់លោកឧកញ្ញា សឹង សំអុល ដឹកឈើប្រភេទក្ដានីវកែច្នៃចេញពីក្រុមហ៊ុន យូនីគ្រីន (ផ្ទះជញ្ជាំងខៀវ) ក្នុងស្រុកកោះញែក ឆ្លងកាត់ទីរួមខេត្តមណ្ឌលគិរី មកដល់ចំណុចខាងលើត្រូវបានជំនាញរដ្ឋបាលព្រៃឈើធ្វើការឃាត់តែម្ដង។
ករណីឃាត់រថយន្តខាងលើ០១គ្រឿងនេះបានធេីឱយមន្ត្រីរាជការ និងប្រជាពលរដ្ឋដាក់ជាចម្ងល់ថា ហេតុអ្វីរថយន្តនេះរត់ឆ្លងកាត់ខេត្តមណ្ឌលគិរីមករួចគ្មានការឃាត់ពីមន្ត្រីជំនាញ ក៏ដូចជាសមត្ថកិច្ចដែរដើម្បីធ្វើការត្រួតពិនិត្យ លុះមកដល់ស្រុកស្នួលទេីបមានការឃាត់។
ក្រោយពីការឃាត់រួចមកមន្ត្រីជំនាញរដ្ឋបាលព្រៃឈើស្រុកស្នួលបានឱយដឹងថា រថយន្តនេះដឹកក្ដានីវប្លាកកេចេញពីចំនុចខាងលើហើយកំពុងធ្វើការសាកសួរនិងសុំយោបល់ពីព្រះរាជអាជ្ញាដើម្បីបន្តអនុវត្តន៍នីតិវិធីនៅថ្ងៃនេះ ។
លោកព្រះរាជអាជ្ញារង សោ វុទ្ធី បានឱយដឹងថា ការងារនេះរងចាំទុកឱយជំនាញធ្វើការត្រួតពិនិត្យឱយបានច្បាស់អំពីច្បាប់រដ្ឋបាលព្រៃឈើដើម្បីអនុវត្តច្បាប់។
ជុំវិញការឃាត់រថយន្តខាងលើនេះ សារព័ត៌មាន ខ្មែរអច្ឆរិយ: បានទូរស័ព្ទលោកឧកញ្ញា សឹង សំអុល ដែរដើម្បីសុំការបំភ្លឺតែមិនលើក។
ចុងក្រោយនេះ មន្ត្រីរាជការ ប្រជាពលរដ្ឋបានធ្វើការដាក់ជាសំណូមពរថា ចំពោះរថយន្តនេះ បើមុននឹងឃាត់ទុកពីមន្ត្រីជំនាញ និង មានការដោះលែងតាមបទបញ្ជាពីលោកព្រះរាជអាជ្ញាយ៉ាងណានោះ សុំឲ្យមានការឆែកឆេរ ត្រួតពិនិត្យអោយបានច្បាស់ ដោយមានការចូលរួមពីអ្នកសារព័តមានផងដើម្បីកុំឱយប្រជាពលរដ្ឋគាត់សង្ស័យថាមានការឃុបឃិតដោះលែងបទល្មើសប្រព្រឹតអំពើពុករលួយ ៕
(រង់ចាំតាមដានបន្តថ្ងៃនេះពីខ្មែរអច្ឆរិយ:)
