ខេត្តព្រះវិហារ ៖ ប្រជាពលរដ្ឋក៏ដូចជាប្រជាសហគមន៍ការពារ ព្រៃព្រះរកា ក្នុងស្រុកត្បែងមានជ័យ ស្រុកឆែប និងស្រុកជាំក្សាន្ត ខេត្តព្រះវិហារ បានរិះគន់ យ៉ាងខ្លាំងប្រាប់សារព័តមាននិងគេហទំព័រខ្មែអច្ឆរិយ: ថាកន្លង មក ឯកឧត្ដម សាយ សំអាល់ រដ្ឋមន្ត្រីក្រសួងបរិស្ថាន ជឿតែលើរ បាយការណ៍ភូតភររបស់ មន្ត្រីអាជ្ញាធរខេត្តព្រះវិ ហារ និងលោកប្រធានមន្ទីរបរិស្ថាន ខេត្តព្រះវិហារ ប៉ុណ្ណោះ ដោយមិនបានចុះត្រួតពិនិត្យស្ថាន ភាពជាក់ស្ដែង ករណីកាប់បំផ្លាញព្រៃឈើនៅភូមិសាស្ត្រខាងលើនោះទេ ។
ហេតុនេះហើយទើបបទល្មើសកាប់បំផ្លាញព្រៃព្រះរកា កើតឡើងកាន់តែមានកំនេីនខ្លាំងឡេីងៗដោយសារ ឯកឧត្ដម អ៊ុន ចាន់ដា អភិបាលខេត្តព្រះវិហារ និងលោកប្រធានមន្ទីរបរិស្ថានខេត្តព្រះវិហារ នាំគ្នាសម្ងំស្ងៀមបានទទូលលាភសការ:ហើយយកលេសជាប់រវល់ក្នុងយុទ្ធនាការឃោសនាបោះឆ្នោត គ្មានពេលបង្ក្រាបបទល្មើសកាប់បំផ្លាញព្រៃឈេីនោះទេ។
ដោយមានហេតុផលនេះហើយទើបក្រុមឈ្មួញអាចមានឱកាស់់កាប់បំបំផ្លាញព្រៃព្រះរកា រតាមអំពើចិត្តរបស់ពួកគេហើយសូម្បីតែដើមច្បោះជ័រ ដែលជាមុខរបរប្រពៃណីរបស់ជនជាតិដើមភាគតិចកួយ នៅតំបន់ព្រៃព្រះរការនោះ ក៏កំពុងប្រឈមនូវការវិនាសសាបសូន្យដែរ។
មន្ត្រីអង្គការក្រៅរដ្ឋាភិបាលនិងសកម្មជនព្រៃឈើក្នុងខេត្តព្រះវិហារ បានឲ្យដឹងទៀតថា ឯកឧត្ដម អ៊ុន ចាន់ដា អភិបាលខេត្តព្រះវិហារ មិនមានវិធានការទប់ស្កាត់បទល្មើសបំផ្លាញព្រៃព្រះរកា ដែលកំពុងកើតឡើងយ៉ាងមហន្តរាយនោះទេដោយសារជាប់រវល់ក្នុងយុទ្ធនាការឃោសនារកសំលេងឆ្នោត។
ហេតុនេះហើយទើបក្រុមឈ្មួញនិងក្រុមជនល្មើសមួយចំនួនកំពុងបង្កើនសកម្មភាពកាប់ឈើនិងដឹកជញ្ជូនឈើចេញពីតំបន់ព្រៃព្រះរកា យ៉ាងគគ្រឹកគគ្រេងព្រោះទាំងអភិបាលខេត្ត ទាំងមន្ត្រីពាក់ព័ន្ធ និងសមត្ថកិច្ចពាក់ព័ន្ធសុទ្ធតែជាប់រវល់ក្នុងយុទ្ធនាការឃោសនាបោះឆ្នោត។
ប្រការនេះធ្វើឲ្យព្រៃព្រះរកា កំពុងប្រឈមនឹងសេចក្ដីវិនាសព្រោះក្នុងដំណាក់កាលនៃយុទ្ធនាការឃោសនាបោះឆ្នោត គឺក្រុមឈ្មួញនិងក្រុមជនល្មើសសម្រុកកាប់ឈើនិងដឹកជញ្ជូនឈើចេញពីព្រៃព្រះរកាយ៉ាងគំហុកតែម្តងដោយមានការបេីកភ្លេីងខៀវជាឱកាស។
ប្រភពពីប្រជាសហគមន៍ការពារព្រៃឈើក្នុងស្រុកត្បែងមានជ័យ ស្រុកឆែប និងស្រុកជាំក្សាន្ត ខេត្តព្រះវិហារ បានលើកឡើងថា ព្រៃព្រះរកាដែលមានទំហំ ៩៦ ០០០ ហិកតា កំពុងរងការបំផ្លាញកាន់តែខ្លាំងឡើងៗព្រោះអភិបាលខេត្តព្រះវិហារ ឯកឧត្ដម អ៊ុន ចាន់ដា ក៏ដូចជាប្រធានមន្ទីរបរិស្ថាន និងប្រធានមន្ទីរកសិកម្មខេត្តព្រះវិហារ មិនខ្វល់ពីសេចក្ដីវិនាសព្រៃឈើនោះឡើយ។
ប្រភពខ្លះទៀតបានបង្ហើបឲ្យដឹងថា បទល្មើសកាប់បំផ្លាញព្រៃព្រះរកា គឺជាប្រភពចំណូលរបស់ ឯកឧត្ដម អ៊ុន ចាន់ដា ក៏ដូចជាប្រធានមន្ទីរពាក់ព័ន្ធផងដែរ? ហេតុនេះហើយទើបពួកគេមិនចាត់វិធានការទប់ស្កាត់បទល្មើសប្រកបដោយប្រសិទ្ធភាព។ សូម្បីតែ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ក៏រក្សាភាពស្ងៀមស្ងាត់ដែរ ក្នុងខណៈដែលព្រៃព្រះរកា រងការបំផ្លាញកាន់តែខ្លាំងជាងមុនទៅទៀត ហើយឈើប្រណីតនិងឈើប្រភេទលេខ១ ស្ទើរតែវិនាសសាបសូន្យ៕
(នៅមានត ដោយខ្មែរអច្ឆរិយ:)!
