ព័ត៌មានពីខេត្តក្រចេះ ស្រុកស្នួល
ចេញផ្សាយថ្ងៃសៅរ៍០៨កើត ខែ ពិសាខ ឆ្នាំកុរ ឯកស័កព.ស.២៥៦២ត្រូវនឹងថ្ងៃទី១១ ខែឧសភាឆ្នាំ២០១៩!
នាព្រឹកថ្ងៃសៅរ៍០៨កើត ខែ ពិសាខ ឆ្នាំកុរ ឯកស័កព.ស.២៥៦២ត្រូវនឹងថ្ងៃទី១១ ខែឧសភា ឆ្នាំ២០១៩ វេលាម៉ោង០៨.០០នាទីព្រឹក នៅចំណុចជញ្ជឹងទិញដំឡូងមីស្ថិតនៅក្នុងភូមិក្រញូងសែនជ័យ ឃុំុំក្រញូងសែនជ័យ ស្រុកស្នួល ខេត្តក្រចេះ( ផ្លូវ៩៩៩៩ ) ពលរដ្ឋបានប្រាប់អង្គភាពសារព័ត៌មាននិងគេហទំព័រ”ខ្មែរអច្ឆរិយ:”យេីងឲ្យដឹងថា រថយន្តកែច្នៃដឹកជញ្ជូនឈើពេញប្រៀបមួយគ្រឿងបាកជន្ទាស់ដាច់កង់ទៅមុខមិនរួចនេះជារបស់លោក ជា វណ្ណៈ ដែលគេស្គាល់ថាមានតួនាទីជាប្រធានកងអនុសេនាធំទី៣ វរសេនាតូច២០៤ កូនចៅលោកវរសេនីយ៍ឯក មាស សុភាព ( ឈរជើងនៅ៨៨ ) ។
រថយន្តដឹកឈើនោះត្រូវបានប្រភពបញ្ជាក់ថា ជារបស់ឈ្មោះហ៊ា រស់នៅក្នុងភូមិក្រញូងសែនជ័យ ឃុំក្រញូងសែនជ័យ ស្រុកស្នួល ខេត្តក្រចេះរត់ការបង់លុយរួចហើយ ចូលតាមច្រក០៧ របស់លោកជាវណ្ណៈ(គ្រប់គ្រង ) តែជាអកុសល ត្រូវបានកម្លាំងសមត្ថកិច្ចចម្រុះបានធ្វើការឃាត់ចាប់បង្ក្រាបនៅគោលដៅខាងលើបានរួចរាល់់។
ប្រជាពលរដ្ឋបាននាំគ្នារិះគន់យ៉ាងពេញទំហឹងថាចំណាត់ការក្ដៅរបស់សមត្ថកិច្ចនេះបង្ក្រាបបានទាន់ពេលវេលាមែនបានតែរថយន្តខូចទេ?បេីមិនដូច្នោះទៅបាត់ស្រមោលហេីយ ពួកគេចាំមើលបន្តរទៀតថាតើមន្ត្រីជំនាញក៏ដូចជា លោក គង់ គឹមនី អភិបាលនៃគណៈអភិបាលស្រុកស្នួល មានចំណាត់ការយ៉ាងណាចំពោះ លោក ជា វណ្ណៈ មេ កងអនុសេនាធំព្រំដែននោះ។
ធ្វេីសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress