ព័ត៌មានពីខេត្តមណ្ឌលគិរី ស្រុកកែវសីមា
ចេញផ្សាយចន្ទ១០កើត ខែ ពិសាខ ឆ្នាំកុរ ឯកស័កព.ស.២៥៦២ត្រូវនឹងថ្ងៃទី១៣ ខែឧសភាឆ្នាំ២០១៩!
អត្ថបទ:ដោយ វង្ស រចនា
ថ្ងៃអាទិត្យ០៩កើត ខែ ពិសាខ ឆ្នាំកុរ ឯកស័កព.ស.២៥៦២ ត្រូវនឹងថ្ងៃទី១២ ខែឧសភា ឆ្នាំ២០១៩
កម្លាំងការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្ត សហការជាមួយនគរបាលដ្ឋានស្រុកកែវសីមា ដោយមានការយកចិត្តទុកដាក់ និងបញ្ជាផ្ទាល់ពីសំណាក់ឯកឧត្តម ស្វាយ សំអ៊ាង អភិបាល នៃគណៈអភិបាលខេត្ត និងលោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានបើកយុទ្ធនាការស្រាវជ្រាវយ៉ាងយកចិត្តទុកដាក់ រហូតឈានដល់បំបែកសំណុំរឿង និងចាប់ឃាតករបានម្នាក់យកមកផ្តន្ទាទោសតាមច្បាប់ ក្រោយការស៊ើបអង្កេត អស់រយៈពេលជិត១ខែ ក្នុងករណីឃាតកម្មមួយនៅក្នុងភូមិឃ្មូមរយ៉ង់ ឃុំស្រែឈូក ស្រុកកែវសីមា ខេត្តមណ្ឌលគិរី ។
ករណីឃាតកម្មនេះបណ្ដាលឱ្យជនរងគ្រោះជនជាតិព្នងម្នាក់ បានស្លាប់ក្រោយពេលដែលជនមិនស្គាល់មុខ ធ្វើការបាញ់ប្រហារ កាលពីថ្ងៃទី១៤ ខែមេសា ឆ្នាំ២០១៩ វេលាម៉ោង០៨និង១៥នាទីយប់(ថ្ងៃចូលឆ្នាំថ្មីប្រពៃណីជាតិខ្មែរ។ តាមរបាយការណ៍របស់លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានឱ្យដឹងថា ជនសង្ស័យឈ្មោះ ណន ម៉ៅ ភេទប្រុស អាយុ៣៩ឆ្នាំ ជនជាតិព្នង ទីលំនៅកន្លែងកេីតហេតុ។ លោកស្នងការបានបញ្ជាក់ថា នៅចំពោះមុខសមត្ថកិច្ច ក្រោយពីការស្ដាប់ចម្លេីយជនសង្ស័យបានឆ្លេីយសារភាពថាខ្លួនពិតជាបានបាញ់សម្លាប់ជនរងគ្រោះឈ្មោះព្យុច ផុស យ៉ាងពិតប្រាកដមែន។
ហេីយជនសង្ស័យបានសារភាពថា មូលហេតុដែលឈានដល់សម្លាប់ជនរងគ្រោះនោះ គឺដោយសារតែខ្លួនមានគំនុំបីឆ្នាំហេីយ ជាមួយគ្រួសាររងគ្រោះ ដោយបញ្ហាទំនាស់ដីធ្លី និងចោទប្រកាន់ថាជនរងគ្រោះចេះអំពើអាបធ្មប់ធ្វើបាបខ្លួន។ ក្នុងចម្លើយសារភាពគ្រាដែលសមត្ថកិច្ចយកជនសង្ស័យទៅធ្វើត្រាប់ឡើងវិញនោះជនសង្ស័យក៏បានបកស្រាយលម្អិតអំពីគម្រោងផែនការរៀបចំយ៉ាងល្អប្រាប់ដល់សមត្ថកិច្ចផងដែរ។
សូមជម្រាបថា នៅព្រលប់ថ្ងៃទី ១៤ខែមេសាឆ្នាំ២០១៩ពោលគឺចំថ្ងៃទី១ នៃថ្ងៃបុណ្យចូលឆ្នាំប្រពៃណីជាតិខ្មែរ បុរសជនជាតិព្នងម្នាក់ ឈ្មោះព្យុច ផុស អាយុ៣៩ឆ្នាំ រស់នៅភូមិឃ្មូមរយ៉ង់ ឃុំស្រែឈូក ស្រុកកែវសីមា ខេត្តមណ្ឌលគិរីដែលមានប្រពន្ធនិងកូនៗចំនួន០៧នាក់ បានដាច់ខ្យល់ស្លាប់ភ្លាមៗ នៅលើផ្ទះរបស់ខ្លួន គ្រាដែល ត្រូវជនមិនស្គាល់មុខ ប្រើអាវុធអាកាស្វៃបត់ បាញ់ប្រហារ ពីខាងក្រោមផ្ទះ ចំនួន២គ្រាប់ធ្លាយពោះ៕
ប្រជាពលរដ្ឋក៏ដូចជាមន្ត្រីរាជការជាពិសេសក្រុមគ្រួសារជនរងគ្រោះសូមគោរពថ្លែងអំណរគុណនូវវីរ:ភាពដ៏អស្ចាររបស់កងកម្លាំងក្នុងការស្រាវជ្រាវនិងចំណាត់ការបង្ក្រាបបានល្អទាន់ពេលវេលាធ្វេីឲ្យប្រជាពលរដ្ឋយេីងមានភាពកក់ក្ដៅជឿជាក់ សូមគោរពជូនពរ ឯកឧត្ដមអភិបាលខេត្តនិងមន្ត្រីក្រោមឱវាទបានជួបប្រទះនូវពុទ្ធពរអប្រាំប្រការគឺ អាយុ វណ្ណៈ សុខៈ ពល: និងបដិពានៈ គប្បីឃ្លាងឃ្លាតឡេីយ។
ការិយាល័យនិពន្ធនាយក ០៩៣ :៤៤៥៥៥៨
ធ្វេីសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress
