ព័ត៌មានពីខេត្តស្ទឹងត្រែង
ចេញផ្សាយថ្ងៃច័ន្ទ០៣កើត ខែពិសាខ ឆ្នាំកុរ ឯកសក័ព.ស.២៥៦២ ត្រូវនិងថ្ងៃទី០៦ ខែឧសភាឆ្នាំ២០១៩!
ដោយសារមន្ត្រីរដ្ឋបាលព្រៃឈើថ្នាក់កណ្តាលបានកំពុងតែបន្តសកម្មភាពចេញលិខិតអនុញ្ញាតិផលអនុផលព្រៃឈើអោយក្រុមហ៊ុន ស៊ីម៉ុន cambodia ដឹកឈើទៅលក់នៅឯប្រទេសវៀតណាមតាមច្រកអន្តរជាតិត្រពាំងស្រែ ស្រុកស្នួល ខេត្តក្រចះយ៉ាងសកម្មគគ្លើនបំផុត។
ជាក់ស្ដែងកាលពីថ្ងៃទី២៣ដល់ថ្ងៃទី២៧ ខែមេសា ឆ្នាំ២០១៩ កន្លងទៅថ្មីៗនោះលោកបណ្ឌិតកែវ អូម៉ាលិស្សចេញលិខិតអនុញ្ញាតិដឹកឈើចេញពីរោងចក្រអារឈើក្រុមហ៊ុនស៊ីម៉ុន cambodia ស្ថិតនៅ ភូមិស្រែរមាំង ស្រុកសៀមប៉ាង របស់ខេត្តស្ទឹងត្រែងទៅលក់នៅប្រទេសវៀតណាមតាមច្រកទ្វារអន្តរជាតិ ត្រពាំងស្រែ ស្រុកស្នួល ខេត្តក្រចេះតាមរថយន្តម៉ាកយីឌុបរាប់សិបគ្រឿង។
បច្ចុប្បន្នក្រុមហ៊ុននេះបានកំពុងតែចចារ្យគ្នា ជាមួយនឹងមន្ត្រីជំនាញដើម្បីនាំឈើទៅក្រៅប្រទេស ជាបន្តទៀតហើយគេសង្កេតឃើញនៅក្នុងរោងចក្រនេះនៅមានឈើច្រើនឡាំងជ្រុងៗត្រៀបត្រាប្រហែលជាង១០០០ម៉ែត្រគូបទៀតដែលបានមកពីការទិញឈើពីតំបន់ខាងក្រៅចូលមករោងចក្រ។ រីឯក្នុងបរិវេណក្រុមហ៊ុននេះគេសង្កេតឃើញមានការឈូសឆាយព្រៃឈើដ៍ល្វឹងល្វើយដាច់កន្ទុយភ្នែករាប់ពាន់ហិកតាក្លាយជាវាលរហោដ្ឋានអស់ហើយដោយអត់មានការដាំដុះឡើងវិញនោះទេក្នុងអំឡុងពីរឆ្នាំកន្លងមកនេះ។
ដោយសារចេះតែមានភាពមិនប្រក្រតីកើតឡើងយ៉ាងជាក់ស្ដែងដូចនេះហើយទើបបានសម្ដេចតេជោហ៊ុនសែន បានណែនាំដល់ឯកឧត្ដម សាយ សំអាល់រដ្ឋមន្ត្រីក្រសួងបរិស្ថានឲ្យបើកកិច្ចសហប្រតិបត្តិការ ជាមួយប្រជាពលរដ្ឋហើយនិងអំពាវនាវដល់អ្នកសារព័ត៌មានទាំងអស់អោយមានការផ្សព្វផ្សាយអំពីរឿងនេះហើយឲ្យផ្សាយវ៉ែកមុខចំៗ អ្នកប្រព្រឹត្តិបទល្មើសទាំងនោះទៀតផង —(សម្លេងសម្តេច)។
ឥឡូវយើងរកមុខឃើញហើយអ្នកដែលបំផ្លាញ បទល្មើសព្រៃឈើយ៉ាងសម្បើមនេះគឺថៅកែចិន អគ្គនាយកក្រុមហ៊ុន ស៊ីម៉ុន cambodia សហការជាមួយលោកបណ្ឌិត កែវ អូម៉ាលិស្ស រដ្ឋបាលព្រៃឈើថ្នាក់កណ្ដាលបានឡំប៊ីុឈើពីក្រៅតំបន់ចូលមកក្នុងរោងចក្រហើយក្រសោបចេញតាមរយៈPC ក្រុមហ៊ុនឈើស្របច្បាប់។ ហើយថ្មីៗកន្លងទៅនេះបានសង្កេតឃើញថា មន្ត្រីអធិការកិច្ចដែលមកពីក្រសួងអធិការកិច្ចទំនាក់ទំនងជាមួយរដ្ឋសភាព្រឹទ្ធិសភា ក៏បានចូលមកដល់ទីតាំងក្រុមហ៊ុននេះផងដែរ ក៏ប៉ុន្តែ បានត្រឡប់ទៅវិញដោយស្ងាត់ៗ មិនដឹងជាលួចធ្វើរបាយការណ៍ជួយក្រុមហ៊ុននេះដោយរបៀបណា? ទេ? ទើបបានជាស្ថានការណ៍បទល្មើសនៅតែបន្តកើតឡើងដោយរលូនដដែល។
ធ្វើសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress
